تعالوا وشوفوا ريجيمي الخاص

السلام عليكم ورحمة الله وبركاته
كيفكم فراشات انشالله يارب طيبين ويارب توفق الجميع وتعطيهم اللي بالهم يارب امين << اخلصي ياطول المقدمه ههه
حبيت افيدكم برجيمي سويته قبل سنتين كنت مرة دبه ومتعقده من شكلي << لازم تعرفون وش صار لي قبل الرجيم ههه
كنت يابنات وزني 83 وطولي 161 يعني كنت بالمختصر المفيد فيل المهم كنت دايم اخذلي محشات وتعليقات من اخواني لدرجه كنت ابكي وحتى اللي يقربون لي انواع النظرات عند الاكل والحلى << بس ماينلامون كنت بصراحه اكل بشراهه والنحيفات منهم شايفات انفسهم علي كنت مرة مقهورة كنت ثالث ثانوي المهم وانا ماني من البنات اللي تحب الزواجات والطلعات << متعقده من شكلي >> وفهذاك الوقت اخوي خطب وزواجه قرب ولازم اطلع بشكل حلو خاصه اول طلعه لي وزوااج اخوي بعد وانا الكبيرة بعد << عندها امل تنخطب >> وقبل الزواج بشهرين بديت ريجيمي وكان وقتها دراسه لان زواج اخوي بالصيفيه والله يابنات وقسمن بالله اني نحفت 21 كيلو يعني من 83 الى62 فشهرين مريولي حق المدرسه وديته الخياط ثلاث مرات انقص فيه كان بالاول خيشه رز وش كبرها وصار كيس سكر الاسرة وبعدين صار مريول محترم ويوم جيت افصل الفستان ماكان عندي مقاس اوديه الخياط كلها كانت كبار ولاول مرة في حياتي البس مقاس لارج بدون اكسات << اشتريت فستان جاهز >>يافرحتك... وكل من شافني فزواج اخوي ماعرفني لدرجه وحده سلمت علي وقالت من انتي انا انبهرت وقلت لها فلانه ماصدقت مو معقول اش سويتي المهم ماأطول عليكم << بعد ايش بعد سردتي قصه حياتك ههه>>
الريجيم كالاتي :
الفطور كنت افطر فالمدرسه فطيرة جبن وعصير برتقال وقارورتين مويه ليش <<< لان المثل يقول افطر فطور ملك والله يابنات صدقوني وجبه الفطور اهم شي والريجيم فالغدا والعشاء
الغداء طبعا انتم عارفين الكبسه شي اساسي بالنسبه للسعوديين كنت بس اكل من صدر الدجاجه وسلطه واذا فيه برتقال او تفاح
العشاء ولا شي نامي بطنك فاضي بتلاحظين الفرق الصباح اول ماتقومين تحسين بطنك نازل وهاكذا طوال الشهرين << اوخص يالغه عربيه >> بس يبغاله عزيمه قويه واراده من حديد << بدت تتفلسف
مااخفيكم اني كنت احيانا اجيب العيد واكل بس اذا اكلت احرم نفسي وكنت دايم امشي بحوشنا والبسه حقتي تطالع فيني مستغربه ههه وبعد خليك حركه يعني لا تتكاسلين وكثري فشرب المويه والفواكه وشغل البيت هاذي حطي تحتها مليون خط عودي نفسك انك تتحركين وقومي واقعدي بس لاتشيلين اشياء ثقيله عشان ماتصير لك مشاكل ثانيه بس بنات للاسف بعد تعبي هاذا كله ما انخطبت الا مرة وحده وموزين يالله انشالله ربي يرزقني ويرزق كل البنات ويسعدهم
انشالله يارب اكون افدتكم وادعولي بالهدايه والصلاح والزواج
اختكم المصون نوفي