تزوج حماها

بنات بكتب لكم قصة سمعناها من فتره وصدق القصه عجيبه وحقيقيه
كانت في مدرسه تسولف بالدوام وتقول صراحه ان زوجه حماي(الحمى أخو الزوج)
حيل طيبه وعلى نياتها وماتشوف غير بيتها وزوجها وطلباتها احس انها
مو مهتمه بحماي كرجل(يعني ماتكشخ له وتسوي له جو) لدرجه طيبتها
مرات اقول يلا يا حماره قومي سوي شاي وقهوه (على اساس مزح)
وبنت الحلال هذيك تسوي (حاطه في بالها انها مثل أختها والمدرسه تستهزئ فيها)
شوفو الحريم وخبثهم شافت معاها مدرسه ثانيه مو متزوجه وقالت لها شرايك ازوجك حماي
وهذيك قالت على ايديك زوجيني وانا موافقه
راحت تمدح في المدرسه هذي عند حماها(طبعا الزوجه الضعيفه ماتدري عن شي)
لحد ماحست انه اهتم وخاصه قالت له انت تحتاج زوجه تهتم فيك وتدلعك و...الخ
المهم قالت شرايك تتزوجها صدقني راح تهتم فيك
الاخ وافق وفعلا راح مع اخوه (زوج المدرسه الخبيثه) وخطبوا طبعا الزوجه ماتدري عن شي
وحددوا موعد الملكه وبيوم الملكه كشخ العريس المفترض و زوجته تبخره وتعطره(ماتدري عن شي)
راح الاخ سال زوجته شرايك فيني يام فلان
قالت ماشاء الله كانك معرس
قال لها واذا قلت لك اني فعلا معرس واليوم عرسي
قالت له
يجيني خبر عرسك ولا يجيني خبر موتك
الرجال انصدم من الرد وتاثر حيل فيه وعرف ان محد يسوى ظفرها اللي ترضى له
بكل شي من حبها له
(ماشاء الله على ردها)
نزل لاخوه وقال له انا هونت مراح اتزوج عصب اخوه قال لاتفشلنا مع الناس عطيناهم كلمه
قال له مالي شغل مراح اتزوج على مرتي وماهموني الناس
راح الاخو وقال خلاص انا أملك عليها بس مانحرج نفسنا عقب ماوعدناهم
قال كيفك مالي شغل
راح الاخو (زوج المدرسه) وملك عليها وقالوا خلاص ملكنا
الزوجه الخبيثه استانست مادرت انه زوجها
وثاني يوم جابت الحلو والقهوه عشان صديقتها المعلمه عبالها تملكت على حماها
سألوها وش المناسبه
قالت: فلانه ملك عليها حماي ردت المدرسه
لا والله مو حماك زوجك اللي ملك علي خذيت زوجك
وصارت مذبحه في المدرسه
شرايكم بالقصه؟؟؟؟؟؟
للأمانه منقول