تجمع طالبات الانتساب في جميع الجامعات والكليات

اهلا بيكم حبايبي ويشرفني اكون اول المتواجدات
ا انا الي حببني ادخل الجامعه قسم الانجليزي مع اني ماني متمكنه بس اتمنى اني افهم واتقن هذي اللغه وسجلت انتساب السنه هذي في كلية الاداب .. بس لسه ماادري متى صدور البطاقه ..... وماادري متى اقدر اختار القسم بعد السنه الاولى طيب على ايش يعتمد قالولي بعض الي درسو فيها ع المعدل 3.5 فما فوق طيب مو مشكله نشد حيلنا بس ما في ا حسب الاماكن الشاغره والا ايش بالظبط ومتى يكون بعد السنه مباشره والا كيف والله اني شايله هم لو خلصت السنه الاولى وما دخلت قسم الانجليزي ......ماادري ايش ح يصير فيا ..... اتمنى احد يو ضح لي
..... ام ايوا صح طيب حسب ما سمعت فيه دورات ... متى هما يعطونا المواعيد .. وفيه كمان سي دي اطلبه والا متى .... وايش كمان .... المقررات والمفردات والملزمات ...؟؟؟ والوحدات ايش هيا بالظبط والساعات حسب الوقت والا تقاس بشيء ثاني ................
اسفه على الاطاله ... بس انا جديده ع الجامعه والنظام واخاف انه يكون في اشياء صغيره تساعدني سواء لاختيار التخصص والا للنجاح وغيره .... واجهلها خصوصا باللي يساعدي على دخولي للتخصص
وان شاء الله الافاده للجميع
الف تحيه من اختكم كوين

والله ياأختي انتي لما تسجلي راح يعطوكي موعد من الى عشان تسلمي المبلغ اللي هوو تلاته الاف وبعدين على طول تروحي ع الجامعه وتعطيهم كل الاوراق اللي انطلبت منك وطبعا ورقة السداد ويحبذا تسددي من موقع الجامعه نفسو وبعدين خلاص يقولوك راجعي النت متى موعد صدور البطاقه ومتى بداية الدوره اللي راح تكون تلاته اسابيع وبكذا في نفس الدوره راح تاخذي المفردات اللي قولتي عليها
وانشالله أكون افدتك
((ناايس ))

انا كتبت بياناتي وارسلتها للجامعه يوم الاثنين متى اعرف اني انقبلت ولالا انتساب
تكفون قولولي وانا الحين حامل وراح اولد بأذن الله برمضان يمدني اختبر ولا اخليها السنه الجايه لاني ماعرف متى اوقات الاختبارات تبع الجامعه

التقديم يكون عن طريق الانترنت لجامعة الملك عبد العزيز .. والحين اعتقد اكتمل العدد ..
الخطوات زي كذا بالضبط:
1- تعبئة البيانات عن طريق مو قع الجامعة
2- ارسال الأوراق كاملة
3- متابعة حالة الطلب عن طريق الموقع
4- يرسلون لك تم التدقيق وعليك بالسداد عن طريق خدمة سداد
5- بعد مايوصلهم السداد .. يقولون لك وصل السداد وتم قبولك بالجامعة
6 بعدين تم الارسال لأقرب فرع دي اتش ال ( يرسلون لك بطاقتك الجامعية)
انا أمس الحمدلله استلمت بطاقتي
وعقبال الباقي ان شاء الله ..

أنا كنت أنتساب بس رسبت بكل المواد ماعدا مادتينوكان هذا الكلام أول ماطلع الأنتساب
ويشرايكم أقدر أكمل وإلا لا؟؟؟؟؟؟؟؟

مشكورة أختي على الموضوع الحلو

انا قدمت انتساب الملك عبدالعزيز وبس كنت ابي علم نفس وقالو مافي انتساب ويالله انواع التحطيم

سلام يافراشات...
ودي اسالكم شنو الجامعات الحكومية الموجودة في الدمام وهل التقديم فيها خلص .؟؟؟؟؟؟؟؟؟؟؟؟

اهلين بنات
اناا بعد مثلكم انتساب في جامعة الملك عبدالعزيز (جديده) قسم اداره واعمال
وعن جد اناا خايفه واجد
وياليت القى اي بنت تساعدني خصوصا انا من سكان الشرقيه
اما بالنسبه للقبل اختي لاتخافي راح يردو عليك خلال اسبوع اكثرر شي
بس كنت ابسأل ليه مافيه تخصص علم نفس؟؟؟