تحليل الزواج وكبسة المشاعر

بنت كول تكره السكول

31-10-2022 - 07:35 pm

السلام عليكم ياحلوات.. كيف حالكم يالغوالي.. ان شاء الله تمام التموم هع
ابسألكم عن عن عن .. تحليل الزواج يوم الاربعاء بروح احلل ومره خايفه
اللي حللت تفيدنا هو يعور؟؟ والا لا
وهم ياخذون دم بس؟؟ هع هع
واللي ماحللوا يقولون وش شعورهم واكيد اغلبهم اول مره تشوف الاستاذ
يابنات اول مره راح اشوف خطيبي عن قرب والله قلبي يقول دربق دربق
بنوتات لو كلمني ارد عليه او اطنش كالعاده ههه
يؤيؤ خرجت عن الموضوع بس والله كبسة مشاعر بداخلي هع هع
ادعو يابنات ان ساره تسعد فيصل وفيصل يسعدها بعد
الله يسعد كل وحده بترد علي او بتقرا وتشخط هع هع

التعليقات (9)

بسمة باربي

31-10-2022 - 10:34 pm

لا تخافين و لا تحاتين الفحص عبارة عن اخذ عينة من الدم فقط لا غير و يعور اشوي يعني اول ماتدخل الابر بيدك بس بعدين عادي
و بالنسبة الى خطيبك من رأيي انه اذا كلمك ماتردي علييه تووكم على الكلام خليك خجوولة تكبري في عينه اكثر و خليك مستحية
و ادعي لي الله يحقق اللي في بالي

هياااام

31-10-2022 - 11:35 pm

ههه الله يعينك مرة يعور بيغمى عليك وتدوخين ويمكن يعبونك دم واجد
ههه
امزح الامر عادي جدا وماتعور كنت مثلك
ولا تكلمينه الا قبل الزواج باسبوعين واستحي ويالله ويالله تطلعين الكلام اوكي اثقلي مو توسعين الصدر وتجيبين العيد انتبهي
والله يوفقك ويوفقني يارب

لعبة

01-11-2022 - 12:36 am

ههه الله يوفقك

شمووخ الإيماان

01-11-2022 - 01:37 am

الله يوفقك

حرم دودي

01-11-2022 - 02:38 am

يعور الم الابره
واذا جسمك حساس زي حالاتي راح يعلم فيك اقل شيء اسبوع

روهــــــــادا

01-11-2022 - 03:39 am

ههه لايكون خطيبك هو الدكتور اللي بيحللك ؟؟؟ليش يروح معاكم مدري تقابلونه هاه؟؟انا والله على ايام زواجي ماكان فيه تحاليل ولاهم يحزنزن غمطم بمطم <<<العصر الحجري خ>>>بس اتذكر اختي اخذها اخوي وحللها وبعدين مر زوجها اخذالورقه وودها المستشفى وقضينا المهم ياحبيتي التحليل دم فقط ومايوجع ابد والله يهنيكم انتي ويا فيصل ببعض ويسعدكم وتكمل فرحتكم وتجيبون كتاكيت قماري زيكم <<<<من وين شفتكم ههه

بقايا رحيل

01-11-2022 - 04:40 am

ههه
ياحليلك
والله مالحقت على ايام التحليل
فما عندي خبره علشان اساعدك
بالتوفيق

غلا الحربي

01-11-2022 - 05:41 am

عادي مايوجع التحليل كله شكت ابره ههه
بس انا زوجي ماراح معاي يوم حللت تحليل الزواج ارسل الورقه ووداني ابوي واخذالورقه وقضينا والله يهنيكم بعض ويهنيني انا وزجي ويهده ويخليه لي ان شاء الله

ريدولينس

01-11-2022 - 06:42 am

ماادري ليش لمن قريت موضوعك ابتسمت ومن كل قلبي الله يوفقك يارب..
والله ياساره انها لحظات جميله عيشيها بكل حب واخلاص ول تفوتين لحظه الا وتعيشيها لانها كلها بتكون ذكريات جميله تجمعك انتي وزوجك....
التحليل ابد مايوجع بس مجرد ابره تسحب شوي دم...
ذكرتيني بهذيك الليله رحت انا وهوا سوا المستشفى ........م على هذيك الايام.

على سنقه عشره على طول←
قلبي لربي لا لسواه→