تحارب الحب رواية من وحي الحجاز بقلم أميرة قلب

تحارب الحب
البارت(( 1 ))
قصتي الأولى ... هذه القصة جلست لسنتين أرسمها في خيالي ...... قصتي تدور بداية أحداثها في مدينة جدة تلك المدينة التي تميزت بحضارتها فستنشق ابطال قصتي جوها الممزوج بالحضارة والأصالة ربما ما يعرفه الجميع عن اهل جدة الأنفتاح الشديد ولاكن هناك طبقة لازالت محافظة ع بيئتها النقية والمتماسكة تعالوا معي وابحروا بين احداث قصتي ... ديمة: عمرها 18 شكلها : م شعرها طويل لركبها ومو ناعم مرة لونها ابيض وبياضها حلو عيونها واسعة ورموشها كثيفة الي يشوفها يحسبها مكحلتها جسمها حلو ولبسها احلى صفاتها بنت مجتهدة مرة وذكية هادية وعاقلة وحنونة ع الصغار خجولة وصداقتها مو مرة كثيرة اكثر صديقاتها قرب لها رجاء ودي البنت اتزوجت وانشغلت عنها والثانية هيفاء وماتت قبل 3 سنوات ........ العشاء ديمة تذاكر كالعادة الأخت تالت ثنوي ومحد قدها
يرن الجوال ... تطالع الرقم ( المزعج الغالي ) طبعا دا اسم اخوها مازن أصغر منها بسنة وحدة عمره 17 شكلة جنان ابيض مرة وعيونه واسعة وعسلية وشعره بني ناعم الى رقبته وهو حتى احلى منها كنه بنت من جماله الي طبعا مو عاجبه لأنو سبب مضايقة البنات له في المولات هو طبعا مايحب الحركات دي رغم انو رومنسي مرة بس محترم ديمة- ردت نعم.. بحدة شوية مازن _ هلا والله بأختي الغالية القاطعة ديمة في نفسها ( اشبو دا انهبل مني معاه في البيت ) لا والله يا شيخ مهي غرفتي جنب غرفتك ولا فقدت الذاكرة مازن : ههه ايش بتسوي دحين ديمة اذاكر .... بعصبية مازن من متى الشطارة ؟؟؟ ديمة طبعا عصبت وقالت ... انت واحد رايق وفايق وفاضي وتموت ع تضيع الوقت والفلوس لو عندك شي قدامك ربع ساعة بس تتكلم فيها معاي في الغرفة ولا انقلع مازن رد بصوت تعبان .. دحين تبغيني اقوم من السرير والبس الشبشب (الله يكرمكم ) واقوم واقف وامشي لمن البا.... طبعا رخت في وجه جبلها المرض دخلت دينة اخت ديمة اصغر منها بسنتين وعكسها مرة تحب الإزعاج بكل انواعه وتعشق السوق لكن قلبها طيب واعصابها شوية مفلوتة وهاذي الصفة تخليها هي و مازن طول الوقت يتضاربوا هي تخينة شوية لكنها قمر شعرها بني ناعم لنص ظهرها وعيونها بنية قالت.... ليه معصبة ؟؟؟ ديمة: أخوك البقرة يتصل من الجوال وقاعد يستهبل دينة: ليه هو فين ؟؟؟ ديمة : في غرفته !! تقولها بعصبية تضحك دينة والله مازن دا شي عجيب ديمة: ليه ؟؟ دينة حركاته الهبلة ولا كولو كون لمن يتضايق من البنات لمن يأشروا عليه أو يعجبوا فيه ديمة: بالعكس كدا احسن عشان ما يتعب تعيسة الحظ الي حتقبل فيه دينة: ليه تعيسة حظ ؟؟ بالعكس حتعيش في جو رومنسي ما ينتهي.... قعدوا الإثنين يحشو في اخوهم الي مايحب من البنات غيراخواته وخاصة ديمة بس طبعا مولدرجة انو مايتزوج بس هو شعاره ( كما تدين تدان ) ويخاف يحب وحده وقصده شريف يجي واحد ويلعب بشرف اخواته وهذا الشي مخليه يكبر في نظر أبو وأعمامه وخيلانه وكل واحد يدعي انو وحده من بناته تكون من نصيبه ديمة حبت تغير الموضوع : ايش الي في الكيس ؟؟ دينة شبس وميرندا .. تبغي ؟؟ ديمة أكيد من زمان >> فرصة ثمينة << ما شتريت بس مين جابو ماشالله من دون ماتطلبي ؟ ضحكت دينة وقالت : مروان لأنو امس سلفته خمس ريال وقالي انو ماراح ياكل في المدرسة ويشتريلي شبس وعصير بس الكذاب راح اخذ من بابا واشترى ديمة: ههه وما جبلنا ؟؟ إلا هو يقدر يروح البقالة وما يشتري لدكتورة ديمة قالت دا الكلام دانية وهي داخلة وتعطي ديمة الكيس حقها (مروان أخوهم عمره 15 سنة سمين شوية بس نشيط وحيوي وفرفوش وكمان ما شالله حلو ويجنن اسمر سمار خفيف عيونه واسعة وشعره بني محمر زي دينة مرة في الصفات والشكل كمان قريب بس لايقارن بجمال أخوه ابدا رغم انهم الإثنين ملفتين لنظر من جمالهم دانية هاذي ينطبق عليها المثل ا ( جات تطل غلبت الكل ) ماشالله عليها بنت تجنن شعرها أشقر وعيونها خضر وجسمها جنان ومؤدبة وخلوقة لكنها جريئة ولا تطيق أحد يغلط عليها مهما كان وعمرها 14 سنة ) قالت دانية بسخرية يابنتي متى حتطلعي من الصومعة دي الناس راحت وجات وماتت وولدت وانتي جالسة هنا ولانتي دارية عن أحد ديمة بغرور ... انا جالسة هنا عشان أرفع راس بابا وابني نفسي مو زيكم دينة والله حبيبتي نحن عايشين حياتنا وبابا الله يخليك له أنتي ومازن و مروان ما شالله دوافير مانقدر عليكم ههه دخل مروان و عامل نفسه معصب قولي ماشالله وإذ تبغي تحسديني احسديني بس بعد ما أموت دانية وايش راح تستفيد بعد ما تموت مروان واليه تحسدني دحين واتعذب بقية حياتي يدخل مازن وليه ياخوية ما تبغى حبيبة البي تعذبك >> داخل عرض << خليها تطلع حرتي فيك مروان دحين أنت يا عنترة في أحد جاب سيرة عبلة وهو يأشر على ديمة (وهي مهي معاهم) أنا أتكلم مع دينة يضحكوا كلهم على غباء أخوانهم ويقول مازن :لا لودينةأحسلك أنها ما تحسدك ترى عينها والقبر على طول دينة: لا والله طيب يابو عين باردة شوف مين راح يعمل لك الكيك يوم الإثنين لأصحابك مازن حتى لو عملتيه ماراح ادخله لهم اخاف يموتو عندي وابتلش فيهم ديمة يعني دي سبه ولا مدح * قالتها وعينها ع الكتاب * مازن: والله عاد يا أختي العزيزة لمن تطالعي فينا حتعرفي اذا كانت مدح ولا سب وانتي من يوم ما دخلت وانتي عينك ع الكتاب إلي يشوفك يقول خلاص دي البنت حتألف موسوعة بكرة ديمة : والله لو راح أألف موسوعة راح تكون عنك مازن: من جد والله لدي الدرجة أنا كائن غريب مروان: أكيد اجل في واحد بالغباء دا والهبل يمكن عندك صواميل مفتوحة في دماغك وديمة لمن راح تسير دكتورة بإذن الله راح تعالجك صح ؟؟ مازن : والله ياا خوية يا ولد امي وابوية أنا لمن انولدت ما كان في شي بس من يوم ما جيت صدموني لمن قالو دا الثور اخوك (لانه تخين ) وطبعا كانت الحرب البيتية المليون ناوية تقوم والحمدالله دخلت أمهم( ام مازن (حياة )) انسانة طيبة مرة وحنونة وصبورة صبرت ع زوجها واهله الي كانو شوية سيئين معاها وهي حلوة شعرها ناعم وطويل وعيونها واسعة وخشمها واقف و ماشالله ملامحها طيبة وصبرت ع زوجها العنيد العصبي وربي عوضها اهل زوجها سارو اكتر وحده يحبوها وزوجها خف شوي بعد ما شاف بنته ديمة الي سارت دبل لابوها يعني زيه مرتين (الله يعين امها ) على ايه بتضحكوا طبعا مروان شافها فرصة عشان يشكي من مازن لأنها كانت مرة تحبو وتقول عليه العاقل وحكاها ومازنمو مهتم لأن امو عارفة انو مايحب يغلط ع احد ضحكت الام وقالت: يلا العشاء ابوهم (محمد) رجال طيب مرة وكل عياله طالعين عليه من الشكل لأنو ما شالله حلو واحلى من امهم كمان تبغو تسألو كيف اتزوجها والله هو رجال عاقل وما تهمو لأشكال ابدا واولاده طالعين زيه لكن ورغم الصعوبات الي واجها في بدايت زواجه مع اهله الإ نو متمسك بزوجته الأنو عارف معدنها وربنا ما ضيعلو تعب زوجته كانت نعم الزوجة اتحملت كل شي عشانه نزلوا كلهم للعشاء وسمعوا كالعادة صوت أختهم دانة أخر العنقود( انا جنب بابا ) عمرها 5سنين طبعا هي الدلوعة ولكن مهي زي دلع ديمة أبدا ومحد يقدر عليها غيرها وهاذي العبارة كل وجبة يسمعوها ومحد يقدر يعاندها غير ديمة وبما أنها طفشانة من الدراسة حبت تعاندها شوية قامت طيران على الكرسي الي جنب ابوها وطبعا دانة ماتت قهر وقعد تصرخ قومي وهي تقولها: (قل موتوا بغيظكم ) وابوها يقولها خلاص قومي ديمة _ بابا خليني امارس هواتي قام ابوها ضحك ع بنته |أم مازن :ا قالت والله ما جيتي تاخذي امن أبوك الا العناد كان أخذتي حاجة أحسن ديمة _ العناد اكثر حاجة أحبها في الأني أسيطر ع الدلوعين وفي هذه اللحظة يرن التلفون طبعا واكيد بيرد الستنرال مروان ألو السلام عليكم (كانه مقدم في برنامج ) وعليكم السلام كيفك مروان؟ ؟ مروان الحمدالله يا أماني وقولها بصوت عالي عشان ديمة تسمع وتقوم تسيب الحرب الي عملاها اماني ههه ليه بتقولها بصوت عالي ؟ مروان: أبدا بس عشان الهانم((ديمة )) تسمع ومن غير مايتكلم قامت ديمة واخذت السماعة وردت عليها(اماني) بنت خال ديمة وهي أصغر منها بسنة عمرها 17 قد مازن وهي بنت حلوة شعرها بني ناعم وقصير لمن كتفها وغزير وعيونها عسلي وهي نعومة مرة ورغم انها و ديمة يموتوا فبعض الا انها و مازن يكرهوا بعض من يوم ماتولدو الين دحين وحتى بعد ما غطو على بعض لساتهم مايطيقوا بعض ولمن تتصل اماني ويكون هو الي يرد حتى السلام ما تقولوا على طول اعطيني ديمة بدون نقاش وهو يحب الشي دا لأنها البنت الوحيدة في العايلة الي ما تحاول تلفت انتباهو لها ) طبعاديمة و اماني قعدو يتكلمو ع التلفون والناس خلصو العشاء وشبعو وهم ما خلصو اتكلمو فكل شي الانو لهم 4ايام ما تكلموا *معذورين * جاءمروان قولي لاماني تعطيني فراس بسرعة ديمة : ليه ؟ مروان: عندنا موضوع عاجل ديمة: نو وي مروان: اوف بابا شوف العنيدة دي أبوهم الي طفش من عناد بنته : بس اعطيه لكي ساعة تتكلمي ديمة : ما قدرت تقول شي دا ابوها وشكله معصب واعطته وقالت لاماني نكمل كلامنا عالماسنجر بسرعة مازن أوف انتي وياها متى راح تعتزلوا الكلام مع بعض يأمي طفشت من دي البنت ما عندك غيرها عندي تكلمي أولاد أحسن من دي البنت طبعا ديمة اعطته نظرة خلته يسكت بعدها وعلى وجه ابتسامة انتصار لأنو عارف ان اماني سمعت (فراس هدا طبعا ولد خالهم هو ومروان مرة اصحاب شكله عادي جدا لاكن شخصيته حلوة فرفوش وصبور وبار جدا بوالديه وكل الناس تحبوا الي يعرفو ولي ما يعرفوه كمان ) الأخوان قاعدين يتكلموا عن اهم موضوع في الدنيا كيف يختم المرحلة المدري كم في شريط المدري ايه طبعا دينة اذ نها معاهم لأنها تموت في البلاستيشن
