تجربتي مع الكيراتين ادخولوا وشوفوا

1. مساء الخيرات


2. صباح الخيرات

مساء الخيرات

صباح الخيرات

لكل الفرشات الحلوات طبعا أنا أول مرةأنزل موضوع بالمنتدى اللي أحبه كثير وأحب كل الفرشات المتواجدات فيه عالعموم ماراح أكثر حكي راح أقولكم تجربتي مع معالج الكيراتين وحطوا تحت المعالج 10 خطوط يعني ماهو الفرد طبعا ما أقدمت على هالخطوة الإ بعد مابحثت في منتديات كثيرة عن منافع ومضار الكيراتين والردودا عليه المهم بعد الإستخارة والإستعانة بالله تؤكلت على الله قررت إني أسوي شعري بمعالج الكيراتين طبعا ما حكيتكم عن شعري كان منعدم جفاف على تقصف على خشونة على نفشة قوية كأني كدش والله العظيم صرت استحي لمن يشوفني زوجي من البهذلة اللي أنا فيها المهم أقدمت على الخطوة الخطيرة وما أقولكم كنت خايفة جدا (أخاف أكحلها أعميها) وبعد البحث عن أفضل المشاعل اللي تعمل الكيراتين قررت أعمله في مشغل إي-سيا اللي في مدينة جدة طبعا هو غالي جدا بس قلت ماهو غالي في شعري التعبان المهم حجز موعد ورحت طبعا أنا طلبت وحدة اسمها عايدة مصرية ويوم أني رحت قالولي أنها بتتأخر المهم جتني وحدة اسمها منال مصرية كمان بس بصراحة كان تعاملها زفت وماعندها أخلاق وقالت لي شعرك يبغاله قص من الاطراف لأنه متقصف وربي رحمني منها وقامت بمعالجة شعري بدل من منال وحدة فلبينية اسمها ميرسي كانت رائعة جدا وعلى فكرة على كثر مارحت لهالمشاغل الإ إني ماوجدت أفضل من الفلبينيات في الإخلاص في العمل والاخلاق العالية نرجع لموضوعنا المهم بدينا في المعالجة عا ما أقولكم طلعت عيوني وهي تسولي بعد المعالجة بالاستشوار والسيرميك وريحة كتمتني بعدها ماحسيت بالفرق اللي كنت اطمح له على العموم ما راح احكم الابعد ما أغسل شعري بعد أربعة أيام وبقول لكم النتائج لعيونكم يالفرشات والله ياحبيبات إني مانزلت هالموضوع الإ عشان تستفيدون من تجربتي لأني لفيت الدنيا والمنتديات عشان أعرف تجارب غيري قبل اسويه وأبوافيكم بالنتائج أول بأول