تحسوون بها الشي ولا بس أنا

مرحبا ..
فراشات ..
ام في شي فخاطري ودي أقوله ..وحبيت تشاركوني فيه ..!
مادري الا احس فيه طبيعي أو لا ..مريتوا فيه أو بس أنا ..؟!
ويمكن أكثركم تعتبروا المشكلة سخيفة جدا ً مقارنة بمالمشاكل الي فالقسم ..!
أنا متزوجة لي 3 سنين والحمد لله مرتاحة ومبسووطة مع زوجي وعندي ولد الله يحميه ..
من بعد زواجي ..صرت اذا رحت عرس أحس بضيقة وبكتمة ..اذا شفت عروس أتذكر نفسي وأحس اني بصيح ..مادري ليه ..
واذا شفت العريس دخل وسلم على عروسته وجلس ع الكوشة اتذكر نفسي مع زوجي ..واتذكر ذيك الليلة بحلاووتها ..
طبعا ً اتضايق مو حسد أبدا ..بالعكس أفرح لهم كثير ..
بس ودي اعيش
الفرحة مرة ثانية ..
وطبعا ً من أرجع من العرس أشغل شريط زواجي أو شريط خطوبتي وأشاهد وعيوني تدمع ..!
طبعا ً هالحالة كانت بداية زواجي أقوى بكثير الحين اخف لكن لازلت أحس بها ..
ودايم أفتكر بداية أيام زواجنا كيف كانت حلوه
..وكل متزوجة تعرف كيف أيام الزواج الاولى ما تكرر ..وليها شعور خاص مستحيل تحسه وقت ثاني ..!
حتى لو الزوج طيب وحنون و ..لكن الاحساس الحلو وتجربة الحياة الثانية لأول مرة ليها ميزه غيير ..
بتقولون وش الا خطر ببالك وكتبتي الموضوع دلحين ..!
قبل كم يوم كانت ملكة وحدة قريبتنا ..وطبعا ً حضرت وفرحانة لها مره لكن جاني نفس الشعور ضيقة وكتمة..وبس رجعت شغلت شريط ملكتي كالعادة ..
وفالحفلة شافتني وحدة صاحبتي من زمان ما شفتها ..قالت لي تعالي زواجي شهر كذا فالصالة الفلانية ..قلت لها ما دورتي الا الصالة الي تزوجت فيها تعور قلبي ..
قد حسيتوا بالي أحس فيه ..؟