تحذير من خل التفاح

هلا فيكم ياالغاليات
لأني أحبكم في الله قررت أنزل موضوع عن خل التفاح اللي هابين فيه تحطونه على بطونكم وصدوركم وغيره وأنا أولكم بس بعد اللي شفت لاوالله ماعاد احطه مع أنه نحفني ((وبيضني وهذا البلاء))
بس أبغى منكم الدعاء هاه أمانه كل وحده تدخل تدعيلي ربي يهديني ويسخرلي زوجي ويصلح أبنائي وينبتهم نبات حسن طيب يرضاه
تكفون
المهم بعد هالمقدمه حبيت أقولكم أن أختي تخلط خل التفاح مع الزنجبيل ولاحظت أنها نحفت وبيضت وكنت انا اللي معطيتها الخلطه للأسف جبتها هنا من المنتدى ولاراح أسامح نفسي على اللي سويته بأختي الله يشفيها
أستخدمته اختي ومع الوقت لاحظت بقعه بيضاء والله يابنات بيضاء طلعت فيها وراء طبعا خفنا كلنا أنا وأمي وأخواتي وهيه صارت تبكي خفنا يكون ((برص ))
ورحنا ودينها المستشفى قالت الدكتوره لها ايش مستخدمه طبعا بعد ماكشفت عليها
ردت عليها أختي مااستخدمت الا خل التفاخ
عاد هنا طارت عيون الدكتوره
ايه ....خل تفاح أنتي مش عارفه أنه بيشيل صبغة الجلد؟
عاد هنا عرفنا السر ليش الخل يبيض وكل البنات مبسوطين عليه وبعضهم صار يستخدمه للأماكن الغامقه
المهم صرفت لأختي فيتامينات وعصار
والحمدلله بدأ اللون يرجع شوي وعشان كذا نزلت الموضوع بنبهكم ترى مو كل شي يستخدم
وأحنا لو ماشفنا أختي كان استمرينا
بالله قولولي اش فايدة النحف والبياض والواحد مرضان تخيلو صابكم البرص لقدر الله ترى مافيه مثل الصحة والعافية
عاد انتوا انشروا الموضوع عشان نكسب أجر والبنات المسكينات ينتبهون
وأخيرا ماأبي غير الدعاء اللي تعبانه أصابعها لاتكتب الدعاء تدعيلي لو بقلبها تكفون
وأسفه على الأطالة...