تعطير غرفة النوم

انا بعطيك المحاولات اللي اسويها بس ماعليك تضبط
انا ابخر غرفة النوم بالبخور اللي احبه واحط عليه كم نقطة زيت من اي نوع مثلا زهور الريف
تطلع ريحه جنان
وبالنسبة للمفارش في خلطات وعطور خاصة فيها وحلوة تبقى يومين تقربيا او اكثر تلاقيها
عند مبيعات البخور اغلب الاحيان بس في تقليد مايجلس 10دقايق (قويه)انتبهي
والله انا مجربتهم صراحه خيال
وعساي اكون افدتك
تحياتي

عزيزتي الدلوعه تستهلين الدلع أشكرك وبجرب وادعيلك

عزيزتي
انا بعطيك من تجاربي
ابخر الغرفة بالبخور وقبلها اول اضع طبق به قليل من المشموم وعليه بعض من قطرات اي عطر وتعالي شوفي الريحة تجنن وبقى لمدة يومين .. تحياتي

عيوني jalela تسلمين يالغاليه بس ياريت أعرف ايه هو المشموم ما أعرفه ومن فين
أشتريه ، والله يجعل حياتك معطره دوم0

المشموم هو الريحان
آسفه على اللقافه بس حبيت اساعد
انا ابخر واعطر غرفتي وافتح المكيف وتظل الريحه يومين

مرحبا اختي ,, عني انا ابخر الغرفة وأخلي طبعا المكيف شغال طول الوقت وأعطر الستاير والسجاد بعطر واايد حلو من عالم جنيد للعطور ( مادري اذا تعرفينة) عندة انواع حلوة للفرش,, اما اللحاف اذا تعرفين المبخرة الخشب الكبيرة أضع عليها اللحف واضع المدخن تحت بالعود او أي دخون عندج.. وبعد ما يبدا البخور يرتفه لين فوق أعطر و واخليه دقيقتين وبعدين أشيلة .. لان اذا خليتيه اكثر بتطلع الريحة مثل الشي المحروق.... ولعلمج انا يوميا اسوي هالطرقة ولما اروح بيت اهلي او اي مكان كمن يوم أرجع وأول ما اشغل السنترال تفوح الريحة الحلوة ,, ريلي دايمايقولي ان ريحة اللحاف وايد حلوة

تيب سوري على اللقافه الحين ادخل المحل اقول عطني عطورات مفارش؟؟
وش اسمائها

السلام عليكم خواتي
انا جربت بخور كشخه والعود بعد( اهو اسمه بخور كشه ) يجي بعليه اسطوانيه حمره مذهبه شكلها اصلا كشخه
بس البخور تحفه يخلي الغرفه واو عجب
جربيها وما بتندمين
ادعيلي اذا عجبتج وردي علي برايج

jalela
عزيزتي ممكن اعرف ما معنى مشموم
مع اي قطرات مثلا ويعطيك الف عافيه