تعبت والله تعبت ماخليت دعء ولا صلاه ليل والنتيجه من سيء لي اسوا

1. السلام عليكم

السلام عليكم

حابه افضفض نفسيتي تعبانه خصوصا مع الحمال حتى زوجي مو مقدر نفسيتي وانا توني اليوم دخلت شهري وذبحني بقساوته تعبت والله انظلمت من ناس وايد من بدايه 2008 الى الان ما شفت يوم راحه وكل ما اتفاءل واقول السنه اليايه بتصير احسن القاها اسوا والله تعبت
مو خليه ذكر الله واصلي واقرا قران ومواظبه على الاستغفار والدعاء بس للاسف اموري تسوء احس كانه ربي مسكر البيبان بويهي ومايبي يستجيب لي والله بس بديت اياس ليش ادعي ومشاكلي تزيد تعبت تعبت
ليش زوجي قاسي وما يحس فيني
والله قبل شهرين تهاوشت مع زوجي ودخلت مستشفى الولاده بسبته سوى اجراءات الدخول ولا عبرني ووحده هنديه اجهاض وحاطينها على السرير بودونها العمليات وزوجها يواسيها ومبين مو مسلمين
امس قاعده اشوف برنامج عن عمليات بامريكا وحده بتسوي عمليه حق صدرها لانه كبير ومسبب لها الم برقبتها وظهرها وزوجها كل يوم يدلكها ويسوي لها مساج ويوم دشت غرفه العمليات يبجي يحاتيها
ياربي اشلون هالكفار مرتاحين بحياتهم وانا المسلمه مو مرتاحه ومتعذبه
واعرف حريم قلوبهم سوده واعرف حريم عاصيين ومو متحجبات ورياييلهم يادهينه لا تنكتين
والله الحين عندنا حزه قيام الليل بس متثاقله الصلاه احس ماكو فايده اييني شي داخلي يقول لي ماكو فايده ماكو عداله الهيه لي متى بتدعين ماكو فايده دعائج مو مستجاب
وساعات احس ودي اخون زوجي ودي اسمع كلام حلو ودي بواحد فحل يهتم فيني تعبت بس خايفه من ربي بس شسوي ؟لا دعاء فايد وكل البيبان مسكره بويههي ماكو دعاء مادعيت فيه حتى ربي احس ان ما يبي يسمعني ومسكر الابوب ا بويههي لمنو الجا ؟محد يرجمني بهالدنيا محد يعني انتحر وارتاح ولا شسوي
مليت مشاكل مع الزوج وبالدوام ومع الاهل كل البيبان مسكره بويههي
شنو هالدنيا ياربي ليش انخلقت ليش اه انا يوم امي كانت بتولدني كان الحبل السري ملتف حوالي رقبتي وكنت راح اموت ياريتني مت ولا اني اتعذب شالفايده من عيشتي كرهتها والله كرهتها
والله قاعده اكتب وانا منهاره وابجي ميته من البجي