ليلة خاصة بالاعياد غير

ليلة خاصة وحميمية لكم بالاعياد
كثير من الاعياد اللي تمر علينا ايام الزواج وتكون تخص الزوجين فقط .. مثل :
عيد زواجكم
يوم العيد ( المسمى بعيد الحب )
عيد ميلاد الزوج ( طبعا لان هذي النصيحة للزوجات وماينفع تسويها بيوم عيدميلادك)
كبداية اذا كان زوجك من النوع اللي لازم يطلع كل يوم المسا حاولي تعرفين اي ساعة بيرجع عشان يكون كل شي جاهز او تقوليله حبيبي عندي كم حاجة في البيت ابغي احضرها اطلع اتمشى اشوي ....
وراها عاد لازم ........:
1- حسسي بأن هو اليوم برجعته ماراح يكون مثل كل يوم مثلا قبل لايطلع قوليله : ( ماتتأخرحبيبي وتضيع اللي منتظرك عشان ماتخسر) بدلع وغنج .. ويكون البيت عادي ومافي اي شي جديد او مبين شو راح يلاقي بعدين .
2- طبعا بتكونين انتي شارية لوازم هذي الليلة من شمووع ( كثري منها وراج درب) وورد احمر وهدية له .... وبتكونين محضره عشا يحبه .
يؤيؤيؤ واهم شي تكونين شارية قميص نوم جديد او ماشايفة قبل ويكون غير يعني شي واوو
3- تجيبين اوراق صغار وقلم وكم وردة وتبدين من عند باب البيت لين باب غرفة النوم تكونين معلقة او لاصقة الورق بطريقة يشوفها هو وماشي ( حسب نظام بيتك وترتيبه) .
4 - اول مايفتح باب البيت لازم يلقى وردة وورقة مكتوب بيها : ( تعال انت والورد) .
5 - وراها بشوي ورقة ثانية مكتوب عليها ( اشتاقيتلك ) .
6 - اللي بعدها ( حبيبي اكيد انت اشتاقيتلي بعد ) .
طبعا حسب طول المسافة اللي بين الباب الرئيسي وباب غرفة النوم وانتي اكتبي
7 - بس بنص المسافة تحطين بعد وردة وتكتبين على الورقة : حياتي باقي لك شوي وتصير بحضني ) .
8 - قبل اخر ورقة تحطين الهدية وتكتبين ( خليها لبعدين و تعال شوف الاحلى) اكيد بيجيبها وياه.
9 - اخر ورقة عند باب الغرفة وياها الوردة ومكتوب عليها ( الشوق ذبحني تعال ) .
هنا داخل الغرفة بتكونين انتي على سنكة عشرة والشموع اللي منورة الغرفة والعطر اللي ماخذ الغرفة يكون كل شي غير عن المألوف ( حتى لو كنتي متعوده تسوين هلاجواء حاولي تغيرين لازم ولو باشياء بسيطة . وطبعا ناثرة الورد على السرير وعلى اماكن مفرقة بالغرفة ( لانها ليلة ورد ان شاءالله بتكون) .
يؤيؤ نسيت وطبعا الطريق من الباب الرئيسي للغرفة النوم كله شموع ( من هذيل الصغار ) هذي الملاحظة وايد مهمة ديروا بالكم
وبعد مايدخل الغرفة بيلاقي الزوجة قاعدة بكل دلع واناقة وبيدها وردة (ياريت اذا قدرتي تميزيها عن الباقي بلونها او نوعها بكيفك) ومن يتقرب منك تقومي بكل دلع وتبوسي واذا كان جايب الورد وياه تاخذيه منه وحطيه جنبكم وتعطي الوردة اللي بايدك بعد ماتشميها وتبوسيها ............. والباقي عليج كله دلع وحنان ورومانسية وصدقوني بتكون ليلة غير شكل .<<<<<<< مجربتها مرة وحدة وللحين مانستها
واذا حد جربها ياريت تبلغوني
ليلة سعيدة
تحياتي