تحبين تلفتي شم الناس لك تفضلي هنا

السلام عليكم ورحمة الله وبركاته
منوا فيكم ما تحب تلفت شم الناس لعطرها ؟ << على وزن نظر الناس
منوا فيكم تحب تكون مميزه بعطرها ؟!
انا شخصيا .. احب جدا جدا ان اكون مميزه بعطوراتي .. واحب اخلي عطري يتكلم عن تميزي << يا عيني على هالعبارات الفتاكه ههه
عموما .. الشي اذا صاروا كل الناس يستخدمونه اكرهه .. لان الشي اذا كثر وكثرت شوفته نمل منه .. ونشووفه باايخ !! حتى لو كان بالحقيقه حلوو لكن كثر رؤيته تخليه عادي !!
مثال << موتي وغرامي الامثله
اول ما تنزل سياره جديده بالديره .. الناس كلها تشوفها واو .. لان شكله مميز وحلو .. لكن من كثرة ما نشوف هالسياره .. خلاص تصير عندنا عاديه .. وتملل
القصد .. كثر شوفت الشي يملل ... الا يقرف .. واذا صار الشي مكر بكثر يفقده قيمته .. ويصير عادي ..
المهم بعد هالمقدمه الطويله .. حبيت اذكر لكم بعض العطورات المميز .. واللي قليل اللي يستعملونها على الرغم من تميزها .. وترى في عطور وايد حلوه وتينن .. بس الناس ما تدري عنها .. اول تدري عنها بس ما تلقيها بال !
الصراحة في عطور خلاص صارت مستهلكه .. مثل عطور شانيل .. وديور .. والين ... الخ << مع احترامي لامحبات هذي العطور !!
انا ما اقول لا تستخدمون هذي العطور بتاتن .. بالعكس هالعطور وايد حلوه بس ملينا منها !
تحذير : اللي تستخدم هذي العطور للتعطر لغير محارمها فاني ما احللها ولا ابيحها .. ما ابي اخذ اثمكم !! انا بريت ذمتي جدام رب العالمين وكل وحده وضميرها
وترى هالموضوع خذا مني وقت طويل وجهد كبير لترتيبه وتجميع الصور وخلافه .. تقريبا اسبوع .. يعني رجاءا لا تدخلون وتطلعون ولا تقولون حتى شكرا ولا جزاك الله خير !!
من لا يشكر الناس لا يشكر الله !!
بسم الله نبتدي ..
عطور فيرا وانغ .. وهذي مصممه ازياء ومتخصصه بفساتين العرايس .. وعطورها روعه .. ونصيحه كل عروس فيهم
هذا القديم
وهذا الجديد
واثنينهم حلوين بس انا حبيت القديم اكثرر
عطور لانفان ..
واي واي على عطورهم تينن .. من اروع واجمل العطور استخدمتها عطر Eclat D'Arpege << خيالي عطر لا يتكرر .. فخم جدا جدا .. ويصلح هديه لان علبته بعد وايد فخمه
وفي عندهم عطر اسمه Rumeur حلوو وعلى نظافه على فرش على ورود ما ادري شلون اوصفه .. وحلو لو حطيتيه ويا دهن عطوور
يتبع ...
عطور رالف لورين
عن جد هالماركه مبدعه .. في ملابسها وعطورها .. عطورها روعه ..
وتنفيض بالرومانسيه
اول واحد اسمه بلو blue اتذكر نزلت عنه من زمان وحده من الاخوات موضوع عنه .. وتصفه بالانوثه الكاامله .. وهالعطر يستاهل هالوصف
وثاني عطر وهو مميز جدا جدا جدا .. اسمه بيور تركواز Pure Turquoise
ويصلح للمساء والسهرات وايد اقرى عليه مدح بالمجلاات الاجنبيه
في له شكلين بخاخ .. ومركز ..
وثالث عطر اسمه ستايل .. اموت عليه .. ريحته ورود اين
واخر عطرين .. حدهم حلوين ويصلحون للبيت .. او للزيارات العائله البسيطه .. وحلو للبنوتات وحتى شكلهم كيووت .. اول واحد اسمه كول
وثاني واحد اسمه هوت
عطور بلغاري
عطورهم بختصار (( انوثه ))
.. و ما يستخدم عطور بلغاري الا المميزين ..
اسمائه مختلفه بصراحة ! بس بالسايت اسمه Pour Femme
وهذا Rose Essentielle وهذا جديد نسبيا .. بس جد روعه عطر يستحق التجربه
امونيا .. في ناس كثير يستخدمونها .. بس تظل مميزه .. وغير مستهلكه مثل كوكو شانيل و5# << نعقدت من عطور شانيل!!
فالنتينو
ما في داعي اعلق على عطور فالنتينو لان المعروف لا يعرف << خطيره الجمله موو
ولو ان اخر عطر روك اند روز مو ذاك الزود لكن هالعطور اللي حاطه صورهم روعه عن تجربه
V Absol
V Valentino
هذا اسمه very Valentino .. ريحته بارده ليما تحطينه تحسين بريحة النظافه على ورود على بودره << امحق وصف هه .. يصلح للصبح .. من الثانويه وانا استخدمه .. ريحته روعه
وهذا Valenteino Glod ..
على فكره حتى عطورهم الرجاليه مميزه ..
فيري Gianfranco Ferre
عطورهم قليله .. لكن متميزه وبشده واللي شميته منهم
هذا واسمه روز .. عجي يب .. انصحك كل العرايس يجربونه .. لو حد شم ريحتك وانتي حاطته صدقيني لا يمكن ان ينسى ريحتك ابدا بتكون مميز وما في مثلها ..
ECHO ناعم وحلوو للصبح او للزيارات .. كانت في بنت عندنا بالجامعه تحطه لي مرت علينا كل الموجودين بدون استثناء يقولن الله ريحته حلوه
في عطر ما قد سمعت عنه بالمنتدى .. واسمه جابريت او كابريت CABARET .. روعه .. استخدمه للاعراس والمناسبات الكبيره .. ريحته ناعمه وفخمه .. واحب استخدمه ويا المخلطات ودهن العود ..
في عطور حديثه .. وحلوه ومميزه بس ما خذت ضجه كبيره .. اتصور في بنات كثير سمعوا عنها بس ما جربها .. مثل عطر باريس هيلتون Just Me ريحته تينن .. نظافه X نظافه اذا حطيت منه يسئلوني توك متسبحه !! تصير ريحتك كانك توك ماخذه شوور
وفي عطر اسمه دراقون من كارتيه .. ادري وايد منكم يعرفونه .. وهو عطر لا يوصف بصراحه ! اول ما تحطينه ريحته قوويه ومو حلوه .. نطري عليه خليه يبرد .. اه اه اه يا ويل قلبي
وبعد عطر سكسي212 من كارولينا هيريرا .. قديم شوي .. وفي كثير يعرفونه .. بس للي ما يعرفونه .. ليما احطه لازم يوقفوني ويسئلون عنه
منقول وشكرآعلي جهودهاالطيبه