\\ // \\ // اليوم التاني يوم الأحداث (خميس يوم الجمعة عند أهل أبوها )
طبعا بعد مناحلة طويلة رضيت انها تروح بيت سيدها لأن لها اسبوعين محد شافها وراحت وهي لابسة بنطلون جينز وبلوزة بينك عادية وشعرها رفعاه والي يشوفها مايقول دي وحدة رايحة عند احد المهم دخلت البيت وسلمت ع جدتها وقعدت تتكلم شوية معاها وراحت بعدين عند عمانها تسلم بعد ما خرجو الشباب برا وأول ما دخلت شافها سيدها والي مرة يحبها والا يقول _ يا محمد ليه ما بتخلي البنت تاكل هي ناقصة ما يسير كده تبغوها تنجح أكلوها مو تموتها جوع ( وفي هاذي معاه حق الأنه كان شكلها نحفان مرة ) _ والله يابويه هي الي ماترضى تاكل والكل يحاول معاها مافي فايدة تقول بذاكر ولا تاكل لقمتين وتمشي كلمها ايمكن تسمع __ ليه دحين ما بتاكلي انشا الله كيف راح نزوجك ايش يقول الولد مزوجيني خيزرانة طبعا ديمة انحرجت مرة خصوص قدام عمانها وهي رافضة الزواج حاليا لكن ردت: ياسيدو دحين انت تبغى تدفني حية _ وليه _ تبغى تزوجني من دحين حرام (هي ما خذه ع سيدها مرة وعادي ) رد عمها الكبير – ومين قال دا الكلام _ محد انا اقول (قالتها بإحراج لأنها تعرف انو عمها ناوي يخطبها لولده عبد المحسن رغم ان ابوها وهي ما يحبو زواج الأقارب ) طبعا في ديك اللحظة دخلو اخواتها الي انقذوها من احراجات مالها داعي ابدا وقامت جري عند بنات عمها وجلست كالعادة مع عبير وهادي بنت عمها عمرها 15 سنة ماشا الله عليها جريئة ومؤدبة وحلوة وكمان تحب اخو ديمة مروان مرة لانهم قد بعض ومن هم صغار مع بعض أما هو يميل لها لكنه مايحب يبين ابدا الأنو ما يبغى يستبق الأحداث ومحد يعرف بحبهم غير ديمة كل واحد فيهم قلها وامنها ما تقول لثاني وهي اكيد حفظت السر وهذا طبعها تحفظ اسرار العائلة كلها ولا حد يدري عن سرها ابدا والكل ما شالله يحب يتكلم معاها وجلسوا يتكلمو عن كل شي يخطر في البال وكالعادة كل البنات اتقسموا عشان كل مجموعة تتكلم براحتها وحتى الشباب نفس الحكاية ماعدا عماد(عماد شاب عمره 23 سنة لونه برونزي عيونه خضراء وشعره بني ولد هادي ومحترم لكنه جبان وضعيف بسبب امه الي دايما تحطمه لانه يحب اهل ابوه ودايما تقوي اخته امجاد عليه طبعا هو له دور في حياة ديمة ولكن بالمقابل ديمة راح تغير شي من حياته ) كان يفكر في ديمة وهو بصراحة ينجن عليها وما يحب غيرها بس هي على نياتها ماتدري وهو كان عازم انو يصرح لها بحبو بس مو عارف كيف خصوصا وان علاقته بأخته امجاد مو مرة قوية و كان جالس في مجلس الرجال لوحده لأنو كلهم خرجو الحوش عشان بعضهم كان يدخن وما حبو يكتمو المكان وتذكرو لمن ديمة دخلت تسلم كانت نسيت جوالها والبنت داخله وهي ماتدري والمشكلة كانت قبل شوي بتجري في الحوش وطبعا الشعر مظلة ودخلت وهي تلم شعرها ( بركة ) ومهي منتبها للأخ الي جالس ومن يوم ما دخلت وهو فاتح فمه ماتوقع امنيته تتجقق بدي السرعة ياترى ايش راح يصير ؟؟ حي قولها ولا لا ؟؟ كيف حتكون ردة فعلها ايش حتسوي فالإختبارات وايش حيكون تاثير النتيجة ع حياتها

(البارت2 )
دخلت ديمة المجلس وهي تعدل شعرها الطويل وتبحث عن جوالها وما انتبهت لعماد الي جالس وحيد يفكر بها وكيف يقولها عن حبه الشديد لها .... ولمن دخلت لم يستطيع ان ينبها بأنه موجود كان متعجب كيف تحققت امنيته بسرعة وكان يردد بينه وبين نفسه ماراح اضيع الفرصة ابدا مستحيل وفي نفس الوقت حست ديمة بأنو في احد في الغرفة التفتت وتفاجأت لقت جوالها جنبه ما عرفت تهرب او تاخذ الجوال اتجمدت مكانها حاولت تتحرك بس كل عضلة كانت مهي راضية تتحرك وجلست لعدة ثوان مبلها (مصدومة ) فيه وفي نظراته الغريبة عليها واستجمعت قوتها وخرجت وما وصلت لعند الباب الا وصوت عماد المرتبك _ د... ديمة لحظة اوقفي
- ردت من ورا الباب بصوت خائف عماد اعطيني جوالي الي جنبك _
عماد _ راح اعطيك ولكن بشرط
ديمة _ خير
عماد _ اسمعيني لمن النهاية عندي موضوع مهم لازم أقولك اياه
ديمة استغربت من متى بينه وبيني مواضيع _ انا .... ايش الموضوع ؟
عماد _ ديمة الموضوع إلي راح أقولك اياه لازم تفكري مزبوط لأنو مصيري وانا يمكن اخترت الوقت غلط لأنو يعني اختباراتك و....
ديمة _ عماد لو سمحت انا ما أحب المقدمات ترى وترت اعصابي
عماد _ اسف .... ديمة انت بنت ......ما شاء الله.... فيك الصفات الي يتمناها أي شاب (ديمة بدأ قلبها يدق بعنف اكبر من أول ) ديمة معايا حس عماد بأنها راحت فهز الباب _ ديمة
ديمة _ معاك عماد كمل
عماد _وانا يعني ... (زاد توترها وخوفها ) ديمة أنا أحبك
كانت هذه الكلمة بالنسبة لديمة كالقذيفة التي تفجر الأجساد وفجرت هي الذكريات لقد تذكر ذالك اليوم الكئيب
راحت الصور تتابع ... والذكريات تتدافع والأصوات ..... ودموع تجري على خدها
وراحت تجري وتركت عماد في حيرة وجوالها يرن في يده
دخلت ع بنات عمها والدموع تجري
صرخت أمجاد _ ديمة ايش بك * الجميع مندهش أول مرة يشوفوها في دي الحالة تبكي وجسمها يهتز
دينة جرت لأختها وحضنتها _ ديمة ايش حصل برى
ديمة ردي وديمة مهي حاسة بشي ... فقط تتردد في أذنها كلمة أحبك ... وذاك المشهد الذي حضرته في ذالك اليوم
ساعدتها عبير ودينة وطلعوها فوق وعلامات الإستغراب على وجوه الجميع
دانية دخلت ع الحريم ووجهها مصفوق والخوف يرسم معالمه ع وجهها البريء
سألتها عمتها (نجاح ) دانية اشبك ؟؟؟
دانية والخوف واضح في صوتها_ ماما دينة تبكي ومنهارة مدري ايش صار
قامت جدتها وهي تقول _ بسم الله ... فين بنتي ...
حياة (امها ) _ فينها دحين ؟؟
دانية _فوق فغرفة عمو ريان
قامت أمها وجدتها وعمتها وباقي الحريم بسرعة للغرفة وشافوا المنظر الي يقطع القلب ديمة تبكي بنهيار وماسكة عيونها وتقول حرام حرام
الكل مستغرب ... قامت جدتها وحضنتها بقوة وامها تسمي عليها جات عبير بكاسة موية وهم يهدوها
اتصلت دينة ع مازن ... ماتعرف ليه عملت كده ... بس كان عندها احساس انه مازن هو الوحيد الي يقدر يفهم الي صار
دينة بخوف _ ألو مازن
مازن يستغراب _ نعم دينة ايش صاير
دينة _ الحق ع ديمة
مازن بعصبية _ خير ايش صار
دينة _مدري ديمة جات من برى وهي تبكي وحالتها حالة
مازن بسرعة _ طيب دحين داخل
وقفل وقام من عند الشباب وهم مستغربين من تغير حالته المفاجئ من الفرفشة للعصبية دي
سارة ( قريبتها) والدموع من عيونها_ ديمة قولي اشبك حرام ستي وامك قلبهم بيتقطع عليك اتكلمي الله يخليك
وديمة لا حياة لمن تنادي بكاء مستمر
وكل البنات والحريم يهدوها حتى دانة تقول _ ديمة لا تبكي الله يخليك خلاص حخليك تجلسي جنب بابا والله بس لا تبكي >> ياقلبو عليها
_ دموعك غالية يا ديمة وما في شي يستاهل دموعك قالها مازن وهو يدخل للغرفة
وقتها كل البنات اتعلقت عيونهم فيه وهو مو مهتم أهم شي عنده الآن يفهم ليه ومين الي يخلي دموع ديمة تنزل وحالتها تسير كده
بعدت سارة وامجاد عن طريقه وجلس ع السرير ورفعت راسها لوقت مازن أكثر شخص تحتاجه في ديك اللحظة اتحررت من يد امها وجدتها ورمت نفسها في حضن مازن أخوها وكاتم اسرارها الوحيد الي ما يحسها زي الجميع غامضة لأنها قدامه زي الكتاب المفتوح
حضنها بقوة أكبر وجلس يمسح دموعها وهي تتمسك في أكثر وتقول ... حرام الي عمله يا مازن ما كانت تتستاهل حرام
مازن فهم اتذكر ذاك اليوم الي من بعده ديمة كرهت الحب بس ايش الي فكرها فيه لايكون شافت حبيبين فالشارع وابتسم ع تعليقه السخيف وقال _ ستي ماما معليش اخرجو انتو والبنات ابغى اقعد مع ديمة لوحدنا وافهم الموضوع
امه طبعا عارفة ان ديمة ماراح تخبي شي يخصها عن مازن وقالت _ طيب بس حتقولنا ايش السبب
تنهد وقال _ ما قدر
_ وليه ؟؟ وعندها زاد تمسك ديمة في مازن وكنها تقوله خلاص خليهم يطلعوا تعبت
قال بنبرة عصبية _ ماما خلاص ديمة تعبانة ارحموها
خرجوا كلهم وكل واحد قاعد يفكر ايش الشي الي ممكن يأثر على ديمة ويخليها بهذا الإنيهيار
الكل محتار ولحد يعرف غير ديمة ومازن و......(أنا طبعا )
اما عماد فهومذهول مو عارف ايش الي صار خرج عند الشباب وسأل عن مازن قاله عبد المحسن _ دخل جوا وشكله الله يعلم ايش الي صاير
تنهد وشاف مروان _ وكان يتكلم في الجوال واثار الحزن ع وجه
_| طيب دانية خلاص لا تبكي مدام مازن معاها هي بخير خلاص وسكر وهو في حالة من التفكير
