تعالو ياطباخات

هذا حلى
المقادير:
ملاحظه}
لنتائج افضل يستحسن يكون عندك الأواني الزجاجيه مثل اللي استخدمتها ، في حال ماتوفر لك ممكن تستخدمين أواني الشموع اللي تجيك صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً لقطر حبة الأوريو
الكميه تكفي 12 آنيه ل 12 شخص .
كيك شوكولاته ( استخدمت نصف كيكة امريكانا ) شخصيا افضل اصلح الكيكه بنفسي بس هالمره عشان التصوير استخدمت امريكانا <== خايفه تتهمونها بحب الشقاء ..( بنات مره مره تغيرت بعض الماركات عندنا يستخفون بنا .. ممكن تستخدمين بيتي كروكر , sara lee ( سارا لي ),لأن أمريكانا تغير بالحيل بس مايبين بالحلى )
12 حبة بسكوت بالسمسم ( اولكر)
( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)
حليب للتغميس
2 حبه بسكوت اوريو ( منزوع الكريمه يعني 4 شرحات )
للزينه :
شوكولاته مره
الطريقه}
نقطع الكيك قطع عشوائيه ونرصها أسفل كل وعاء
نضغطها بالاصبع ( عاد مو تفعصينها لين تموت , بالراحه ياقلبي , لأني زمان كنت أفعصها بكل جوارحي ماأدري ليه , فتصير تتعب بالأكل أنتبهي)
نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )
ايضاً نغمس بسكوت الأوريو ونرصه فوق بسكوت السمسم (يستحمل الحليب حبتين ماراح ينخنق) <==== مسكين مو راضي يشرب الحليب لول
نخلط مقاديرصوص الشوكولاته بالخلاط الى ان يتجانس .
ياكتاكيت عارفين كلنا أن التويكس يابس , فأفضل طريقه أنك أول ماتبدين بالتحضير تخلطينه , وكل شوي دز دز دز ( مسموح التعذيب هنا ) ..
وأحرصي أن المكونات تكون على درجة حرارة الغرفه عشان لا تتعبين بالخلط ...
نصب الخليط فوق كل اناء حتى نغمره
نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى
و يقدم
وهذا تشيز كيك روعه
علبه بسكوت شاهي مطحون مع نص اصبع زبده وملعقتين قشطه او قيمر وتعجنينهم مع بعض
وترصينهم في الصينيه
هنا لما رصيتهم
الطبقه الثانيه
في الخلاط كاس صغير سكر كاس صغير حليب بودره علبه زبادي علبه جبن كيري ام 8حبات
ملعقه جلاتين متوسطه (بدون نكهه) تذوب في ربع كاس ماء ساخن وتضاف لهم وتدخل للثلاجه لتجمد وهنا لما صبيت الخليط
على فكره انا ضاعفت الكميه مرتين علشان الطبقه تكون عريضه احلى
بعد ماتجمد نضع عليها حشوه الفطاير الحلوه اللي بعلب توت او فراوله انا حطيت توت
ونرجع ندخلها الثلاجه تبرد
وهنا لما فكيت الصينيه
ماشاء الله ولاحول ولاقوه الابالله
وهنا لما قطعتها
وهنا قطعه لكم لاحلى بنات
لاتنسوني من صالح دعائكم
ملاحظه اسمح بتطبيقه هنا او في منتدى اخر لكن لااسمح بنقل صوري لمنتدى اخر
السموحه من صاحبة الموضوع لانو نقلته وانا حبيت اعطيها هالطريقه لانها سهله وروعه
طبعا هذي سلطه
طريقتها
يقطع بصل اخضر وبقدونس وكزبره خضراءوشبت وخس وملفوف احمر وابيض
وخيار وطماطم
مخلل خيار وحمص حب وذره وزيتون اخضر واسود وفاصوليا حمراء
بس ماعندي فاصوليا حمراء ولا حطيتها
تخلط جميع المقادير مع بعض والتقطيع يصير كبير شوى ثو تصب عليه الصلصا
مكونات الصلصا ء
متبل فرنسي
صلصة بيرنز
صلصه بلسمك
صلصة ايطالية خفيفة
عصير لليمون
سماق
وهذي صور الصلصات
يؤخذ منهم على شوى على حسب كمية السلطة ويخط مع بعض ويصب على السلطة وتقدم
طبعا كلها منقوله
اتمنى افدتك
وان شاء الله البنات يساعدونك

ياقلبي انتي تسلمين الحلويات مرره حلووه ..
لكن السلطه اغلب اغراضها ماتوقع موجوده عندنا او ماعرف اسمائها هنا ..
...مشكوره يالغلا ماقصرتي ..

ولا يهمك هذي سلطات
ان شاء الله تكون مكوناتها عندك
سلطة الخس بالتونه
المقادير
الخس
طماطم
بطاطس مسلوقة ومقطعة مكعبات
تونة
خبز مكعبات مقلي في الزيت
بصل اخضر مقطع صغير
بقدونس للتزيين
ملح وزيت وخل
الطريقة
نمزج المقادير مع بعض ونزينها بابقدونس مفروم
سلطة سيزر
المقادير
خيار دوائر
فجل
جزر محكوك
طماطم دوائر
بطاطس مسلوقة دوائر
افوكا
تون
بيض مسلوق
تونة
صلصة مكونة من فصين ثوم مفروم مع ملعقتين زيت وخل وملح
الطريقة
نضع كل المقادير طبقات ونصب عليها صلصة المكونة من ثوم مدقوق وزيت وخل وملح وبالصحة
سلطة المكرونة بالموزاريلا فرش
المقادير
مكرونة مسلوقة في ماء مملح
نصف افوكا
فجل مقطع
طماطم صغيرة
زيتون اسود
مزاريلا فرش او جبن ابيض
رشة زعتر ناشف
خل وزيت وملح
الطريقة
نمزج الجميع مع بعض الا الزعتر والجبن ثم نزين بالجبن ونرش السلطة بالزعتر وبالصحة والراحة
سلطة الماشروم
المقادير
خس
ماشروم
طماطم
الصلصة مكونة من عصير ليمونتين وبقدونس مفروم وملح وابزار ورشة صلصة صويا وفص ثوم مفروم
الطريقة
نضع الخس مقطع وفوقه الماشروم مقطع ونزين بالطماطم ونصب الصلصة فوق الكل وبالصحة والعافية
منقوله لعيونك

الله ييسر امورك

تسلمين بحورالغلا مشكوره ماتقصرين قلبو ..
هلا فيك ام عبدالله كان ودي بافكارك مشكوره عالمرور