تحب واحد وهي على ذمة رجال الله المستعان

السلام عليكم
حبيباتي وش رايكم باللي تحب واحد وتموت فيه وجوالها مليان صور له وهي على ذمة رجال لآن الرجال اللي تحبه شاعر ولا لاعب ولا فنان الخ,,,
مو شي يقهر يعني فيه بنات يتمنون الرجال الطيب الصالح والوحده تدعي ليل نهار ان الله يرزقها رجال طيب يحبها ويستر عليها
يمكن تقولون يمكن عندها نقص وتبغى تكمله و الخ ويمكن رجالها مقصر عليها بس الحقيقه غير كذا عندي قريبتين وازواجهم قرايب لنا كمان
قاهريني وحده عندها ولد والثانيه حامل وكل وقتهم وسوالفهم عن الشاعر الفلاني ويا لبى قلبه ومحتفظه بصوره والثانيه ما كملت سنه وقاعده تحب واحد وتقول اموت فيه اعشقه وجوالها اشكال وانواع صور له مو شي يقهر
يعني البي بي كله كلام عن اللي تحبه وتعشقه طيب وزوجك مو حرام عليك واللي اهم من زوجك ربك ما خفتي منه
لا حول ولا قوة الا بالله
هم دايما متواصلين مع اختي وتقولي عنهم وهي نفس الشي مقهوره بس تقول وش اسوي ما بيدي شي
انتو وش رايكم ولو كنتو مكان اختي وش تنصحينهم فيه
اختي لسى ما تزوجت وتقول المتزوجات قليلات ادب حكمت علينا من خلالهم
نصيحتكم تكفوون ولو ارفعو الموضوع منتو خسرانين شي