تعبتي من شغل بيتك وماعندك وقت تعالي اعطيك الحل وبتجربتي

كيف حالكم فروشات
الله يعينا على شغل البيت
والطبخ والنفخ
المهم انا وحده شغلي مايخلص
احيانآ ازحم نفسي في يوم
واحيانآ امغط الشغل شهر
وتعبت من حالي كذا
اتعب واشتغل وماالحق على شي
فسبحان الله جاء لي فتره اقوم من النوم واشتغل
واخلص شغلي كله وبكل امانه
ويكون عندي وقت طويل
اشوف فيه نفسي
استغربت ايش تغير
لايكون زوجي يحط لي حبوب منشطه
والله جلست كم يوم افكر في نفسي
وايش غيرني
وانا ماحطيت جدول
ولا غيرت في نظام شغلي
وجاء ذاك اليوم
اكتشفت فيه السر العظيم
والله انه سر عظيم بس احنا مانفهم
بعد مااكتشفت السر
قلت ببطل منه الليله
بسوي لنفسي اختبار
هل استمر بنفس النشاط
وتركته كم يوم
والله رجعت للكسل
والوقت الضايع بدون مااخلص شي
طبعآ الي انا اتكلم عنه
والله كنز عظيم وخير كثير
وماياخذ منك الا نص دقيقه قبل النوم
وانتي على فراشك
بس الي ابيه منكم تجربوها وردوا لي
وانا متأكده انكم بتشوفون الي شفته
قال عليه الصلاة والسلام لابنته فاطمة

• رضي الله عنها – لما أتته تسأله خادما

وشكت العمل فقال :
ألا أدلك على ما هو خير لكِ من خادم ؟
تسبحين ثلاثا وثلاثين ،
وتحمدين ثلاثا وثلاثين ،
وتكبرين أربعا وثلاثين حين تأخذين مضجعك . متفق عليه
اتحدى وحده تجربها
وتقول ماشفت النتيجه
سبحان الله ولا اله الا الله
اللهم صل وسلم على سيدنا وحبيبنا محمد
(ماينطق عن الهوى ان هو الا وحي يوحى)
بليز ارفعوا الموضوع
وابي الكل يجرب ونرجع شوي لسنن الرسول