تعالو يا بنات اقرو الي سويته قبل لا احمل واستفيدو

السلام عليكم حبيباتي
طبعا اني سبق وكتبت الي سويته وحملت باذن الله بموضوع باركولي اني حامل
بس هسة فصلت هاي النصيحة عن الموضوع حتى الي ما شافتها تقراها هسة وتستفيد باذن الله
راح احجيلكم شنو صار هالشهر
طبعا اول شي اني دورتي كانت منتظمة الحمد لله بس اخر شهرين تاخرت اربع ايام
والشهر الي حملت بي طبعا اول شي بدات بالدعاء لله والتوسل بالله بان يرزقني الذرية الصالحة هالشهر
ثاني شي طبعا الكل سامع برفع الرجلين بعد الانتهاء من الجماع
اني كنت كل شهر اسويها ارفع رجلي واخلي تحتي مخدة لمدة عشر دقايق
الى ان صادفت امرأة جزاها الله خير وقال الي التالي :::
قالت لي اول ما تخلصين من الجماع على نومتك دوري وخلي رجليكي على الحايط
يعني يصير راسي بدل رجلي ورجلي بدل راسي
واتقرب اكثر على الحايط وارفع رجلي على الحايط
واكسر المخدة واخليها تحت الورك مو تحت الظهر
اعيد تحت الورك وانتي رافعه رجليكي على الحايط
لمدة نص ساعه
والله هي تحلف تقول باثنين اولادي من اريد احمل راسا اجرب هاي الطريقة وفعلا يصير حمل
اني جربتها وحملت الحمد لله
جربو هاي الطريقة يا بنات وان شا ءالله تبشرونا بالحمل قريبا يا كريم ارزقهم الحمل وفرح قلبهم
اما عن الاعراض الي اجتني
اول شي بعد ما غسلت من الدورة السابقة بخمس ايام
صدري ضل يوجعني
صار عندي افلاونزا قوية
سخونة
كاابة
صرت اضوج بسرعه
كان ينزل علي ساءل مو هواي يعني خفيف بس مايل الى الاصفر
بس تحسين برطوبة على طول
ما حسيت لا بغثيان ولا بدوخى يمكن لان بعدني باول اسابيع
ان شا ءالله اكون وفيت وياكم واستفاديتو من تجربتي
واي سؤال عدكم اني خادمة الكم
تحياتي الكم جميعا
اختكم زمردة