تشيز كيك بيتزا هت وكنتاكي00 بالصور

mona_daloo3ah

22-11-2022 - 10:01 pm

حبيت انزل لكم تشيز كيك مثل الي يبيعه بيتزا هت وكنتاكي
اكيد عرفتوه المهم انا مت وتعبت وجربت اكثر من نوع عشاناطلع نفس الطعم واخيرا ضبط
ولجل عين يكرم مرج عيون عشان كذا قررت انزله لكم وجربوه وعطوني رايكم
بسم الله وعلى بركة الله نبدأ
المقادير : كيك جاهز+بسكويت مثل الصوره+4كيري+2بيض+2لبن زبادي
فانيليا سايله+3/4 كاس سكر+3/4 1 كاس حليب بودره
الطريقه : في البدايه انت مخيره اما تقطعي الكيك الى شرايح وتصفيها في القاع
او اذا حبيتي بسكويت معجون مع زبده ومقاديره تقريبا لكل 2 علبه بسكويت واحد زبده
وقليل حليب سايل او ماء حتى ما يكون يابس اذا بغيت تقطعيه
حتى البسكويت الي على الاطراف يمكن الاستغناء عنه
توضع بعد ذلك بقية المكونات في الخلاط ثم تصب على الكيك وتوضع في حمام مائي
قبل ذلك لاتنسي تغليف الصينيه بالقصدير جيدا حتى لا يتسرب اليها الماء
توضع في الفرن حتى يجمد (رجي الصينيه شوي اذا تحرك الخليط يعني خلي بعد)
تخرج الصينيه من الفرن وتترك لتبرد تماما >>اسفه ما صورت ها المرحله
نحضر الطبقه العلويه وهي اما حشوة الفطيره الي تعرفونها في السوبرماركت واختاري النوع
الي تحبين او حضري هذا الصوص
وهو عباره عن<<بياله ماء+ بياله هيرشي فراوله+نص كاس توت+2 ملعقه نشا>>تخلط جميع المكونات مع بعض وتصب على الحلى وتدخل الثلاجه حتى تبرد
وهذه قطعه لاول رد وصحه وعافيه علينا وعليكم

التعليقات (8)