تجمع الامهات اللي اطفالهم بالصف الاول الابتدئي يعني اللي تو بدا همهم

1. فقلت ليش ما نجتمع هنا نخفف عن بعض << صارت مصيبه خ

السلام عليكم ورحمه الله وبركاته
بنات وش رايكم نجتمع هنا كل ام لها طفل او طفله توه داخل المدرسه يعني بالصف الاول الابتدئي
انا ولدي باذن الله بيدخل المدرسه واحس اني في تجربه رهيبه وصعبه والله توي حسيت بامي الله يجزاها خير

فقلت ليش ما نجتمع هنا نخفف عن بعض << صارت مصيبه خ

والله يابنات احس اني خايفه ولدي اول مره يروح مجتمع وانا مو معاه وغير كذا انااخاف الصراحه على افكاره والا يتعلم اشياء غلط والا احد يضربه مثلا من جد ودي ان المدرسه ماجات والله اني لمااشوفه احزن عليه وبعد ماادري بيحب المدرسه والا لا وشايله هم قومته الصبح لان نومه مخربط يعني ودي ارتب له كل شي لكن احس ان الموضوع مو بيدي
بس ماابي انقل له ذا الشعور بالعكس دايم اقول يا حركات من قدك بتروح المدرسه وتصير تعرف تكتب وتقراء وتكبر وتصير مثل بابا وهو بيتشقق من الوناسه
المهم كل ام تحضر هنيا نتناقش ونتحاور ونتضارب ونشوف اخبار بعض واخبار عيالنا
واللي بعد لها طفل دخل له سنه او سنتين ياليت تفيدنا كيف انظبط ولدها في حكايه النوم والقومه الصبح
وتنظيم وقت الدراسه واللعب خصوصا ان الطفل ما كان همه قبل المدرسه الا اللعب ونشوف طرق للتدريس ولتنظيم وقتهم
بانتظار كل ام وياليت عدم اصحاب الاطفال