جلس ... جاه عماد _مروان دخل الجوال جوا شكله حق وحدة من البنات >> بريء مو عارف
طالع مروان في الجوال ... وقال هذا حق ديمة ايش جابو عندك؟؟
عماد _ مدري لقيته في المجلس
_ تنهد مروان وقال طيب
طالع لقى أمونة(اماني ) بتتصل
ارسلها رسالة (ديمة نايمة ولا تتصلي عليها اليوم )
أماني انقهرت وقالت_ أكيد هاذي حركات الزفت مازن طيب انا اوريه اذا دق ع فراس >>> فراس داخل جو مع كل العايلة كبيرهم وصغيرهم والكل يتصل عليه عادي يتكلم ماهمه شي
وعند ديمة ... مازن دودي دحين البكا دا كله والحالة عشان قالك أحبك
طالعت ديمة فية بحقد ... مازن انت تعرف دا ايش بعني يعني ممكن الي سار لهيفاء يسيرلي
مازن بجدية _ موشرط هيفاء الظروف هي الي سوت فيها كدا
دينة _ لا مو الظروف الحب يا مازن الحب وراحت تبكي
مازن قام وحضنها _ يعني أنا احبك حعمل فيك كده
ديمة _ انت غير انت اخويه وماراح اهون عليك
ابتسم مازن وقال _ يعني موكل حب نهايته زي هيفاء
ديمة _ أنا ماقلت كده بس الحب الي قبل زواج نهايته كده
مازن _ موشرط ديمة ... هيفاء لو كانت تدري انو كل دا راح يسرلك كان مافكرت تصاحبك حتى خلاص هي راحت وانتي مو لازم تروحي كمان وتسيبيني وحيد .... ديمة انتي لازم تفكري اكثر في كلام عماد وكلامي مو شرط عماد يكون هو الحبيب بس أنتي يا عمري راح تواجهي ناس وحياة يمكن انا ماراح اكون جنبك فيها ديمة قومي صلي ترى حترتاحي ... وابتسم مو دا كلامك
ابتسمت ديمة ابتسامة صافية رغم الدموع الي بتجري ع خدها مسح مازن الدموع وقال يلا يا دكتورة
قامت واتوضت وحست ان كل الإنفعلات راحت مع الوضوء وحرارتها كلها اتبخرت وقامت وصلت ومازن يفكر
ياترى يديمة ايش راح تسوي ؟؟ الحياة كبيرة ومحد ضامن عمره واذا سبتك مين راح يفهمك ويعرف ليه انتي زعلانة
مين الإنسان المناسب لك عماد ما أظن ... عماد ضعيف الشخصية وامه متسلطة وراح يزيد جراحك
عبد المحسن .... طايش ومو داري ربنا فين حاطه ومعتمد كليا على عمي انتي تحتاجي رجل أقوى مني يحتويك وقت الحاجة يضحك وقت الضيقة شخص يفهم الرجولة عشان ما تكرهي الرجال أكثر .... الله لا يوفقك ياعبدالله زي ماكنت السبب في الي ديمة فيه
ياربي ... وتنهد كانت ديمة خلصت صلاتها وكانها فهمت اخوها بفكر في ايش
ديمة _ مازن اعرف نحن الإثنين معتمدين ع بعض كثير بس لازم يامازن راح يجي اليوم الي كل واحد فينا يبعد ويروح اما للقبر او لحياه اختارها بإرادته ... مازن لا تفكر في أنا يامازن راح امشي في الدنيا بقناعتي ... سيبني اتحمل نتيجة أفكاري سيبني أجرب وأغلط واكسب
مازن _ ديمة بس في أخطاء الواحد يندم عليها عمره كله وانا ما ابغاكي تندمي ابدا
ديمة _ مازن 17 سنة معايا ما فهمت ديمة يامازن انا راح اوعدك زي ما وعدت نفسي اني عمري ماراح اندم على قراراتي مهما كانت النتيجة لأني كنت مقتنعة وخلاص
مازن _ ديمة فكري أكثر نحن في زمن الحياء اختفى والكل يتمنى أنهى يعيش قصة حب وخاصة مع وحدة زيك
فيها العقل والحكمة والعاطفة والحنان ديمة الرجل يحتاج انثى زيك تحتويه وتخفف مصايبه
ديمة _ مازن اتركني للأيام يمكن تغيرني
ابتسم مازن فهو يعرف اخته وانها مدام قالت دي العبارة في أمل ولكن كيف ؟؟؟
خرج مازن وأعين البنات تتابعه دانية ودينة كانو يبغوا جواب يشفي حيرتهم وخوفهم على أختهم سارة وأمجاد كالعادة يتفحصو شكله الوسيم ... ولبسه ومشيته وهاذي عادتهم مع كل الرجال رغم أنهم في غرفة ثانية الا انو عيونهم ع الباب يراقبونه وهو يتكلم
أمه _ ها يا مازن قالت لك شي
سكت مازن وقال بعد ثواني _ ماما لاتخافي هي بخير
سته (جدته ) _ كيف بخير ةهي حالتها ماتسر عد ولا صديق
مازن _ يا ستي هي بخير صدقيني ولا حد يتكلم معاها في الموضوع سيبوها هي قالتلي وخلاص
عمته نجاح _ كيف يعني ما تبغانا نطمن عليها ونعرف ايش الي صار
مازن وبدء يغلي من القافة حقتهم _ عمتي بختصار اتذكرت صحبتها الي ماتت وخلاص مقدر اقول اكثر من كده وخرج
عند الرجال _ ابوه ايش فيها ديمة يا مازن
مازن وهو يطالع في عماد _ ولاشي افتكرت صحبتها الي ماتت
أبوها _ الله يرحمها ويعني كلمها ماتكون حساسة كدا فجعتنا عليها
سيدها (جدها) _ ايوة الدنيا مايبغالها ضعف وكيف حتدخل طب وهي كده ايش حتبكي اذا شافت الولد مسخن
ابتسم الجميع من كلام جدهم الي يحاول انو يحدد مستقبل ديمة زي ما حدد مستقبل أولاده وهو يعتبرها أكثر من بنت له
مازن _ بس يا سيدي لا تفتح معاها الموضوع ترى يدوب هدئت
سيدهه بغيظ _ طيب
جا مازن وجلس عند عماد _ عماد
عماد بطراب _ نعم
مازن _ عماد الي صار بينك وبين ديمة اليوم لا تقوله لأحد
عماد_ ليه هي بكيت انا ماقلت شي وكلامي مايفكرها بصحبتها مالو علاقة أصلا
مازن _ عماد صحبتها ماتت في نفس اللحظة إلي اتقدملها فيها ولد عمها بعد قصة حب وهي شافت الموقف كامل وصحبتها ماتت قدامها وانت عارف كيف ديمة حساسة وتتأثر بسرعة والمواقف الحزينة ترسخ في دماغها >>> ترقيعة حلوة فيها شي من الصحة والكذب
عماد _ الله يعينها ع الدنيا ومو الي راح يسير لصحبتها راح يسي رلها بس يعني ايش مصيري معاها >>> سؤال يقهر
مازن _ احسن لك تنساها والحالة الي مرت فيها هي عدتني انها تتخلص من الذكريات المؤلمة
عماد يشي من التعجب _ مدام في امل ليه ما استنى
مازن _ ديمة ر افضة زواج الأقارب
سكت عماد لانو حس مافي فايدة من الكلام مع مازن وكان مستغرب ان مازن يتكلم بثقة وكانه واثق من ردود ديمة مرة
وفتكر الكلام الي يسمعه من اخواته وامه وابوه عن العلاقة بين مازن وديمة كيف قوية وحلوة والكل يتمنى انها تكون بين عياله >>> كل ذي نعمة محسود <<< وبكذا انتهى اليوم والكل بين استغراب ومو مصدق مازن وخوف ع ديمة من حساسيتها
لكن مازن كان واثق من أخته بشكل كبير بأنها راح تنجح وتتغلب ع الماضي وأن نفسيتها راح تتحسن لأنها بكرة راح تروح عند اماني الي يكرها واخته تحبها
موت
وفي اليوم الثاني راحو عند اهل أمهم ودينة وصت امها انها ماتقول أي شي عن الي سار أمس مهي ناقصة اسئلة ومن أول ما دخلت لقت أماني عند الباب وبعد السلام بدأ الكلام أماني _ دحين أمس كم مرة اتصل ليه ما تردي
دينة _ أسكتي أمس تعبت عليهم ودوني المستشفى >>> كذبة أتفقت مع اهلها عليها <<< لقو عندي هبوط في الضغط والحمد الله عدت على خير
أماني ... م عشان كده عمنا مازن خايف عليك
ديمة _ ليه ايش صار عسى اضاربتو
اماني _ ابدا راسلي دي الرسالة من جوالك (ورتها الرسالة )
ديمة _ ههه أصلا دي الرسالة رسلها مروان حرام ظلمتيه
أماني _ليه مروان انعدى من المغرور
ديمة _ لابس كان معصب وزعلان علي (تقولها بغرور)
أماني _أيش بك سرتي زيه
ديمة _ أموت واعرف ليه ما تطيقوا بعض ؟؟
أماني _ أن عن نفسي لأنك تحبيه أكثر مني وتقليلوه أشياء ما تفكري تحكيلي عنها وهو شايف نفسه
ديمة _ههه غيرة والله أنكم سخفا بشكل الله يعنني عليكم
وعدى اليوم ع خير ولا أحد حس بشي والحمد الله
والآن حبايبي توقعاتكم ..... ايش هو السر الي محد يعرفو غير ديمة ومازن ؟؟ وكيف ديمة حتتغلب على ذكريات الماضي ... والعلاقة بين أماني ومازن في أمل أنهم يحترموا بعض

البارت 3 بعد شهرين .... ديمة نسيت أو تناست الي صار وانشغلت بالدراسة وارتاحت لمن عرفت ان مازن كلم عماد وخلاص حست انو عماد حيشيل الفكرة رغم انه عماد كان مستحيل ينساها مهما حاول ومسكين مو قادر ابدا وكل ما يسمع اسمها اوصوتها يحس بسكاكين لانه اتخلى عنها وهو حاسس انها محتاجه أحد غير مازن وانه كمان مو قادر يوصل للي بيغاه دايما يستسلم بسرعة وحس بالغيرة من اولادعمه وخاصة مازن وعبد المحسن الأول يحقق كل شي بإصراره والثاني بفلوس أبوه وقرر انه يتكلم مع مازن بعد الإختبارات لان امه عاملة حظر ع الجولات كالعادة كل سنة أما ديمة رجعت تذاكر وتجتهد خاصة وانها خلاص ايام اختبارات والكل متأمل فيها خير وهي بذات متأملة خير عشان تحقق حلمها
طبعا أمهم عملت حظر تجول >>> متأثرة بالأخبارعشان ديمة تذاكر وتركز أكثر وكمان دينة ممنوع تدخل غرفتهم المشتركة عشان ديمة تذاكر والتلفون محد يرد عليه عشان ديمة تذاكر و كثير من الأشياء الي خلت الباقين تجيهم هسترية من الدراسة ويدعو انو الإختبارات تخلص على خير وانها تتوفق ويرتاحوا ومرت الإسبوعين بسرعة ع ديمة (طبعا مو الدنيا قايمة عشان حضرتها) وبثقل ع الباقين وجا اليوم المنتظر الأربعاء
مروان ومازن ودانية ودينة متحمسين مرة وحتى ما قعدو في مدارسهم كالعادة كل سنة س 11كلهم في السيارة ما عدا ديمة الي جلست عشان تودع صحباتها وطيران كلهم ع الحمراء راحوا فطروا في الشامي >> يالتني معاهم وراحوا اشتر ولهم اسكر يم من جيلاتو >> من تأثير الجوع وشوية مشيوا على البحر وطبعا أنواع الهبالة في السيارة والسواق مطرطع خلاص ولع منهم وقال( انا لازم روه جيب ديمة ) >> يبغى يرتاح رد عليه مازن الي طبعا موعاجبه الوضع لأنو متعشم انو هو الي يسوق بس أبوه رفض _ سوق وانتا ساكت اصلا ديمة قالت الساعة وحدة ويا حبيبي نحن حنروح نتغدى معاها ومنا راجعين الا الساعة 2:30 وهذا اذا رجعنا أصلا البيت اليوم >> حابب يرفع ضغطه سكارنو (السواق) _ ليه ديمة في قول يبغى روه كلو هدا مروان _ ايوة سكارنو استغرب ديمة اصلا ما تحب تخرج ايش الجنونان دا اما الباقين خافو يتفشلوا من ديمة الي اتوقعوا تكون معصبة او زعلانة زي كل يوم \\ // نسبهم شوية ونروح نشوف ديمة ايش بتعمل
