تخصصي وحالتي الصحية

السلام عليكم
اخباركم
عساكم جميعا بألف صحه وعافيه وسعاده
انا محتاره جدا والى الان ما بدت العطله عندي :(
معليش سالفتي طويله بس محتاجه احد يعطيني وجه ويساعدني
انا خريجة ثانوي والحمد لله جبت نسبة حلوه وقدمت على جامعة سعود وجامعة الدمام
طلعت نتايج القبول بالنسبه للكليات الصحيه بسعود وما قبلوني
بعدها رحت عدلت رغباتي وحطيت رغبة وحده الا وهي السنه التحضيريه بسعود وباقي ما طلعت النتايج تطلع الاحد ان شاء الله
بعدها طلعت نتايج جامعة الدمام طب استانست وفرحت بعدها اكتشفت ان مافيه بالشرقيه طب اسنان واني الطب اللي قبلت فيه هو طب بشري
المهم ابوي مستانس لدرجه مو صاحيه ومتحمس مره وامي ما احسها متحمسه الوضع عندها عادي والسبب لانها تبيني ادرس عندها ولانها تقول الطب صعب مع العلم ان ابوي وامي متطلقين وامي عايشه بالرياض وهذا هو سبب تقديمي بجامعة سعود
المهم الحيرة اللي انا فيها الحين من ناحية
قبلوني طب بشري وانا مريضة بالسكر الله يشفيني ويشفي جميع المسلمين ما ادري هل بحالتي هذي اقدر ادرس طب لانه مثل ما اسمع يبيله جهد كبير ؟؟
ان طلعت نتايج سعود وقبلوني بالتحضيريه هل اسحب اوراقي من جامعة الدمام واروح سعود ؟؟
استخرت كذا مره بس ما ادري ما قدرت احدد يعني تجيني اوقات باليوم مستانسه وطايره ومرتاحه وتجيني اوقات مره متضايقه ومخنوقه وتجيني اوقات ابكي ما ادري وش اسوي
اعطوني ارائكم وساعدوني جزاكم الله الف خير