تعاللو شوفو كيف تزينو دبشكم بأشياء بسيطة

1. السلام علييم ..


2. ان شاء الله يكون عجبكم وفي افكار تستفيدو منها


3. الشغلات اللي تحتاجوها :

السلام علييم ..

دا دبش بنت عمتي .. حبيت انزلو لكم امكن تستفيدو من الافكار وان شاء الله يعجبكم ,, يعني ماكانت عندنا فكره معينه صادفنا وسوينا اللي استوا دا سبت مزين وفيه بعض من العطور وعوده وزيناه بورق سلفان مع شرايط لانو ماينفع بالتل حيكون طايح
وهنا سبت اخر فيه بعض من الميك اب انو يكون مزين والباقي في الشنطه
وهنا الاطقم زي طقم الحمام وطقم القمصان و طقم العوده و طقم مفارش السرير وفي طقم للمطبخ اشياء بسيطه حق مطبخ
وهنا سبت تاني فيه مطقمه شنط والصنادل الله يكرمكم جق المناسبات والافراح بس مو كلها طبعا شي بسيط مزين
وهنا صندوق في منه بناطيل وبلايز وفي قمصان نوم اللي تجي عاديه والوان وفي صندوق فيه بجايم مطقمتها ورابطتها مع بعض بحيث اذا حابه تلبس تشيل طقم طقم طبعا الصناديق احجام وينباع كذا قدو مزين بس احنا زودنا عليه الكلفه الذهبية والفصوص
دي بعض من الاشياء اللي سوتها في شغلات مالحقت اصورها بس اغلبها كدا فكرتها ماخده من كل شي شغله بسيطه ومزينتها والباقي في الشنط
يعني ملابسها في شنطه كبيره وشنطه تانيه فيها قرابيع البيت مفارش الطاولات وشغلات هيا حبتها واشترتها لبيتها وشنطه تانيه فيها كل الفساتين البسيطه والمكلفه وفي كمان قمصان النوم المكلفه
وطبعا شنطه الاكسسوارات والعطور وبقيه الميك اب والجزم الله يكرمكم و ماافتكرر

ان شاء الله يكون عجبكم وفي افكار تستفيدو منها

الشغلات اللي تحتاجوها :

• تل الالوان اللي تحبيها
• وسلفان
• سبتات باحجامها
• ورد باي نوع صغار او كبار واي لون تحبيه مع ورق الشجر
• مقص -غراء مسدس وعادي
• لصقه
• شرايط عاديه وستان (على حسب الوانك )
• علب باحجامها

صح بعض الاشياء مكلفه بس ممكن بأبسط الاشياء تزيني دبشك وكل واحد وامكانياتو وذوقو
موفقين يارب