تحتاجي مصورة ومصممة زفة وديجي وفستان فرح ادخلي

1. كل عروسة تحوس مدة طويلة كيف تتوصل لمصورة والا كوافيرة وال مصممةزفات


2. وطبعا انا ام العروسة فاضية ومشغولة


3. خذي الرابط وقرري بنفسك


4. http://alfrasha.maktoob.com/showthread.php?t=674944

السلام عليكم
اخواتي الفراشات
انا كتبت مواضيع عن مصورة ومصممة زفة وديجي وعارضة فستان ملكة وفستان فرح
واليوم حابة اجمع كل المواضيع بموضوع واحد

كل عروسة تحوس مدة طويلة كيف تتوصل لمصورة والا كوافيرة وال مصممةزفات

وتكون اسعارهم معقولة وشغلهم جنان مو وسط مو عشان فلوسي قليلة اخد حيالله لا
كلنا عارفين العروسة كيف تحاول توفر كل قرش عشان تقدر تجيب كل اللي نفسها فيه والدنيا غلا في الاسعار والمهور ما تكفي جهاز العروسة يادوبك تجيب اساسيات خصوصا الزمن دا البنات مايرضوا الا بالماركات وشوفي اسعار الماركات وبعدها العين تنحط على جيب الوالد
وطبعا الفستان لوحدو دوشة وغلبة
انا اعطيكم الخلاصة بعد تعب 4 شهور بحث وتنقيب عن كل شي سعره معقول وشغله واو

وطبعا انا ام العروسة فاضية ومشغولة

وبنتي ما يعجبها العجب وصحباتها كملوا الناقص انتبهي تاخذي هذا شوفي هذا احسن ودي رأيها كدا والتانية رأيها غير يعني بصراحة محد طلع عينه الا انا لكن يفداها كل غالي وتعب حبيبة قلبي سيبتني وراحت الله يهنيها ويسعدها يارب
طبعا بنوتتي اول فرحتي
شوفوا حبيباتي رح اعطيكم روابط الموضوع واحد واحد
المصورة انا كتبت موضوع بخصوصها
اقريه وانتي قرري والامر اوله واخره بيدك
اذا تحبوا ارسلكم رقمها بس ها لاتنسوا تقولولها احنا جايينكمن طرف ام ندى والا سماسم
عشان يمكن احتاجها لزواج بنتي التانية وتراعيني ولو ماعجبني شغلها ما كلفتنفسي وسويت لها دعاية وهذا اقل شكر اقدمه لها على اخلاقها وشغلها الرائع
شوفوا هذا الرابط في موضوع الموصورة
http://alfrasha.maktoob.com/showthread.php?t=725588
ومصممة الزفة بصراحة لحد دحين والزفة ترن في اذني وكل كم يوم اشغلها واقعد ابكي من الفرحة
على بالكم الام تفرح يوم الفرح بس
فرحة الام ما تنقطع طول ماهي شايفة بنتها سعيدة بحياتها
هذا رابط موضوع الزفة وممكن تسوي ديجي
على فكرة هي تصمم الزفة في سي دي بس تعطيكي التعليمات
متى تمشي متى توقفي ايش تسوي في هذا المقطع عريسك ايش لازم يسوي
يعني سيناريوا كامل عشان تعيش الجو مو انتي في جهة وعريسك في جهة الزفة في ناحية تانية

خذي الرابط وقرري بنفسك

http://alfrasha.maktoob.com/showthread.php?t=674944

وهذا موضوع عن فستان نداوي حبيبتي طبعا حق الفرح وعشان ما يتكرر السؤال والجواب ما عندي صور للفستان كان في وانحذفت من جهازي بس الصور وربي ما اعطته حقه من الروعة وبريق الكرستالات والخرز اللي تبغاه تجيني على البيت وتشوفه بنفسها طبعا الجادة هي اللي رح تراسلني
http://alfrasha.maktoob.com/showthread.php?t=674961
وهذا موضوع لفستان الملكة
http://alfrasha.maktoob.com/showthread.php?t=641096
انا كدا ماخليت شي
واللي تبغى تسأل عن شي خارج الموضوع مومشكلة اذا السؤال مو محرج تسأل هنا في العام
عشان يستفيدوا من ردي واذا السؤال يحرجك ارسلي على الخاص
وربي فرحانتلكم قد فرحتي لبنتي
الله يوفقكم في حياتكم ويسعدكم يارب
بايات