تعالو اقروا شنو سويت يوم زعل علي زوجي وشاركووني

السلام عليكم ........ ياأروع فراشات بالكون
كيف اموركم ان شالله ميه ميه
الزعل والهواش (الله يبعده عنا وعنكم) هو ملح الحياة الزوجيه بس على الخفيف وبدون تجريح مشاعر
ذاك اليوم رحت الصالون وانا شعري طويل ودقيت على زوجي قلتله ترى بقص شعري قالي لا ويالله انا مشغول دقي بعدين
طبعا صكرت التلفون وقلت حق الصالونه اتكلي على الله وقصي قصات حلوه
وانا يابنات شعري من تزوجنه ماغيرته طوويل وكثيف وقذله وحيل ودي اقصه المهم قصيته طلع شكله روعه وتخيلو قصات وقذلتي خليتها طايحه ورفعت نصها بشباكات صغار
المهم دقيت عليه قلتله ترى قصيته وقام يزفني ويصرخ وانتي فيج وفيج
المهم قلتلها الشرها علي اللي بسويلك نيو لوك المهم تهاوشنا وصكر وانا كانت عندي عزيمه بيت خالتي
المهم طنشت العزيمه لعيون الغالي
ورحت لبست بدلت عرس حلوه كنت مفصلتها حق عرس عمتي
وحطيت مكياج وعدسات
وانا كانوا اهلي مسافرين كلهم فكنا قاعدين بيت اهلي ثلاث ادوار وخدامتين وسايق والبيت لي انا وزوجي وبس ليين يجون اهلي المهم قلت فرصه
واقول حق الخدامات يزهبون لي طاوله فوق السطح وحطيت عليها مفرش وردي وجبت كراسي ورديه عندنا بالبيت وترست السطح شموع وباقات ورد مجفف والحمدلله السايق تحت امري وطرشت السايق على ارقى مطعم بالكويت
ودزيت حق زوجي مسج قلتلها الله يخليك تعال عندي بالبيت انا مارحت العزيمه وخايفه بروحي السايق يقولي بابا مايجي اليوم عشان اخرعه ههه مايدري اني مطرشته يجيب لنا عشا
المهم ان زوجي مطوع وامام ومايسمع اغاني كلش
يوم دش علي ولا يشوفني لأول مره كشخة عرس حقه اهو انصدم سخن
ولا كلمه جان اقوله تكفا اقعد الله يخليك بس هالاغنيه
مادري اي اغنية المهم انها كانت اغنية حلوه ورقصت له
اهو اهني انجن وانهبل
قلتله شرايك بالقصه قال اتهبل والله احلى من الطويل
قلتله يالله انا عازمتك فوق
يوم راح السطح وشاف المنظر والله يابنات خدامتنا جزاها الله خير مخليته خيالي انا انصدمت ودي اصوره لكم بس شسوي زعلان علي لازم اراضي
وقلتله اصلا انا ماعيش بدونك شلون تزعل علي انت الحين صرت امي وابوي واهلي كلهم ورضا وقالي خلاص انا ماراح اتدخل بامورج الخاصه اذا كانت مثل هالجمال
وش رايكم ..........