في المدرسة كانو كل تالت ثنوي حالتهم هو كلهم يبكو وكل وحدة تتسامح من الثانية وكانت ديمة مع صحباتها تاكل من كيكة كبيرة مرة حطو عليها صورهم وهم صغار وكانت اشكالهم فلة وقعدو يقارنو اشكالهم في الصور ودحين وعزمو المدرسة كلها ع الكيك وحتى الأبلات والمديرة والدنيا كلها وقالت وحدة من البنات الله يرحم هيفاء كانت حتنبسط ديمة نزلت من عينها دمعة وحاولت تبعد عن التفكير وكملت الحفلة س1:00 جو ياخذو ديمة الي من يوم ما نادا اسمها سمعو صوت صرخة قوية كانت من توالت كلهم رغم ان ديمة مهي شخصية الا ان المدرسة كلها كانت تحبها بسبب طيبتها وحتى الناس الإلي علاقتهم فيها عادي قامو وحضنوها بقوة وكلهم يدعولها انها تحقق احلامها وتفرح اهلها وتفرحهم وصحباتها يوصوها وهي خارجة_ _ دودي لا تنسينا_ _ كلمينا وجا دور صحبتها رجاء وهي اعز صحباتها حضنتها بقوة وقعدو يبكو خصوصا ان رجاء حتخلص ثنوي وتسافر الدمام بسبب عمل زوجها خرجت ديمة وعيونها حمراء وتشهق من البكاء ودخلت السيارة سلمت وقعدت حاولو كلهم يخرجوها من جو الكائبة وقعدو يغظو ا (يقهرو)في سكارنو عشان تضحك _مروان _ سكوكي (يدلعه) سكارنو_ مايرد مروان _ سكوكي حبيبي روح اشتريلي من بننوس ( وهو يأشر ع المحل ) سكارنو بعصبية _ طيب هات فلوس مروان بدلع _ لا ا اليوم اخر يوم نبغى على حسابك سكارنو _ لا والله ليه انتا في شوف انا مدير بنك كلهم يضحكوا ...... ههه مازن _ امسك روح اشتريلنا بسرعه ( وهو يعطيه فلوس ) سكارنو _ ايش يبغى ؟؟ كلهم قالو له طلباتهم ........ وخرج مازن _ يا حلوين ايش رايكم نفلها دينة _ ليه عندك أكتر من كده فلة مازن _ لا تتحدي يا دينة وقام وراح مكان السواق وشغل السيارة ودعس وطبعا طار مو ساق وقعدو ربع ساعة ورجعوا ع المكان والسواق معصب مرة ولا اشترالهم حتى ودخل ورمى الفوس وحلف انو ليرجعهم البيت الآن >>> طبعا مستغربين ليه هو مرة شايف حاله معاهم بس هو من زمان معاهم له 18 سنة يعني يحقله <<<< المهم راحوا وقالوه خلاص ودينا تشلز لكن مارضي وقالهم _ اشان انتا في سوي مشكل انا راه ودي انتا بوفية هدا بس اعشان اكر (اخر ) يوم مدرسة دينة _ شكرا عمو سكارنو ع هدا كرم انا ما يتوكع(يتوقع) أنو انتا كدا طبعا كلهم ضحكوا وسكارنو كتم ضحكتوا ونفذ وعده ورجعهم البيت بس وداهم مكدونلز ( رحمة بهم ) \\ // نسبيهم ياكلوا براحتهم ونروح عند فراس واماني فراس _ أمونة ... اتصلي ع ديمة أماني _ وليه فراس _ هم خارجين يتمشوا ويعني يمرو علينا أماني _ طيب قوم نروح نحن لوحدنا ما يحتاج نتصل ونزعجهم ونرفع الضغط لنفسنا فراس _ ايش اسوي اقعد معاك ؟؟؟ على الأقل مازن ومروان يحبوا يتريقوا ع الناس ويضحكوا أماني _ اصلا لو المغرور معاهم مني رايحة واذا تبغى اتصل بنفسك فراس _ أحسن ... أصلا مازن مسكين يسكت لك عشان ديمة واذا رد عمري ما حسيت انه حاول يأذيك بس عشان ديمة وانتي عارفة انه يقدر يرد عليك ويخليك تبكي أماني بعصبية _ أحسن انه في أحد يوقف بوجه وانت ايش الحب الي نزل عليك فراس بثقة _ لاني خايف تخسري ديمة وانتي عارفة انه أكثر واحد تحبه ويهمها زعله أماني _ دحين نحن ع دا الحال من نحن صغار وديمة عارفة انو عشان نحن نحبها وكل واحد يبغى يكون هو الأقرب لها يعني نحن متفاهمين وعادي وانا بصراحة ما أزعل من كلامه لانو تبلد عندي الأحساس وعادي فراس طفش من أخته وحس بمروان لمن يقوله عن اسلوب ديمة ومازن _ اقول الحمدالله انك وحدة الله يعين مروان عنه اثنين نرجع لشلة الأنس الي اتفقوا مع فراس وعبير انهم يفلوها في الليل رجعو البيت وأكيد مت غدو ولا حتى سلمو ع امهم وابوهم كل واحد طار ع غرفته ويدوب ناموا العشاء ....س 10 .. امهم _ قوموا يلا خلاص نوم ايش دا ؟؟ وساعة الين ما قاموا صلوا الي عليهم ولبسو استعدو ا أمهم _ على فين انشا الله ديمة _ نتمشى قالت بحزم _ طيب تاخدو دانة معاكم ولا مافي سهر فهمو قصد أمهم لأنها عرفاهم ميحبو يطلعو مع دانة الدلوعة إلا ديمة ردت بسرعة _ طيب هي لابسة أمهم_ دقايق وراحت لبستها كلهم لامو ديمة على كدا مازن _ ايش الذكاء دا في احد ياخذ الهم معاه ديمة عادي اهم شي مانرجع البيت الا 8 الصبح عشان دانة معانا دانية _ والله تعرفي تردي ديمة _ تربيتة أحمد وخالد لا تخافي ( أجدادها ) وخرجوا ع بيت فراس واماني الي مارضيت تروح تقول ما لها خلق لمازن ( أحسن..... مازن كان مخطط انو يوريها الشغل زي الناس لأنه كان ساكتلها كثير خايف تدعي عليه وبعدين ما يجيب درجات عدله ومايشتري السيارة الي نفسه فيها ) واخذو عبير وفعلا راحو يتمشو في شارع التحلية وراحو الصريفي ميجامول >>> ياحظهم <<< ولعبوا واشتروا وبعض البنات (الله يهديهم ) عيونهم مانزلت عن مازن ومروان >>> حتى البريء دا ........ دانة لمن طفشت وبأدت نوبة الدلع وخلاص قرروا يروحو يتعشوا وعشان يطول الطريق راحو تشلز وطبعا زحمة في تشلز دخلوا وجلسو ع الطاولة الي لقوها فاضية كان قدامهم في طاولة بنات أشكالهم لا حول ولا قوة الا بالله مكياج والعباية فستان والدنيا دنيا وعيونهم ما نزلت عن مازن وقاعدين يحاولوا يلفتو الانتباه بأي طريقة ساعة يضحكوا بصوت عالي مازن _ يا الله ع ضحكة سيد قشطة دي الجميع _ ههه وحدة منهم _ والله لا اوريكم فيه اذا ما سمعتكم المكالمة اليوم الثانية _ بس شكله ثقيل من أول نحاول ولا فيه فايدة وقاعد يضحك مع المعقدات الي معاه >>> لانهم متغطيات شوفو الزمن رن جوال ديمة .... طبعا أماني .... ردت وهي ميتة ضحك لان مازن ومروان وفراس ما سابو شي الا وتكلمو فيه مروان _ مازن ليه الأسهم نازلة دي الأيام مازن وهو يطالع في عبير الي عاملة فيها عاقلة وتضحك بهدوء >>> من زمان ما طلعت مع مروان اعذروها _ يقولو ان وحدة اسمها عبير جعفر >>> عمهم الكبير ابو عبد المحسن <<< جلست عليها وطاحت ضحك مروان وفراس الي زاد عليها الإحرج من مروان وردت بجرئة متوقعة _ لا يشيخ اسكت بس يا بنت شكلك انت الي حطيح الي وراي يرفع حواجبه بغرور _ قولي انك غيرانة من جمالي ورقتي ونفسك يكون عندك ربعها ديمة _ بس ههه خلوني ارد ديمة _ ههه ايوة ههه امونة أماني _ اشبك تضحكي ..... دا كله فرحة عشان ما جيت ديمة _ مهي قادرة لأن مازن ومروان قاعدين يستعبطوا مازن _ شوف دي كنها لابسة روب نوم وقلك موضة مروان _ ايوة شكلها نعسان وقالت مرة وحدة البسه عشان ابو العيال فراس _ أي ابو عيال ياعسل هاذي حتروح بعد شوية عند دحيم مروان _ لا الإسم قديم قول هتان ريان سلطان كده ينفع وكلهم يموتوا ضحك على التعليقات الي ما هي راضية تخلص وهذا بالإضافة الأنهم كانو في حبسة لمدة اسبوعين >> اعذروهم ديمة مهي قادرة تكلم اماني ... قام مازن واخذ الجوال (مهو داري انها أماني ) مازن _ الو اماني _ ليه ماخذ الجوال رجعه مازن انصدم كان يحسبها أمه أو أم فراس أو حتى ام عبير ارحم من الكريه دي (بالنسبة له ) لانو ماكان سامع من الضحك _ ولا شي بس نحن نبغى نستمتع بدون صوتك النشاز ورخى وأماني ولعت و الباقبن يضحكو ع شكل مازن الي انقلب من أول ماسمع صوت أماني و طبعا البنات مستغربين ليه بضحكوا من أول نسبيهم يضحكوا ونروح لمكان ثاني مو مرة بعيد عند أبوها جا له عمها ابو عبد المحسن جعفر أبو مازن _ أهلا وسهلا بابو عبد المحسن نور البت ابو عبد المحسن وهو يتأمل البيت _ الله يسلملك أبو مازن _ لا تتأمل البيت زي ماهو ماتغير نفسه من قبل ما قطعتنا ابو عبد المحسن _ الله لا يعيدها من أيام وانا جاي اعيد الايام الحلوة ابو مازن _ كيف ( وهو يمد له كاس الشاي ) ابو عبد المحسن_ شكرا ... والله انا جايك عشان اخطب بينتك ديمة لعبد المحسن وانت عارف ان عيني عليها من زمان أبو مازن _ والله ياخويه بصراحة ديمة ما تنفع لعبد المحسن ابو عبد المحسن_ وليه ابو مازن _ يعني عبد المحسن ماعنده وظيفة ولا معاه شهادة وديمة الله يحفظها ما شالله من المتفوقات ابو عبد المحسن_ لو على الوظيفة فلوسي مو جودة والي تبغاه انا حاضر أبو مازن _ أنا ابغى ازوج بنتي لرجال مو لولد لساته ياخذ المصروف ابو عبد المحسن انقهر _ ع العموم انت شاور البنت وردلي في أقرب فرصة أبو مازن _ يسير خير بس لا تتوقع الوافقة ابو عبد المحسن_ طيب مع السلامة ابو مازن _ اجلس اتعشي ابو عبد المحسن_ مشكور عشاكم ناكله يوم الملكة مع السلامة أبو مازن _ مع السلامة والله يكتب الي فيه الخير أبو مازن مو عارف كيف يفتح الموضوع مع ديمة لكنه اتوكل على الله وكلم امها ومها ما قالت شي اصلا متعودين ان ديمة تاخذ قرارتها لوحدها ومهما عارضو رايها راح يمشي وابوها طلب هو الي يكلمها نرجع لشلة الأنس....
