تحدي الأوربت تراك تعالي ورينا قدها ولا مو قدها

ثـلج حـار

12-10-2022 - 06:24 pm

وياليت ألاقي تفاعل وحماس

ترى مافي أحلى من الرشاقه واللياقه، وصدقوني تراه الجهاز وايد مفيد =

السلام عليكم ورحمة الله وبركاته
طبعا الموضوع مبين من عنوانه
كثير من البنات هنا يعانون من مشكلة الوزن الزايد، وحتى لو ماكان في وزن زايد،، مافي أي بنت ماتحلم بجسم منحوت ورشيق ومافيه اي زوايد
ويا مكثر البنات اللي عندهم أجهزة وقاعده في البيت متجمعه عليها الغبرا
وأنا وحده منهم للأسف
أنا عندي جهاز الأوربتراك
وأخذته بعد حماس صابني وبعد مابحثت وقريت عن كل الاجهزه واستقريت عليه
وبعدين ابتديت العب عليه بكل حماس وطاقة ،،، لكن بعد فتره وقفت
والأسباب
اني انشغلت بالدراسه وغيرها
ومالقيت تشجيع ابدا
فقررت من اليوم ورايح
راح انفض الغبار عن الجهاز وراح اشيل الثياب اللي عليه <<<< مستعملته شماعه
وببتدي استفيد قد ماقدر من هالجهاز اللي قاعد كل يوم يشوفني ويتطنز علي
الزبده من الموضوع هي اني أبي مجموعة بنات من اللي عندهم الجهاز يشاركوني في هالتحدي
وكل يوم ندخل ونقول يومياتنا وكم لعبنا وكم حرقنا سعرات حرارية (أنا جهازي يكتب عدد السعرات المحروقه)

وياليت ألاقي تفاعل وحماس

ترى مافي أحلى من الرشاقه واللياقه، وصدقوني تراه الجهاز وايد مفيد =

يحرق السعرات بسرعه كبيره في الربع ساعة أكثر من المشي السريع لمدة ساعه يعني تخيلي ساعة وحده على الجهاز = مشي 4 ساعات
يشد الجسم وينحته بشكل ملحوظ فيعني اذا استمريتي عليه قولي للزوائد والشحوم باي باي
ممتع أكثر من باقي الأجهزه أو جهاز المشي مثلا، على الأقل تحسين كأنك تطيرين في الهوا

فان شاءلله ألاقي بنوتات حلوات مثلي
ويشاركوني في حلمي وهو الاستفاده من الجهاز بأقصى درجه عشان صحتنا وجسمنا وجمالنا
طيب آخر نقطه
اللي تبي تنضم لهالتجمع تكتب مقاساتها عشان نقارن بين كل فتره والثانيه
وتكتب اذا هي تمشي على نظام غذائي ولا لا، وتكتب نوعه للافاده
وهاذي صورة للمناطق اللي تقيسينها إذا تبين
وبس
خلص الموضوع

التعليقات (9)

ثـلج حـار

12-10-2022 - 09:16 pm

بسم الله نبدأ
اليوم كان يوم مفتوح وببدأ من بكرا بإذن الله

همسات الطيف

12-10-2022 - 10:17 pm

انا عندي الجهاز الحين ابي السير الكهربائي ونظام الرجيم الي عنوانه الرجيم المعجزة المركب
ومن يوم السبت ببدأ اذا تبين اعطيك ايميلي ونشجع بعض وش رايك انا كتير جادة راسليني على الخاص
اذا تبين الأيميل

ƒaş∂âŋ ώǻяđ

12-10-2022 - 11:18 pm

وانا معك ان شاءالله
نبدا من بكره الخميس
لمدة شهر وش رايك
نخليه ساعه اوربتراك وقبل الاوربت نحمي الجسم مشي عشرين دقيقه
هذي طريقة بنت خالي وماشاءالله نحفت عليه
لي عوده بالمقاسات

زهرهـ القمر

13-10-2022 - 12:19 am

وانا كمان معااكم
وبرب
ارووح اقيس ^_^

إحــسـاس شــوق

13-10-2022 - 01:20 am

الله يعينكم ويوفقكم

همسات الطيف

13-10-2022 - 02:21 am

لا بنات الخميس وناسه خلونا نبدأالسبت من جد حماس على فكرة نبي نعطي بعض الأيميلات وش رايكم
عشان نتقابل يكون اسهل وعلى فكرة انا قلت الرجيم الي حنمشي عليه احسه حلو ومفيد
الي عنوانه الرجيم المعجزة الرجيم المركب وحدة من الأخوات كتبته
ارجو الرد علي تقبلو تحياتي

ظلام العشق

13-10-2022 - 03:22 am

سلام حبايبي انا سجلت بهالمنتدى بخصوص هالموضوع لاني ان شاء الله ناويه بكره الخميس ابداء برنامجي
وراح استمر عليه شهر باذن الله بس عندي اقتراح عشان ننحف لازم نقوم نعمل رياضة بالصبح وبعد مانخلص
ندخل ونسجل كم مدة مشيتي على الجهاز والرياضات اللى عملتيها و انا راح اعمل بهالطريقه والله لايعوقنى
بشر
اشوفكم بكره بالصباح

همسات الطيف

13-10-2022 - 04:23 am

انا ببدأالسبت ان شاء الله

ظلام العشق

13-10-2022 - 05:24 am

خلاص بنات راح نبداء كلنا السبت عشان يزيد الحماس اكثر ونمشي كلنا على النظام هذا
ودمتم بخير ولا احد يزعبل

قرووب اللي اوزانهم من65 Q/80 لمتبعات ريجيم الكربوهيدرات بس←
مخي مشتت بين اخصائية التغذية والمدربة→