تغليف الدبش

nelovernelover

13-11-2022 - 06:30 am

كيفكم ياعرايس
حابه اسألكم عن تغليف الدبش
وخاصة سجاجيد الصلاة حقت الضيوف .. ابغى شي غير الصندوق ... فيه فكره جديده غير الصناديق؟؟؟؟؟
وكمان الاغراض اللي عالتسريحه
انا نفسي تكون الاشياء جوات الادراج .. والميك اب ماني عارفه فين احطو .. وماابغى اغلفو
فعادي لوحطيتو في الشنط وفي الدرج على طول ولاكيف؟
وبحط انا شموع عالتسريحه مع بتلات ورد مناسبه لالوان الغرفه .. لكن ايش احط كمان عليها من ادوات الميك اب والاكسسوارات .. لانو كمان عجبتني العروسه اللي ينحط عليها اكسسوارات .. بس جلست افكر .. كيف احط اكسسوارات مكشوفه عالتسريحه؟؟؟ فكيف استفيد منها واحطها
ساعدوني بافكار جديده .. ولحد يعطيني الرابط حق موضوع ترتيب الدبش وتغليفو .. لانو مافي شي جديد وطفشت وانا اشوفو في المنتديات ... شي ممل

التعليقات (8)

ميمو..

13-11-2022 - 09:31 am

حبيبتي انا مره رحت مكان تخفيظات واواني ولقيت صندوق على شكل دولاب ينفتح وفيه تعاليق لاكسورات صراحه عجبني باشتريه ان شاءالله
الميك اب خليه بشنطته شنطة الماكياج المربعه عارفتها وغلفيها وخليها فوق التسريحه او حطيه بصندوق او علب حفظ وغلفيها وبالدرج السجادات ممكن تلفيها زي المناشف وتحطيها بسله مغلفه مع انه الصندوق حلو وفخامه وش المشكله ام بس

ميمو..

13-11-2022 - 10:32 am

حلوه فكرة الشموع على التسرحيه انا شريت كميه من سنتر بوينت وماني عارفه ايش اسوي فيها؟؟؟
مشكوره...

إقتصادية

13-11-2022 - 11:33 am

اب

nelovernelover

13-11-2022 - 12:34 pm

شكرا لكم
والشموع ياميمو حطياه بشكل مرتب وسط بتلات ورد مفرفطه .. ولاتحطي مفارش عالتسريحه اوالكومدينه .. بيطللع المنظر موكلاس اوفخم
بس الميك اب كيف احطو في الشنطه؟؟
موكلو ينحط في الشنطه .. زي الارواج والغلروسات والمناكير والله كتير ماينفع اشتري شنط عشان التغليف بس
؟؟

KiT KaT jeddah

13-11-2022 - 01:35 pm

nelovernelover
ana eshtareet lel glous estand

ميمو..

13-11-2022 - 02:36 pm

سوي الماكياج بشنطة الماكياج الكبيره انت ماشريت شنطة ماكياج ؟؟؟
الشنطة الكبيرة جمعي فيها الميك آب وغلفيها انا بسوي كذا عشان مابغى احد يشوف ماكياجي افضل..

غزاله بغابة سلطانه

13-11-2022 - 03:37 pm

من ناحية الميكياج مره لا تحطووه بالصندوق تبعو
يعني صح تشتري صندوق المكياج
وتحطي فيه مثلآ اعواد الأذن الجلي الأسبريه
قطن لتمسيح الميك اب ومزيل مناكير
وكريم لتمسيح المكياج وو في مناديل معطر لتمسيح المكياج
واذا عندك كريمات للعنايه باليدين والارجل
ووكريم الصباح والمساء و واقي الشمس
وفازيلين ونيفياا وجلسوليد
دي الاشياء تنحط بعلبة الميكياج
اما العطور بأنواعها من المركز والخفيف والعود
كلها تنحط بسله وتتغلف بطريقه حلوه
والميكياج برضوو نفس االشي تنحط بسله وتتغلف
واما الارواج والماساكرا والكحل والاشياء الي توقف
يبغالوو سله صغيره بحيث انو الاغراض تكون واقفه
ماتطيح ووتتغلف
وسجادة الضيوف بصراحه انا ااييد الصندوق
لأنو ملكي وفيه فخامه
بس لو ماتبغي دي الفكره
مثلآ تقدري تطبقي السجاده
على شكل تورته كبيره
وتلفيه بشريط واحد من تحت لفوق
وتسوي فيونكه
يعتبر منظر حلوو للدبش
بس ها لآزم تجيبي صندوق
وبعدين لو رحتي بيتك لآزم
مكياجك يكون محطوط على التسريحه بشكل حلوو
مع الشموع
لسى البيت فاضي مافي بزوره
وادلعي من دحين
ومن ناحية العرايس الي تنحط فيها اكسسوار
ايوه مره حلوه
حطي سلاسلك عليها
وجيبي علب للخواتم والاساور
وانا اشتريت من كليرز
تحفه على شكل برج ايفل ودا مخصص للحلق تبع الأذن
واختي اشترت من كليرز شكل دائري
برضو يتحط فيه حلق الاذن
وفي ببدون اسم شكل كرسي
مره شيك على التسريحه ويتحط فيه الخواتم
واذا تبغي طقم كامل للتسريحه
من علبة مناديل وزباله وانتي بكرامه
وصندوق ووعلب للمساكرا والاشياء الي توقف
وو مشط وو علبه خاصه للعنايه بالاظافير
تحصليه بسنتر بوينت
ولكل غرض سعر ميعين
يعني مو شرط تشتري كلوو
يعني لو 4 طقوم بس
اتمنى افدتك
كل الود

nelovernelover

13-11-2022 - 05:39 pm

شكرا لكم

خطيبي بيجي ومو عارفه وش اسوى←
استراحة نفرتيتي بجدة→