و الا ومروان ومازن وفراس وعبير والبنات كلهم خلاص شالو ثوب الحياء من فراس( الا ديمة الي من يوم ما صار الي صار مع هيفاء وعبدا لله وهي ما تتكلم معاه كثير وبالصدفة اذا مزحت او اعطته وجه ) طايحين في البنات تريقة ولمن جا الويتير بالاكل لقو ورقه مكتوب فيها (يابو اسود خيلتني ... بياضك محيرني ... وعيونك عذبتني ... وشعرك مخيلني .. حرام عليك عبرني ) وتحته رقم ومكتوب لميس ( مازن كان لابس بنطلون جينز وبلوزة سودا كم طويل وعليها كلام بالفضي وشعره مطيره على ورا شوية وابتسامة الواثقة الي تذوب الرجال ولا تفهموه غلط ابدا ماقصده يلفت الإنتباه بس دي تسريحة ديمة الي دايما تعمله هيا ) مازن انغاظ ( أي دي الوقاحة ) الباقين استغربو لأن حواجب مازن طارت فوق وباين ع الوجه الإستهزاء مروان وفراس بسرعة أخذو الرقم وقال فراس لميس مازن كتم غيظه وابتسم ابتسامة جذابة ولا احد يقدر يقاومها وراح لعندهم وقال بصوت ناعم مين لميس قالت وحدة منهم بخجل مصطنع : أنا لميس ابتسم بثقة _ كنت متوقع ضحكت بنعومة ابتسم مازن وجلس وتحول صوته من ناعم الى زئير اسد _ وقال لو تبطلي ضحكة سيد قشطة دي ترى احسن وترى السخافة الي بتعمليها انتي والقطيع االي معاك ما تجذبني ابدا ومو عشان ربي اعطاني شي من الجمال اقعد العب ع بنات الخلق ردت وحدة منهم بعصبية وبدون تفكير _ والي قاعد معاهم ايش يتسموا ضحك بشكل مستفز وقال _ ما كنت متوقع انو لمن ندخل المطعم لازم نطلع بطاقة العايلة ولو سمحتي يا ست لميس أقترح تغيري اسمك لتميز قامت وردت لميس بقهر شديد وعصبية _ وليه ياسيد مغرور ابتسم ابتسامة الإنتصار وقف _ لأنو ما يعمل الحركات دي الا الي حاس بالنقص واتي تشوفي البنات الي جالسين معايا ترى والله انك ما تساوي ضفرهم في الجمال لاكنهم واثقين جدا من نفسهم وما يرمو نفسهم على خلق ربي وتاني مرة لا ترقمي ولد متربي عشان لا يمسح مكياجك بديتول ورمى الورقة ع الأرض واتعمد انه يدعس عليه والبنات ماتو من القهر وما عرفوا ايش يردو وطلعو اما هو فرجع لشلة الانس وكملاو السهرة وكل شوي أمهم وام فراس يدقوا _متى حترجعوا _ شوية _دحين _الطريق زحمة الى ما يئسوا الأمهات وهم طفشو وقفلو الجولات وقعدو يتمشوا الى الفجر وراحو يفطرو ع البحر وكانت ديمة عاجبها البحر مرة في الفجر واقفة تتفرج وعيونها تراقب الشمس سألها فراس وهو يحاول انه يتقرب منها لأنه مرة كان يعزها أكثر من أماني وامه وفجاءة اتغيرت_ ايش الي يحسسكِ فيه البحر وقت الشروق ؟ ديمة _ ردت بدون تحس بأن هذا فراس: البحر بإن الدنيا كبيرة ولازم تغدر فينا ونحن لازم نكون ربان ذكي عشان نتغلب عليها والفجر انه في امل اننا ننسى الماضي ونبدأ حياة جديدة سكت فراس لأنو ديمة في اللحظات دي تسير أديبة وهو مايحب الشي دا وقعدو الى الساعة 8 ورجعوا وطبعا البيت هدوء دانة _ ديمة أنا أحبك مرة عشان خليتني اتمشى معاك ولعبتي معاي مو زي اول بس تصرخي علي عشان الإختبارات ابتسمت ديمة وباستها ونامت جنبها اليوم الثاني .......... ساعة 2 الظهر الاولاد دوبهم صاحين بعد ما سمعو صراخ ابوهم ع السفرة ابو مازن _ ماشالله دا ايه غدى ولا فطور كل اجازة ع دى الحال ما سارت ومع الأيام ماراح اشوفكم ديمة وصوتها كله نوم وداخلة بكوب الحليب _ ليه ماراح تشوفنا أبو مازن _ عشان راح تصحو الساعة 4 وتنامو مدري متى مازن _ اوعدك يابويه اني راح استفيد ام مازن _ وكيف مازن _ م ابغى اشتغل في الشركة مع ابوي وجدي أبو مازن _ بس بشهادتك راح نحطك في السنترال مازن _ عادي اهم شي فلوس وتغير ديمة _ وانا م يا اما راح احضر للجامعة او راح اتجهز للمفاجأة مروان _ ايت مفاجاة _ مفاجاء وبس اذا سار الي في بالي راح اقولكم واذا ما سار خلاص انسو دانية _ طبعا مدام خططتي خلاص محد يكلمك الله يعين الي راح ياخذك ديمة سكتت لاتها تكره دا الموضوع وماتبغى تتنكد ع الصباح أبو مازن _ ع طاري الخطاب (ديمة قلبها يدق حست ان الصايع عبد المحسن ) والله امس عمك جعفر جا وقال بيغاك لعبد المحسن ديمة _ لا لان عبد المحسن صايع وعيونه طويلة وحركاته زفت ومغرور مروان _ الله الله دا كل العيوب بس خلاص لو قعدتي العمر كله حيموت من كثر عيوبه ديمة بعصبية _ انكتم لسه محد ضربني عشان اوافق ع السخيف دا وقامت ابو مازن _ اشبها دي ايش الي عصبها محد قال ش

(البارت4 ) .* بداية مشاعرنا * بعد أسبوع ...... كلهم استلمو شهاداتهم طبعا مروان ومازن ......... تبشر شهاداتهم دينة ودانية .... هه يعني .... فيهم خير اليوم اثنين .......... ديمة خايفة من الخميس دموعها ع خدها خايفة انها ما تتوفق وتطيح أحلامها اليوم اثنين الساعة 11:00 ص البيت في حالة نوم ماعدا أم مازن والي ما تحب السهر والنوم الكثير وصحيت عشان تعلم الشغالة الجديدة الشغل ومروان الي اتحدى فراس مين يختم الشريط >>> مريضين بجنون البلاستيشن وديمة الي مو راضي يجيها نوم دي الأيام من القلق ترن ترن ترن ترن ترن التلفون بنازع ومروان ولا على باله ام مازن _ مروان رد ع التلفون والله لو مارديت ترى مافي بلاستيشن مروان خاف من أمه وراح رد _ ألو السلام عليكم .... _ وعليكم السلام هذا بيت ديمة محمد أحمد _ إيوة لحظة اناديها >>> ولا يسأل حتى ايش فيه _ طلع يصرخ _ديمة ألحقي في رجال يبغاك ديمة خافت رجال ويبغاها !!!!! نزلت وقالت فين ؟؟ _ مروان في التلفون ردت _ نعم أخوي _ديمة محمد _ إيوة _ مبروك عليك ماشا الله عليك طلعتي الأولى ع المملكة الله يوفقك يا بنتي وحفل التكريم يوم الأربعاء _ شكرا اخوي جزاك الله خير وقفلت بسرعة وجريت على أمها وحضنتها بقوة وبكيت ام مازن _ خير يا بنتي ايش صاير وهي تبكي _ ما.........ما .......... ما توقعت كدا ابدا ................ أنا الأولى ع المملكة ونسبتي مية من مية أم مازن حضنتها وبكيت هي كمان ودخل عليهم مروان ودمعت عينه _ ماما خير مين مات ؟؟ >>> تفاءلوا بالخير تجدوه ديمة _ وجع في شكلك محد مات بس أنا طلعت الأولى ع الملكة مروان _ احلفي ديمة والله وقامت ام مازن واتصلت ع أبو مازن وابوها وأبو زوجها والكل فرحان الا بعض القلوب الحاسدة ومروان صحى البيت من كثر ما يصرخ (ديمة ديمة هوه هوه ) واتصل ع فراس وخبره وصحى المتخلف اماني الي عصبت ع ديمة _ ليه ما تقولي يا خاينة _ والله دوبو جا الخبر ومروان كالعادة مذيع اخبار والسموحة خ_ طيب انا ابغى انام واذا صحيت حباركلك ورجاء الي جلست تبكي ع التلفون من كثر الفرحة وهي طلعت الرابعة والدنيا فرح عندهم ودموع \\ // ونروح شوية بعد دا الخبر في بيت عمها أبو عماد ((فلاح )) ماشا الله يا أمجاد شفتي ديمة طلعت الأولى ع المملكة ماشا الله أم عماد _ يعني ايش قصدك بنتي ما فيها شي ومو لازم تكون زي الدلوعة المتكبرة ديوم عماد الي انقهر ع بنت عمه الي رجعتله شي من ثقته حتى وان ما صارت له _ يأمي ما يسير البنت ما عملت شي عشان تقولي عنها كدة أم عماد _أسكت انت ولا تدخل سكت عماد هو يخاف من أمه وهي دايما تحاول تمحي شخصيته أبو عماد _ ما يسير كده الولد ماقال شي ولا تنسي دي بنت أخويا واحسن من الدلوعة دي ع الأقل ديمة دلع اهلها لها جاب نتيجة أمجاد وعاملة دموع التماسيح _ ايوة انت وعماني وجدي مدري تحبوها على ايه وانا ولا كني قدها أبو عماد _ نحبها لانها مؤدبة واثقة من نفسها وعاقلة وما فيها صفات بنات دي اليومين التهور و ياحظ الي بيتزوجها عماد ابتبسم وقال في نفسه _ يا حتكوني ليه او راح اسلمك للي يستاهلك والله ما اضيعك // نمشي شوية عند العجايز (جدها خالد اتصل ع جدها أحمد
أبو حسن (جدها لأمها(خالد) وحسن ابو فراس واماني وهو وحيد بين بنتين حياة أمها ونجاة خالتهم الصغيرة دي متزوجة من 3 سنين وعندها بنت صغيرة عمرها 2 اسمها رواف >>> يا قلبو) _ السلام عليكم يابو جعفر _ أهلا أبو حسن كيفك فينك يا أخوي من زمان عنك _ السموحة والله انت عارف الصحة ما سارت تسمح زي أول _ ايوة صدقت والله خلاص سرنا عجايز وخلاص حسن الخاتمة _ الله يطول في عمرك يابو جعفر وانشا الله تزوج ديمة واخواتها _ لا انت انشا الله أنت إلي تزوجهم _ ههه كلنا انشا الله اتصلت عليك عشان ابارلك ع ديمة وانشا الله ترفع راسك دايما _ الله يبارك فيك ومبروك عليك انت كمان والله هي ترفع راس ابوها وامها انشا الله _ أنت ابوها وامها لا تنسى انك مربيها وهي معتبراك ابوها وتعمل كل شي عشانك _ تسلم يابو حسن ودا مو غريب دا طبعك وفي وما تحب تاذي احد _ جزاك الله خير ولا تنسى الي وعدناها فيه السنة الي فاتت _ وهي ديمة ما شا الله تخلي أحد ينسى كل ما شفتني ذكرتني _ ههه الله يحفظها ويقدرنا على سعادتها _ آمين _ طيب يابو جعفر انا اقولك مع السلامة في أمان الله _ في امان الكريم مع السلامة وإلى يوم الربوع والكل يتصل ويهني والكل فرحان لها وراحوا الحفل حق التكريم وكان روعة واول مارجعوا كان سيدها محمد عامل عشا لعيلتين واول ما دخلت _ لوي ستها مريم (ام امها) تقول _ ألف الصلاة والسلام عليك يا حبيب الله محمد لوي مبروك يابنتي ديمة _ الله يبارك فيك يا ستي بس ألف الصلاة دي لزواجات صح ستها خديجة (أم أبوها ) _ انشا الله نزوجك ونفرح فيك الله يفرحك زي ما فرحتي قلب سيدك من يوم الإثنين وهو فرحان وما خلى أحد الا وقاله والله يوم زواج أولاده ما سوها _ الله يخليكم لي ولا يحرمني منكم تقول أم عماد بحقد _ ايوة طبعا هي بنته وحفيدته وامجاد صفر ع الشمال ترد جدتها مريم _ لا ي أم عماد ما يسير كده كلهم بناته وكلهم لهم نفس المكانه بس يعني ديمة جابت الأولى ع المملكة ومن حقه يفرح فيها وبنتك غالية اكيد أم عماد _ باين وتلوي فمها وامجاد تطالع ديمة بحقد أبو جعفر في مجلس الرجال _ ديمة يا ديمة ديمة من بعيد _ نعم يا سيدو أبو جعفر _ تعالي ياروح سيدو والبسي عبايتك عشان العيال تسغرب ديمة لية يبغى الشباب يكونو فيه واستسلمت وتغطت ودخلت وهي مستحية مرة سيدها خالد _ هلا والله بنتي حبيبتي تعالي جنبي سلمت على سيدها خالد وأحمد وجلست وسطهم ا أبوها _ ما شالله جالسة بينهم يعني خلاص ماتسلمي ع أحد انحرجت اكثر وخاصة ان الأنظار عليها وقامت سلمت ع عمانها ولمن وصلت لعمها ريان قام وحضنها بقوة وماتت خجل وقرصته ( عادي الفرق بينهم 1سنة وهو واحد لسانه