تعالجت ولا اعرف ماهذا العلاج افيدوني

السلام عليكم ورحمه الله
اخواتي اول شي اشتقت لتواجدي معاكم في هذه الزاويه التي ترفع المعنويات
موضوعي اني سافرت الى احد الدول الاسيويه للسياحه
فسمعت عن دكتوره معروفه جدا جدا ويقال ان كل من ذهب للعلاج عندها اتى بنتيجه الحمل باذن الله
طبعا اذا قالت ان هناك علاج --- فمن ترى انها لا تستطيع علاجها تقل لها

• -> بقولكم السالفه بالعاميه احسن

رحت لمكان العياده في حي فقير جداا ومن بعيد اشووف حشد كبير من الحريم ينتظرون الدور يعني ما تتخيلون الزحمه لين خارج الغرفه
يعني انتظرت الدور يعني ساعات ودخلت عليها فقالت الدكتوره طبعا ما افهم عليها وما تتكلم انجليزي لكن حاولت افهم من بعض الحريم
انها بتسوي لي فحص وبتقول لي شو فيني
سوت فحص طبعا بدون اي جهاز بايدها وقالت انه بيت الضنا صغير
وقالت بنبدا العلاج من الحين (( طبعا كان وقت بعد انتهاء الدوره مباشره ))
دخلت لي قطنه فيها خيط وماعرف شو فيها محلول تقول انها تنزل كل الماي وتنظف
وعطتني ابرتين في كل جهه ابره وقالت اخلي القطنه لين الصبح واشيلها بواسطته الخيط
واستمر العلاج هذا لمده 6 ايام
وبعدها كتبت لي حبوب للصبح حبه ولليل حبه مع ابره -- عباره عن محلول المشيمه الطبيعي --
يعني 15 ابره للشهر يعني يوم اخذها ويوم لا
وانا بديت العلاج من شهر 10
والحين صار لي 42 يوم ما يت الدوره ولكن سويت تحليل منزل مافي وتحليل دم طلع مافي ؟؟
منو يقولي شو السالفه والله وايد خايفه
للعلم 2 من الي اعرفهم تعالجوا عندها وحملوو غيرالقصص الي سمعتها وانا انتظر الدور من الحريم
ارجوكم خبروني شو يعني هذا العلاج ؟؟ وشو موضوع الماي الي ينزل ؟؟
وموضوع الابر
وليش مايطلع حمل وليش ما تنزل الدوره اذا مافي حمل ؟؟
الي عندها فكره تفيدني لاني صدق ماعرف شي وانا خايفه وايد