تعالو شوفو الكوافير شو قالت في شعري

مرحبا يافراشات اخباركم
اليوم رحت للمشغل بستشور شعري
طبعا انا دايم اروح لمشغل متعوده عليه
الموهم رحت لهم وقلت ابي استشور
وطلبت اللي دايم استشور عندها واقص واصبغ ياحبيلها فنانه ويعجبني شغلها ماشاء الله خاصه الاستشوار يطلع مظبوط
الموهم انا اخر مره رحت لها في شهر رمضان رحت اقص شعري
ويوم رحت امس وجلست تستشور قالت ماشاء الله شعرك طولان ههه طبعا هي لبنانيه
والله يااني تشققت من الوناسه بغيت احب راسها
انا كنت اروح لها قبل واجلس 7 شهور بس تقول ماكان يطول زي كذا
الحمدلله يارب
انا شعري كان تحت كتفي ب اربعه سم تقريبا الحين ماشاء الله نص ظهري
تكفون قولو ماشاء الله
بقولكم السر
هو
زيت النارجيل اللي بعلبه حديد ب7 ريال من العطار دايم البنات يكتون عنه اكيد عرفتوه
اجيبه واجيب 10 فصوص ثوم وافرمها فرم ناعم
بعدين احط الزيت على النار واحط الثوم الين يسخن واطفيه واذا برد حطيته بعلبه طبعا فيه ناس قالو شيلي الثوم منه بس انا خليته فيه
واذا جيت استخدمه اخذت اللي يكفي شعري وسخنته واذا صار دافي حطيته على شعري وغطيته بكيس
وفي الفتره الاخيره صرت اذا سخنت الزيت وقبل احطه على شعري احط معه ملعقه حلبه مطحونه واحطه على شعري وبس
انا احطه 3 مرات بالاسبوع..
واخر شي ابيكم تدعون لي ان الله يحقق كل مااتمنى والله ماكتبت موضوعي الا عشان تستفيدون
وفيه شي ثاني استخدمه بعد
تعرفون الزعتر البري روحو للعطار واطلبوه منه
اجيب كاس واحط فيه ملعقتين كبيره زعتر بري واصب عليه مويه حاره واخليه3 او4 ساعات بعدين اصفيه واخذ المويه بس
واذا غسلت شعري وخلصت شطفت شعري به
انا سمعت انه يوقف التساقط ويطلع الشهر اللي متساقط
معليش طولت عليكم
لاتنسون تدعون لي ان الله يحقق اللي ببالي
اي سؤال انا حاضر بنات
بنات انا استخدمته من شهر 10 الى شهر2 يهني خمس شهور
لازم تتحملون عشان تشوفون النتيجه يعني مو اسبوعين او شهر