متبري منه وفلة ) ضحك وقال _ ما تغيري طبعك دايما حاقدة علي قالت وهي ماسكة أعصابها _حقعد طول عمري كده حسن خالها _ سيبيكي من الماصخ دا وتعالي سلمي راحت سلمت ع خالها الي باسها في راسها ريان _ مدري مين الماصخ على الأقل انت عندك حرمة انا ماعندي أبوه _ طيب اتزوج ريان _ ليه ناوي ع نفسي بالقبر ديمة _ صح لسانك ورجعت جلست بين سيدها أحمد وخالد سيدها أحمد _ يمكن انتي مستغربة لي قالتلك تعالي والعيال فيه بس انا زي مارفعت راسنا قدام الدنيا حبيت اتفاخر فيك بين الشباب الي ماقدرو يسو الي انتي سويتيه سيدها خالد _ بس طبعا هم فيهم الخير وراح ينجحوا بطريقتهم والا ايه ياشباب مازن _ والله عن نفسي أكيد بس شوف يا سيدي السنة الجاية راح اقعد عند الحريم _ والله ياعمي عشان حسوي الي ما سوه >>> واحد واثق بالنجاح ضحكو كلهم سيدهم أحمد _ ودحين يا شباب منتو ناوين تباركو لدكتورتنا ولا الفار أكل لسانكم فراس الملقوف _ مبروك يادودي >>> حابب يقهرها ديمة الله يبارك فيك يافوفو >>> راح فيها ضحكوا وكل واحد من الشباب يباركلها وهي ترد بصوت واطي من الخجل وحتى مروان ومازن وجا صوت عماد قوي وفرحان لاول مرة الكل يسمع دي النبرة الواثقة في صوته_ مبروك ياديمة عقبال الدكتوراه انشا الله شعور غريب جا لديمة اتذكرت عماد الشخص الطيب ضعيف الشخصية وحبت ترفع معنوياته خصوصا بعد الي صار وقفته الرجولية معاها ردت _ الله يبارك فيك يا عماد عماد فرح لأنها نطقت اسمه وحس انها ميزته ودي اول مرة احد يعبره او يهتم فيه حتى لو بنطق اسمه وابتسم رغم الألم الي حاسس فيه لانها ماراح تكون له عبد المحسن _ مبروك >>> بدون نفس ديمة بغرور _ الله يبارك فيك سيدها خالد في اذنها _ ديمة الي بالي بالك راح يبدا بعد شهر فستعدي _ بالله شكرا وانشا الله راح استعد وقامت تبغى تخرج الا عمها جعفر وقفها _ استني ياديمة _ نعم _اجلسي وجلست بخوف ..... بما انك ماشا الله رفعت راسنا وعليت مقام العيلة فحطي فبالك ان الأربعاء الجاي راح نكون جمعتنا في الإستراحة حقي واعزمي الي تبغيه وكمان العزومة لعمي ابو حسن وترى الكل يجي وخلو تميز ديمة فاتحة خير ع القلوب وهادي هديتك ( اعطاها شيك بمبلغ 10,000 ديمة ما صدقت ابدا وعبد المحسن انقهههر من تصرف ابوه ) ديمة _ لا يعمي انا ما احتاج فلوس كل الي احتاجه جمعتكم الحلوة ورضاكم عني جدها احمد _ اقبلي هدية عمك ياديمة وعيب ترديه قدام الرجال قبلت ديمة الشيك وسلمت ع راس عمها وقالت مشكور وماتقصر وربي يرفع راسك بعيالك عمها فلاح بمزح _ طيب ادعيلنا دعوة حلوة كده ولا خلاص الفلوس تغير النفوس ديمة _ محبتكم ما تنشرى بالفلوس وحدعيلك بس مو دحين في الليل ها رضيت ريان (عمها ) _ وانا ( ديمة انحرجت ) خلاص الي يبغاني ادعيله يكتب معروض ويعطيه لسكرتير واشوف احددله موعد ههه ضحكوا وهي خرجت عند الحريم دخلت ديمة بفستانها التركواز وحذائها الابيض سلمت ع الجميع ونظرات امجاد الحاقدة تتابعها وسارة تنظر بفضول لتفاصيل جسم ديمة الرشيق او شعرها الطويل أم عماد _ شكلك نحفان مرة يا ديمة .... ليه في احد متقدملك الكل يعرف ان ام عماد وحدة تغار من الكل وخاصةديمة لانها افضل من بنتها ديمة _ انا الحمد الله ربي رزقني العقل وما انحف او اتخن عشان واحد أماني : ودحين دا الوجه البريء شكله شكل زواج ام عماد _ اجل انشا الله البنت مالها غير الزواج عبير _ دولا البنات الي ما عندهم هدف غير الزواج بس دودي غير بنت هدفها فوق عمتها نجاح _ بس انتي وهي بلا طموح بلا خرابيط والبنت مالها غير بيت زوجها ام مازن _ مو شرط في حريم كثير مو متزوجات والحمد الله عايشين ام عبد المحسن _ بس الزواج ستر ( ام سارة ) _ بس خلاص الي تبغى تتزوج تقول وبلا حياء ها دينة تبغي مين ودحين نكلم أمه دينة انحرجت _ لمن تتزوج ديمة اقولك يا عمتي ok أم سارة _ تصريفة ها وانتي عبورة في احد في بالك عبير انحرجت ( في نفسها ياربي ما لقيت غيري تساليه اكيد فيه بس هو يحس فيه ولا يدري ) أم فراس _ الوجه حمر اكيد في مروان من ورا الباب _ لا في شي ولا مشوي سيبو البنت في حالها ترى لسه 3 متوسط اتقوا ع ديمة سارة _ وانت جالس تتسمع يا سلام مروان _ لا طبعا بس جيت انادي ام فراس لخالي حسن وماشي دا الي بقي اتسمع لحريم جدته مريم _ يا قليل المروة الي ما تستحي كده تقول للي اكبر منك مروان _ معليش يا ست الكل بس هذا ما تفرضه طبيعتي الرجولية ويلا يام فراس كلمي ليك ابو فراس لا يطق منك ويتجوز عليك أم مازن _ يا قليل الحيى انقلع قبل ما اجوزك دحين الكل ههه ديمة _ امون ابغى احكيك ع شي صار في الأيام الي راحت اماني _ خير حكي وحكتها ع كل شي مع عبد المحسن وهي خايفة منه وخصوصا انه حقود ومغرور مرة اماني _ لاتخافي ابدا انت ما عملتي شي والحمد لله الكل معاك لو غلط وعماد والمغرور شاهدين ع كده ديمة _ لا تقولي عن زوني ( دلع مازن عشان تقهرها ) مغرور حرام هو مرة طيب اماني _ نعم زوني لا والله حلوة ههه ديمة تطلع لسانها لاماني وتقول يارب اشوف زوني وامونة في الكوشة اماني _ وع اخذ الزبال اهون من دا المتخلف ديمة بنظرة خبث _ نشوف \\ // \\ // الاسبوع الي بعده في الاستراحة ديمة عزمت رجاء صحبتها ودينة عزمت صحباتها منال واسماء ودانية صحباتها خلود وامنية وأماني صحبتها شروق وتوءمها غروب والباقين من بنات العمان والعمات عزمو صحباتهم والمجلس مليان بنات شروق .... بنات ليه كده متفرقين خلونا نسمع اصواتكم سارة ... ههه والله صادقة اشكالنا زي كننا في المدارس دانية ... انكتمي يا صرصارة لا تجيبي سيرة الغم مروة ( صحبة وحدة من البنات ) : طيب عن ايش راح تتكلمو يا مجلس الامم المتحدة امجاد : نسأل ديمة ايش راح تسوي بعد الثنوي ديمة : م حفتح بسطة البنات : ههه رجاء : ايش حتبيعي ؟ ديمة : خيار وطماطم سارة : ههه طيب ما تبغي مساعدة دينة : خلاص خلي مازن يقشر الخيار جنبك شروق : مين مازن خطيبك (مضيعة ) امجاد : حاجة زي كدة غروب : كيف ؟؟ دانية : لا دا اخونا بس مع ديمة زي كنه صاحبها من كثر ما شالله مايجلسوا مع بعض وكلام مروة : كم عمره ؟ ديمة : 17 غروب : خلاص زوجوه امون أماني : اعوذ بالله من غضب الله لسه امي ما دعت علي وحدة من البنات : ليه حرام مرة كول ويجنن ديمة : بس لا تعشمو البنت أصلا انا ماراح ارمي اخوية بين يد سمكة القرش دي أماني مسكت المخدة ورمتها عليها : انا سمكة قرش يالحوت الابيض ديمة ما قصرت مسكت مخدتين ورمتها وبدأت حرب المخدات وكل وحدة تجري والبنات كلهم قامو كل وحدة ترمي ع التانية وجنان مازن دخل جهة الحريم عشان ينادي دانية عشان تجي تدخل العشاء لانه من اول يتصل ع الجولات ولا احد يرد لمن طفش مرة دانية دانية ولاحد يرد و انفتح الباب وفي احد انصدم فيه ومخدة جات على وجه واختل توازنه وطاح على طاولة زجاج كانت وراه والبنت طاحت جنبه ديمة : شروق ايش سويتي .......
مازن كان مغمض عيونه من الالم لانه كان ينزف وشروق جلست تطالع في الملاك الي جنبها وبعدين انتبهت لنفسها وقامت متفشلة مرة وتبكي من الفشيلة ولالم ديمة : مازن مازن مازن مازن فتح عيونه وطلع يده من تحت راسه وراها الدم ومو قادر يتكلم ديمة : دينة تعالي ساعديني مازن انفقش ( يعني راسه انفتحت ) دينة ع طول دقت ع مروان ودانية خرجت تشيل مازن وتلف راسه مع ديمة عشان النزيف مروان دخل هو وعماد وهاني وعمر ( هاني وعمر اولاد عمتهم نجاح هاني عمره 25 سنة وكان يدرس برا وما يفتكر احد من بنات العايلة وعمر عمره 20 بكلية الادارة والاقتصاد ولد حبوب مرة وماخذ كل البنات اخواته ) هاني وعماد شالو مازن الي كان شبه غايب عن الوعي وعمر راح يفتح السيارة وديمة وراهم بالعباية مروان : ديمة مافي داعي تيجي ما فيه الا العافية ديمة وهي تبكي : جاية يعني جاية مقدر اقعد واحد منكم تعبان دانية وهي تسح دموعها : خليها تروح عشان ماما تطمن مروان : قولولها انه اتزحلق مو طاح على راسه بعدين لمن نطمن نقولها دينة: طيب في الخارج دانه شافتهم وهم يطلعو مازن وديمة بتبكي راحت جري عند ابوها وهي تبكي : بابا مازن مات وشالوه وراحو ابوها انصدم : مازن ايش فيه ابو حسن : بسم الله دانة ايش بتقولي

(البارت5) بداية تحدي اليوم ثلاثاء ديمة تكلم أماني ع التلفون ديمة _ والله خايفة يقول لا وساعتها يأمونة راح انتحر أماني _ طيب قوليلي متى حتنتحري عشان انتحر معاك ونسوي انتحار جماعي ديمة _ أمون بالله دا بدل ما ترفعي معنوياتي أماني _ ايش اسويلك لك اسبوع تغني على نفس الموال يا بنتي روحي وكلميه وخلاص ماراح تموتي وكمان انت معاك سيدي خالد وعمو احمد يعني معاك قادة الجيش اوف ديمة _ بس بابا انت تعرفيه مايحب السوق نروح لوحدنا اجل كيف لقارة تانية أماني _ بنت ترى طفشتي اهلي اقول روح لمازن وهو يوقف معاك واعملوا كلكم اضراب وانا معاكم الين ما يوافق ابوك وخلاص يا موتي يا يوفق ديمة _ اصلا انت ما منك فايدة بس فالحة تضاربي مع مازن وفراس وشكلك شوية حتضمي مروان لهم أماني _ ما عندي مانع اضمه لهم ولو تبغي احد من اولاد عمك ترى عادي بس اعطني بياناته وانا راح اكمل الباقي ديمة _ أماني مع السلامة انت شكلك شاربه شي أماني _ مع السلامة عشان اكمل الكاسة ديمة _ راح اتصل على خالي يوديك لمستشفى الامل اماني _ طيب عشان اتعرف على اشكال جديدة ديمة _ أوف باي وجع اماني _ ههه باي قفلوا ديمة راحت تدور على ابوها تبغى تقوله ع الموضوع واماني جالسة تتفرج على فلم كومدي وتضحك رن الجوال _ أماني _ الو سيف ولد خالتها عمره 22 يدرس بكلية الصيدلة واخوها بالرضاعة لانو هي عندها اخ اكبر منها بس مات صغير وهو رضع معاه_ السلام عليكم أماني _ وعليكم السلام _ كيفك ؟؟ أماني_ بخير _ ممكن ادردش معاك _ م طيب _ أنا ابغى اتزوج _ ههه طيب قول لامك انا مني خطابة _ قلتلها وقالت اني صغير بس أنا ابغى اخطبها الان و الملكة بعدين استغربت _ مين دي ما شالله ؟؟ _ أخت مازن ومروان أماني على بالها ديمة _ ايش عرفك فيها ؟؟؟ _ تذكري يوم لمن جينا عندكم في العيد انا كنت داخل عند ابوك اسلم وشفتها واقفة تتكلم مع اختها الصغيرة ومرة عجبتني وجلست اراقبها وبعدين شكلها حست في وسحبت اختها ودخلت بس من يومها وانا خلاص حلفت اني اخطبها بس الظروف منعتني واليوم كلمت امي بس ما قلتلها عن البنت اماني شكت لان ديمة ما تخرج الحوش ابدا لمن تكون عندهم الا بعد حروب طويلة _ طيب اوصفلي هي لان مروان عندو 3أخوات يغطو مو وحدة _ م دبدوبة وشعرها الى ظهرها _ ا دينة _ أسمها دينة _ ايوة بس ترى لساعها طالعة تاني ثنوي واهلها مو من النوع الي يحجزوا البنت وعندها اخت كبيرة لسه ما تزوجت _ أووف طيب قوليلها اني ميت عليها ولا تقبل باحد غيري _ ايش دراك انها تبغاك _ يعني في وحدة تشوف سوسو ما يغمى عليها _ طبعا يغمى عليها لانها بتشوف ابشع مخلوق بالكون _ طيب لو مني محتاجلك كان رديت عليك _ أصلا ماراح اعملك شي اولا لان موقفي سخيف لو قلتلها في واحد يحبك ولازم تحبيه وثانيا انا ما بيني وبينك خدمات _ كده وانا الي كنت متعشم _ سيف ايش رايك تسيب المشاعر دي للأيام يمكن الصدف تلعب دورها _ ممكن .............. وقفل حتى بدون مع السلامة وهو يفكر في الصدف الي ممكن تجمعه مع دينة
