تجربتي مع مشاغل الرياض للفائده

السلام عليكم يااحلوات
اليوم قررت انزل موضوعي لنقل الفائده وياليت كل وحده تقول لنا تجربتها علشان نستفيد ورجاء خاص صاحبات المشاغل لايدخلون يمدحون مشاغلهم لهدف شخصي والي ماخذه موقف من مشغل لاتذمه
لموقفها الشخصيه نكتب كل شي بذمه وضمير
يالله البدايه من عندي
مشغل مشاعل بحي الشفاء حلو ولكن فيه مشكلة الزحمه واحيانا مايتقنون الشغل لانه بعض عاملاتهم تعودوا على البخشيش بكل اسف الي تبي شي حلو تطلب مميز ويدخلوتنها قسم فب طبعا بزيادة فلوس اذا تبين مع العادي ممكن تتحملين الضغط واي كلام او البخشيش مثل ماقلنا طبعا الي جربته عندهم الحواجب مره خيال وتطول مايروح التشقير
صبغ الشعر مره حلوه ومايتلف الشعر من تجربتي جربت القصدير مره حلو خصلهم
القص مو مره حلو
الميك اب والتساريح للي يحب الاوفر مره جنان كمميز طبعا العادي مش ولابد
البدي كير مره رايق
مشغل ساره بالخالديه مره حلوه للي يحب مكياج اوفر وتسريحات مميزه ولكن الزحمه ثم الزحمه ثم الزحمه طبعا المميز المرغوب غيره لاتطلبين مو حلو
مشغل دار الفراشات بالسويدي قررت اجربه وليتني ماجربت زحمه وانفسهم خايسه تسريحاتهم حليوه ومو كل العاملات كويسات بعضهم والميك اب مو مره
رولاود بالسويدي كنت معجبه فيهم كقص وصبغه وسمعت عنهم كلام مشكلتهم غالين ومستغلينا هالتركيات
لي عوده لاحقا هذا كل مالدي انتظركم