تعبت من الاستقرار

1. والحمدلله هذي السنه الاخيره نقلت معاه واستقرينا اخيرا


2. هذي مشكلتي الملخبطه حتى في طرحها بس اكيد انكم فهمتوني

السلام عليكم ورحمة الله وبركاته مشكلتي مشكله معقده
"لا كذا عاجب ولا كذا عاجب"
انا متزوجه وتوي كملت 3 سنين
بعد زواجي ب5 شهور تعين زوجي بمنطقه بعيده ونظرا لاني ادرس "الله يفكني من هالدراسه بسلام" ماسافرت مع زوجي وانحرمت من لحظات حلوه معاه الله يخليه لي
منها ولادتي كان معاي امي وابوي الله يخليهم لي وزوجي جاء ثاني يوم بعد ماولدت وكنت محتاجته جنبي
المهم يجيني بالاجازات والعطل الرسميه والحمدلله لانه مدرس واحيانا يزوغ ثلاثاء ابعاء خميس جمعه يرجع

والحمدلله هذي السنه الاخيره نقلت معاه واستقرينا اخيرا

بس المشكله اني صرت اتوتر كثير يعني اول كان الشوق والبعد يخلينا نتجاهل الامور الي تزعل ومانزعل الحين صرت اتعب واحن للبعد شوي عشان أجدد الشوق واخفف التوتر والمشكله فيني ازعل من اي شي وزوجي حباب وطيب بس لازم تصير المشاكل الي اسمها "ملح الحياة الزوجية" وحبيبي مل من زعلي "معذور"
المهم
انا بمنطقه ماعندي احد اروح اقعد عنده يومين اهدا فيها واغير جو "على قولتهم"
الخلاصه: احس ماتعودت عالاستقرار مع اني كنت اطمح اليه ومازلت اذا تم نقل زوجي "ادعو لي انه ينقل"

هذي مشكلتي الملخبطه حتى في طرحها بس اكيد انكم فهمتوني

انا عندي اسبوعين استعداد "في الكليه قبل الاختبارات النهائيه يعطونا اسبوعين اجازه نذاكر فيها" قلت فرصه اسافر فيها لاهلي عشان نجدد الشوق والدلع والكلام الي تعرفونه ومنها اذاكر واتدفى عند اهلي "انا بمنطقه شديدة البروده"
ويراعون بنوتتي واتفرغ للمذاكر عشان افتك "ادعولي افتك"
الهم طفشتكم مافي مشكله امون عليكم صح؟؟؟
زوجي حبيبي قال لي لا تسافرين
والله راح افتقدك " وكلام ثاني سر "
اش اختار؟
والله فقدت القدره عالاختيار وبسافر الاربعاء لو قررت اسافر
مشتاقه لاهلي والاسباب الي فوق
واموت على زووجي ماودي اتركه
انتظر ارشاداتكم وتوجيهاتكم
وشكرا على صبركن