/////// عند ديمة الجو مرتبك مرة دخلت على ابوها في غرفة الجلسة كان قاعد يتفرج ع الاخبار _ السلام عليكم _ وعليكم السلام _ بابا فاضي ؟؟ _ ايش تبغي _ م ابغى اكلمك في موضوع مهم مرة ويخص مستقبلي لتفت عليها _ اتكلمي _ ا ابغى اقدم اوراقي لبعثة للخارج رفع حواجبه _ وليه اشبها الجامعات هنا _ ما فيها شي بس دا حلمي من زمان _ بس هناك في اختلاط _ انا تربيت رجال ما انزل للوحل وانا اعيش فوق جبل _ ومين المحرم _ عمي ريان _ ما شاء الله ما بقي غير ريان انت وياه يبغالكم عقل معاكم كل واحد منكم تفكيره شكل ديمة حست برفض ابوها وقامت عيونها تدمع _ دحين ليه تبكي انا قلت لا _ ............. ( تبكي ) _ اصلا انا كنت راح اوافق لان سيدك خالد وسيدك احمد كلموني من زمان واقنعوني انهم عارفين انو عندك انهار جارية ماراح توقف وانت بتكلميني ديمة وقفت بكا وتطالع في ابوها مهي مصدقة ولمن استوعبت قامت ونطت عليه _ بابا والله احبك انت روعة ابوها يضحك _ دحين روعة عشان وافقت ها ههه ديمة _ طيب كلمت ماما ابو مازن _ اصلا سيدك ما ساب طريق لك الا ومهدو وما استبعد انهم قدمو اوراقك كمان ديمة تبغى طير من الفرح وقامت وسجدت سجود شكر وطلعت تجري ع التلفون تبشر اماني ولكن التلفون مشغول لان فراس ومروان ع التلفون ديمة _ مروان تكلم مين ؟؟ _ فراس .......... ( يكمل كلامه ) ايوة وبعدين اضغط اكس ولا اوه ديمة _ بلا اكس بلا زفت هات بسرعة ابغى اكلم اماني مروان _ فراس يقول ان اماني تتكلم ع الجوال خلاص فكينا ..................... وبعدين ار ون تمام ديمة انقهر وراحت تتصل على رجاء الي كانت خلاص قيدها نقلت الدمام _ الوه رجاء بضحك _ والله ما تبطلي حركاتك دي كيفك ديمة وبصوت طفولي _ الحمدلله بس من الادب الناس تقول السلام عليكم رجاء _ وجع من فين تجيبي الاصوات دي _ من حلقي يعني من فين ؟؟ رجاء _ والله ههه ........... وعليكم السلام ...ديمة ديمة _ ما شالله دوبك افتكرتي تردي السلام _ اصلا انا مارديته لك رديته لعلي _ اجل جا البيه اذا خلاص راح تطرديني _ لا عادي اصلا من يوم ما لقتله ديمة قالي كملي كلامك عادي _ احم احم شكلي اخوف وانا مدري - لا تاخدي مقلب في نفسك هو حاسبك وحدة مننا - يا سلام .................. ع العموم كيف الدمام ؟ - _ حلوة بس هدوء مو زي جدة بس ترى والله جد الغربة مو حلوة - الي يسمعك يقول في بلد تانية ترى انت في السعودية ومالك غير اسبوع مو سنة - بدانا فلسفة وتحطيم اخلصي ليه متصلة ؟ - كده تتكلمي معايا اصلا انا ما كنت حقولك بس اطريت لانك الوحيدة الفاضية - اخلصي ترى بعدين اخلي علي يهزئك لانك ترفعيلي ضغطي - وخير يا طير اصلا هو كلمني قبل شوي وقال ارفعيلها ضغطها الين ما تموت وارتاح - ههه على الكذب طيب ايش عندك - عندي خبر حلو مرة - وحتى انا عندي خبر يجنن - ايش ؟؟ - قولي اول - لا انت قولي - انت قلتي يجنن وهو يعني اكتر من حلو - م طيب انا حامل - ديمة شوية وتنط : احلفي يا سلام والله انه يجنن متى عرفتي ؟؟ - قبل ما تتصلي جيت من المستشفى - اها عشان كده عمنا علي رايق - بزبط - طيب بنت ولا ولد - لا يا شيخة لسه مو دحين - ههه طيب طبعا لو بنت حتسميها ديمة صح - مرة عاد عشان علي يموتني مكفاية ديمة وحدة وجيباله الجنان واصلا ما فكرت اسميها ديمة عشان ما تطلع زيك اعند من العناد نفسه - طيب ايش راح تسميها - هيفاء ديمة بنبرة حزن - وليه يعني
- مدري بس عشان هيفاء ما عندها اخوات ونحن زي اخواتها يعني ديبمة وصوتها في بكا – الله يرحمها عموما هيفاء احلى
- ديمة لا تبكي خلاص والله مو قصدي - لا عادي بس وحشتني مرة - ديمة خلاص كلنا وحشتنا حتى امها امس كلمتها وقاعدة تبكي ديمة بنفعال _ اصلا امها هي السبب
- كيف - لا ولا شي بس خلاص الله يرحمها ويوريني يوم في الي كان السبب - ديمة ايش خبرك المنيل تاي عندك - والله خبري احسن من خبرك يا زفت (ديمة زي الاطفال مزاجها يتغير بسرعة مع رجاء ومازن واماني بس زي الطفل مع امه وابوه ودايما ستها مريم تقول انها مهما كبرت راح تضل زي دلع الاطفال ) - طيب ايش يا متخلفة - بابا وافق على اني اسافر في بعثة يا مجنونة - ايش ؟؟ - والله - لا يشيخة دا و خبر منيل دا خبر كئيب مرة ايش تسافري يعني متى اشوفك بعد مية قرن - وليه مية قرن كلها 5 سنين وراجعة - وجع نكدتي علي حدق على عمي محمد واقوله يغير رايه لانك راح تصيعي ويسير عندها مية صاحب - يا قليلة الادب والله دا انتي الي من الشبابيك تطالعي وتجمعي ارقام - بالله انا متزوجة وزوجي غانيني مو زيك عازبة - حلوة عازبة من متى اللغة قوية عندك و اقول لا تمدحي في المقرود - والله محد مقرود غيرك ... طيب - ديمة اقولك مع السلامة انا خارجة دحين - فين - احتفل بحملي - الله يهنيك بس لا تقطعي طيب وسلمي على ابو هيفاء - هيه ترى اغار - غاري على كيفك مو شغلي سلمي عليه وانتي ساكته - كيف وانا ساكته - همهم هم كده - ههه مع السلامة يا قاطعة اللحظات الرومنسية - الله يهنيكم - خلاص السيد قاعد يضرب بوري - عقبال ما يضربك - ههه وجع باي - باي باي وفقلت وراحت تتصل على سيدها احمد وخالد وشكرتهم وخبرت مازن الي فرح وزعل في نفس الوقت وباركلها وهو زعلان وراضته انه يشد حيله ويجي معاها السنة الي بعدها وقامت هي واياه ع النت عشان تسجل في الموقع حق الوزارة حقت التعليم العالي وبعده اتصلت على اماني وقالتلها ومازن قعد يقول ان اماني هي الي قالت لصحبتها تدفه واماني تقول ايوة وديمة توصل الكلام زي ساعي البريد الساعة 1:30 دينة تكلم عبير عبير : خلاص بكرة كلنا حنروح عزيز مول دينة : طيب اشوف عبير : ايش تشوفي والله مالي صلاح لو ما جيتو حزعل دينة : طيب كله ولا زعل عبورة خلاص جاين عبير : ايوة كدة .... الا مين راح يجي معاكم دينة : مروان أكيد ومازن محتمل وديمة ماقلتلها ودانية جاية عبير ( اتوترت لمن عرفت ان مروان جي ) : طيب نشوفكم بكرة وقولي لديمة طيب دينة : طيب مع السلامة عبد المحسن دخل على عبير وهي تتكلم عبد المحسن _ مع مين رايحة عزيز عبير _ مع بنات عمي محمد - ديمة جاية - اعتقد ليه ؟؟ - ولا شي بس لا تروحي مع السواق انا حوصلك - ليش من متى ؟؟ - أبدا بس حابب انا والشباب نروح عبير ما رتاحت لكلامه وحست انه ناوي على الشر مع ديمة ولكن شالت الاحساس دا من راسها وقالت ليه يبدأ الشر وهو يحبها _ طيب بس اسمع من يوم ندخل مالك دخل في او في البنات ولا تخاف معانا مروان ومازن _ وهذا عز الطلب _ نعم ولا شي سلامتك // يا ترى عبد المحسن ناوي على ايه وهل راح يغير شي في حياة ديمة وهاني ودانية ودينة وسيف وشروق هل اهتماها بمازن اعجاب أو شعور بذنب ............. تابعوني البارت الجاي بداية حرب وحب \\

(البارت 6 ) حرب وحب
عبد المحسن يكلم شلته الخايسة >> في نظري اما بالنسباله طبعا شلته الرهيبة وراح اعرفكم عليهم (( 1- خالد 2- محمد هدولا نسخة طبق الاصل من عبد المحسن شر ومكر ودهاء وكل همهم البنات وكيف يصيدوهم عشان يشبعوا رغباتهم وحياتهم والعياذ بالله لا صلاة ولا عبادة وهم اصحاب من المتوسط أما سليمان فدا من الطايف وجاء جدة عشان الجامعة وهو ولد طيب مرة لكن القدر خلاه معاهم ولكنه الى لان محافظ على صلاته رغم انه يعرفهم من 3 سنين لكنهم ما أثرو عليه مرة بس قبل كم شهر سار يكلم بنات وبس والباقبن فرحانين بذا الانجاز )) عبد المحسن _ اسمعو بكرة من العصر استعدو راح نروح عزيز مول خالد _ يشيخ كيف حيدخلونا عبد المحسن _ لا تخاف اختي مع بنات عمي محمد رايحين وانا قلتلها انا جاين معاهم محمد – يعني ناوي بكرة تنفذ خطتك - اكيد بكرة انسب فرصة لان مازن موجود سليمان – والله حرام الي راح تعمله في البنت عبد المحسن – وليه حرام خليها عشان ما تحط راسها براسي مرة ثانية سليمان – وهي ايش عملت بس لانها رفضتك عبد المحسن – لا مو بس كده عملت شخصية للي ما يتسمى وخلته يوقف بوجهي خالد – بس مازن طول عمرة شخصيته قوية عبد المحسن – مازن مين انا اقصد عماد محمد _ دحين انا فهمت ان مازن هو أكثر واحد متفاهم معاها ليه انت مصر انه يكون موجود عبد المحسن _ لكنه غيور مرة على اخواته وغيرته قوية ونفس الشي عمي يعني ممكن احول غيرتهم لشك والحب لحرب سليمان _ شوف انا حذرتك من الي راح تعمله وانت حر وجية معاكم ماني جا ي ابدا لاني ماراح اشارك بالظلم عبد الحسن – ومين قالك تعال يا جبان سليمان وهو خارج _ قول الي تقوله بس الي تسويه ماله دخل بالشجاعة والرجولة وقمة في الضعف يا قوي ......... مع السلامة محمد – ما عليك منو نحن نكفي ونوفي عبد المحسن – أكيد ..... ولا تنسو الموعد (( في نفسه والله وقعتي يديمة وراح تكوني لي يعني لي وخلي عماد ينفعك ))وابتسم ورجع البيت الاربعاء : 2 الظهر ديمة ودينة ودانية يقنعوا امهم : ديمة _ مامي بليز ام مازن _ لا وخلاص دانية - ليه يعني _ لانو اليوم جمعة عمانكم وانتو تباتو (( تنام = تبات )) في السوق دينة _ طيب وعد اننا نرجع بدري _ ايوة زي اخر يوم ما رجعتو الا 8 الصباح مروان وهو نازل من الدرج – ماما الله يخليك والله ماراح نتأخر دينة _ ما شالله عليك دايما داخل عرض ديمة _ اسكتي خليه واقف معانا دانية _ يلا ماما والله 9 ونحن فبيت سيدو مروان _ ماما ... مامي ... بكل اللغات وافقي دخل مازن وابوه البيت مازن _ أوف وجع الناس مرتاحة وتخطط لطلعات وانا اشتغل أبو مازن _ والله دي رغبتك مازن _ عارف ودي قمة المصيبة دخلو المجلس _ السلام عليكم الكل _ وعليكم السلام دانية _ بابا نبغى نروح مع عبير السوق ابو مازن _ مع مين رايحين ؟؟ ديمة _ مروان ومازن ابو مازن _ بس بشرط المغرب تكونو في بيت سيدكم دينة : من عيوني مازن : يا الله على المصلحة دينة : مالك صلاح ...... بابي وحرة مازن بستهزاء : بابي ... الدلع مو حلو عليك أم مازن _ بس خلاص ولا كنكم كبار وراحت تحط الغدا ومازن قعد يحكي عن الشغل في الشركة /// \\\ بيت ابو هاني على الغدا أم هاني – هاني هاني _ نعم ام هاني _ أسمع انا راح أخطبلك ريم هاني وكانه أحد اعطاه كف _ مين ريم ؟؟ ابو هاني _ بنت التاجر محمد السعيد هاني _ ومين قال اني ابغى اتزوج أم هاني _ شوف دراسة وخلصت وشغل واشتغلت وخلاص الي يشوفك يحسب اننا ما عندنا خير وخلاص كل ما شافوني صديقاتي قالوا متى تزوجي ولدك عمر _ ايوة دحين عشان فلانة وعلانة تبغى تزوجيه أم هاني _ أنت مالك دخل واخوك كبر ولازم يتزوج هاني _ طيب وانا ما ابغى اتزوج دحين أ|بو هاني _ اسمع انت بزواجك راح تخلي ابوك اشهر التجار وحترفعنا فوق هاني _ انا ماتهمني فلوسكم ابو هاني _ لو ما تهمك الفلوس ايش يهمك اجل ؟؟ هاني _ يهمني اني اعيش مرتاح زي الخلق مو كل همي صفقات ورحلات ولا اسال عن عيالي أم هاني _ ايش تقصد ابو هاني _ وايش فيها عيشتك عمري ما قصرت عليكم بشي عمر _ في أشياء كثيرة يا بوية ما تنعمل بالفلوس هاني _ الخلاصة الصفقة دي انا مالي صلاح فيها ولاني متزوج البنت دي وخلاص وقام هو وعمر وهاني خلاص واصل حده وأم هاني ولا على بالها /// \\\ في بيت سيف أماني بتغدى عندهم اماني _ تسلم أيدك خالتي والله أكل جنان سيف _ لا تتغزلي في أمي بعدين ابوي يغار أبو سيف _ الله يقطع ابليسك ( يطالع في أم سيف ) بس خلي امون تتغزل يمكن امك طفشت مني ام سيف _ لا والله محد يطفش منك اماني _ سيوف قوم بدأت لحظات الغرام سيف _ والله من جد يلا فوق في غرفة سيف سيف _ اماني كيف دينة ؟؟ أماني _ تعبانة سيف _ ليه أماني _ حبيبها سابها سيف بعصبية _ نعم أماني _ ههه والله انك غبي تصدق بسرعة سيف _ وجع أماني _ يوجعك ويريح الدنيا منك سيف _ ابغى اشوفها اماني _ مين هي سيف بنفاذ صبر _ خيالي اكيد دينة أماني _ اها طيب يدك على مية ريال وانا افكرلك في صدفة حلوة سيف _ يا ربي على الاستغلال هاذي المية يلا اماني _ م اسمع ............. //// \\\ في السوق دينة _ دحين دا ابو عش عصافير ايش جايبه عبير _ ههه حرام والله شعره مو مرة منكوش دانية _ عم قريب حنشوفه مظلة ديمة _لا ونتي الصادقة سقف متحرك عبير _ بس انتي واياها ترى تتكلمو عن اخوي لاتنسوا دانية _ اشك انه اخوك مروان _ صح فرق السما الارض عبير استحت مرة ولكنها جريئة لازم تتكلم _ انت ايش جابك ؟؟ مروان بابتسامة _ جاي اتغزل فيك .... عبير خلاص مرة استحت صح انه يمزح لكنه كان مرة قريب منها دانية وهي توقف بينهم _قليل ادب ابعد عن البنت مروان _ ما راح أكلها ديمة _ يلا انا رايحة اتام مين يجي معاي دينة ولا كنها تسمع _ انا طالعة بدور على اكسسوار باي ديمة _ محد جاي احسن بايات مروان _ ايش رايكم نلعب دانية _ لا والله انك فاضي يلا عبورة نروح نشوف ملابس عبير _ يلا مروان_ اوف حشتغل حمال للاميرتين محد عبره وانطلقوا كلا في جهه ومازن مستغرب من عبد المحسن الي نازل الحب عليه فجاءة وقاعدين يتكلموا عن الشركة والشغل مازن _ طيب ليه ما تشتغل عندك شركة عمي وشركة سيدي عبد المحسن _ أنا خليني أخلص جامعة وبعدين يحلها ألف حلال وأنت ليه تبغاني اشتغل وانا عندي فلوس وخير مازن _ الشغل مو بس عشان الفلوس لانها مو كل شي في أشياء أهم وأكبر محسن _ دا مو كأنه سليمان يهمس لنفسه _ ايش جابو دا لازم يخرب علينا سلمان _ السلام عليكم _ وعليكم السلام سلمان _ محسن انت وين جوالك ؟؟ عبد المحسن وهو يطلع الجوال _ في جيبي (ينصدم يلاقي 6 مكالمات لم يرد عليها ) سلمان _ ايش انت منت حاسس بالدنيا مازن _ خير في شي سلمان _ العم جعفر بالمستشفى عبد المحسن _ أبوية ايش فيه ؟؟ مازن_ عمي ؟؟ سلمان _ ما أعرف بس أمك اتصلت على وقالت أنك ما ترد وهي مهي عارفة وينك عبد المحسن يكلم أمه _ الو خير امي ايش فيه ابوية أم عبد المحسن _ أرتفع عليه الضعط ونقلو المستشفى _ وليه ؟؟ - مدري شكله في مشاكل بالشغل يلا تعال ضروري - وليه مادقيتي على عبير ؟ مازن_ وربي انك فاضي ( يا خذ الجوال) _ ألو السلام عليكم ... خلاص دقايق وجاين مسافة الطريق
.......... مازن يتصل على مروان _ مروان بدون كلام يلا تعال انت والبنات انا استناكم برى _ ليه أي .............. _ بس يلا ضروري اتجمعوا عند البوابة وخرجوا وعبد المحسن سبقهم بالسيارة مع سلمان في السيارة _ عبير _ مازن ايش فيه ؟؟ _ مازن ولا شي ابوك تعبان شوية وامك اتصلت ديمة ودينة _ عمي ايش فيه ؟؟ مازن _ ولا شي تعب بسيط دحين تروحو بيت سيدي وأنا رايح المستشفى عبير _ مستشفى لالا أبوية فيه شي مروان _ لا تفاولي بشر مافيه الا الخير أكيد ارهاق من العمل عبير _ بجي معاكم المستشفى ديمة _ و أنا بجي كمان مازن - ما يحتاج أحد يجي بس عبير راح تروح عشان أمها وبس دينة _ بس مازن فتح القران عشان يهدأ الجو وعبير دموعها على خدوده خايفة لا شي يصير لابوها في المستشفى ... عبد المحسن : الحمد لله على السلامة يا بوية أبو عبد المحسن : الله يسلمك (( يطالع على عبير )) عبير ليه تبكي ؟؟ تعالي عندي عبير ارتمت بحبنضن أبوها : خايفة عليك أم عبد المحسن : والله كلنا خايفين عليك لا تسوي بنفسك كذا مرة ثانية أبو عبد المحسن : ايش أسوي .... خسرنا أهم صفقة وكانت حتضاعف أرباحنا لو كسبناها عبير بأمر : ولو صحتك أهم أبوها : حاضر أبلة عبير أوامر ثانية عبير بضحكة : أكيد لا زم تاكل الاكل كله _ : نهلة اذا جيتي مرة ثانية جيبي طبخك معاك ... مقدر على أكل العصافير ذا عبد المحسن : أبوية أولاد عمي محمد وسلمان برة يبغو يدخلوا يسلموا عليك أبو عبد المحسن : طيب خليهم يتفضلو ... اتغطو يلا مازن : السلام عليكم الكل : وعليكم السلام مروان : كيفك عمي ان شاء الله بخير أبو عبد المحسن وهو يطالع مروان باعجاب : الحمدالله أحسن سلمان : الحمدالله على سلامتك عمي _الله يسلمك ((و يكلم مروان الي واقف )) مروان تعال اجلس جنبي مازن _ يا حظك جلست في أحسن مكان جنب عمك مروان _ حتى على المكان حاسدني جلسوا شوية وبعدين رجع مازن ومروان وسلمان يكلم محسن برا الغرفة : محسن شوف يمكن الي صار لابوك اليوم انذار من الله بسبب الي كنت حتسويه في بنت عمك محسن : لا يشيخ والله جد طيب أنا حر ومالك دخل خلي نصايحك لنفسك سلمان : حرام دي بنت و بنت عمك لا تلعب بشرفها محسن وهو يفتح المصعد : ما لك شغل بنت عمي وحر .... ولا تدخل عشان لا تشوف الموت سلمان : انت حر والله ماراح يسيبك محسن بغرور : طيب في نفس الوقت كانت عبير تبغى تنادي محسن عشان يسأل الدكتور وسمعت كل الكلام وحست بخوف من الي راح يسويه أخوها ورجعت وقالت لامها انها ما لقته وقعدت سرحانة تفكر تنبه ديمة ولا لاء ........................................ اليوم الاثنين الساعة 1 الليل ديمة ودينة في الصالة مع مازن يتفرجوا على فلم مرعب ديمة : ا مازن : خير ديمة : والله يخوف كيف تتفرجه ؟؟ دينه : لا يخوف ولا شي انت جبانة ديمة : أقوم أحسن والله مني بايعة عمري طلعت ديمة ونسيت جوالها وفجاءة رن الجوال مازن شاف رقم غريب .... رد على طول المتصل : هلا وغلا بحبيبة قلبي ليه ما اتصلتي اليوم وحشتين..... مازن : عفوا ............... النمرة(( الرقم )) غلط لو سمحت المتصل : غلط اية هذا مو جوال ديمة مازن عصب : ديمة ؟؟؟ أنت مين المتصل : أنت الي مين ؟؟ ليكون واحد جديد مازن وهو خلاص واصلة معاه : احترم نفسك يا قليل الادب المتصل : ههه طيب يالحبيب قولها فادي يسلم عليك ويقولك افتحي الايميل أرسلك قصايد من الديوان الي تبغيه وقفل ومازن اشتعل من الغضب دينة: مازن ايش فيه مازن : اختك دي ........ وطلع لغرفته وفتح ايميل ديمة لانه عارف الباسورد حقتها وكله أمل ان الشخص يكون كذاب لقى رسالة واردة واتفاجأ بوجود مجموعة قصايد من الديوان الي قال عليه فادي ويعض أشعار الغزل في ديمة وكأنه شخص يعرفها وشافها واصفها وصف دقيق لا شعوريا اتوجه لغرفة ديمة و فتح الباب بقوة : ديمة ...... من فادي ؟؟؟ ديمة انصدمت: فادي مين ؟؟ وهو يمسك يدها : أنا الي أسألك فادي مين ؟؟؟ ديمة تبكي : مازن .... بلا سخافة انت تعرفني انا مو حقت الحركات دي مازن رماها على السرير : مو المشكلة اني أعرفك ؟؟؟ بس طلعتي خدعاني و خادعة الكل استغليتي الثقة وخنتني الكل ديمة : مازن ... انا ما عملت شي صدقني .. أنا ........ قاطعها : أنت خاينة ........ والجوال دا احلمي تشوفيه وخرج ديمة سارت تبكي على السرير مو مصدقة ان مازن يشك فيها هل هذه نهاية علاقة الأخوة الي جمعت ديمة ومازن من طفولتهم ؟؟؟ وعبير حتقدر تتكلم (( الى الآن عبير ما تدري بالي صار )) ؟؟؟ سلمان ايش دوره في القصة ؟؟ عبد المحسن ايش راح يسوي عشان يوصل للي في باله ؟؟ هاني راح يتزوج ريم ,,, وايش خطط أماني في الصدف ؟؟ أسئلة كثير تنتظر تفاعلكم وتوقعاتكم تابعوني ..........

يوه يا اميرة قلب ادور لك بشمعة ويارب اكون لقيتك
ويارب تكوني مبسوطة وفي احسن حال حتى لو مالقيتك
أرجوكي كملي القصة اعرفها من البداية للنهاية
بس ابغا استمتع مره تانية والله والله والله يا بارعة يا مبدعة يا ما أدري ايش
أميرة قلب لو قلت انك قمة الإبداع والله ما اوفيكي حقك
فعلآ انتي عالم آآخر و عالم روايات ( ما عمري قرأت رواية او قصه او حتى روشتة دواء )
بس والله والله والله تحارب الحب رواية قمة في الإبداع عالم تاني والله عالم تاني
بليز يا أميرة كمليها حتى لو ما احد رد ترا والله كتير ناس تتابع بس تبغا توصل للنهاية عشان تعلق وتعرف ترد بليز لا توقفي والله يسعدك دنيا وأخره والله يوفقك في كل خطوه تخطيها في دنيتك
محبتك في الله روان بس ما تحارب الحب لأنها تعشق تحارب الحب
<<<< أتجننت مشوها ليا ^_^
دمتي برعاية الله