تجربتي مع زيت جوز الهند وكريم طبيب الشعر

1. وشوفت كريم اسمو طبيب الشعر من سلفر مون دي صورتو

مرحبا فراشات كيف الصحة ان شاء الله مافي كُحه
حختصر لكم تجربتي بدون بربرة طويلة
شعري قبل لاينعدم كان ناعم وكثيف بس مع كثرة الاستشوار والصبغات سارت حالتو يرثى لها من التقصف والتساقط والجفاف
استخدمت زيت اللوز الثقيل ماعجبني وانا من النوع اللي ماحب الزيوت كتير
جلست فترة ونصحتني وحده اجرب زيت جوز الهند اللي يجي طازة من المعصرة مش اللي ينباع في الصيدليات
اتوكلت ع الله واستخدمته ومالي اقل من شهر ونص وشعري الحمدلله اول شي لاحظوه اهلي اللمعه في شعري
وبعدين لمستو ناعمه ماشاء الله وشعري المتقصف حسيتو طاح مدري اتعدل المهم انو اختفى ماسار متقصف زي اول والحمدلله انا راضيه عن شعري دحين بس ناقصني يكتر شويا لأنو مااكدب عليكم هوا اتحسن بس مو للدرجه اللي ابغاها في الكثافه بس اكيد مع المداومه حيكتر صدقوني الشغله يبغالها مداومة وصبر
نجي للكريم اللي حبيتو مرا وعشقتو من اول مسحه
كنت افرفر في الصيدليه ابغا كريم واقي شمس وماادري كيف انحذفت لقسم كريمات الشعر بالغلط

وشوفت كريم اسمو طبيب الشعر من سلفر مون دي صورتو

المهم يابنات دا لمن تحطوه وربي حتحسو بفرق كبير قبل بعد الترويش ورح تحسو شعوركم فيها حياه مع دا الكريم ينعم الشعر ويخلي فيه رطوبة كأنو مبلل والاطراف المقصفه يرطبها بشكل مايضايقك وحتى ريحتو تجنن بجد اسم ع مسمى طبيب الشعر
ونهاية الخطبة حقتي اتمنى افدتكم ياحلواتي ودعواتكم لي بالحمل