تغيرت حياتي من حب الى هم

1. بس تكفون بنات اللي مايعجبها تطلع بدون تجريح وكلام ماله داعي


2. الله يخليكم اللي فيني مكفيني

السلام عليكم ورحمه الله وبركاته
كيفكم يافراشات
بنات انا راح اكتب لكم قصتي واتمنى تساعدوني بعد الله سبحانه
لاني تعبت حيل وماعاد فيني اتحمل تكفون ساعدوني انصحوني وجهوني
هذا اللي ابيه منكم وربي اني اكتب لكم قصتي ودموعي على الكيبورد من الحزن والهم

بس تكفون بنات اللي مايعجبها تطلع بدون تجريح وكلام ماله داعي

الله يخليكم اللي فيني مكفيني

انا عايشه مع امي ولي 2خوات واخو اصغر مني ب3 سنين ابوي مطلق امي طبعا ومااشوفه الى من سنه لسنه تمر الاعياد والمناسبات مااشوفه كبرنا على هالحال وامي هي كل شيء لنا الام والاب كل شي وفرت لنا كل شيء ودرستنا واشتغلت عشان توفر لنا كل شيء ولانحتاج لااحد الله يوفقها ويخليها لنا المهم صار عمري 15 رحت لااهل ابوي وشافوني انصدموا لانهم ماتوقعو اني بالجمال هذا طبعا خواتي من ابوي صارت الغيره بينا وانا وربي على نياتي فرحانه فيهم قعدت عندهم اسبوع شافني واحد من اصدقاء اخوي من المجلس انا كنت بالحوش طبعا انا ماانتبهت له سال اهله عني وعرف اني بنت ابوي من وحده مطلقه اللي هي امي بعد مارحت لاامي دق ابوي علينا وقال فيه واحد متقدم لبنتك امي رفضت قالت صغيره قال ابوي انا عطيتهم كلمه قعدت امي تبكي واناحطيت سجادتي وقعدت اطلب ربي والحمد الله جاء وتملكنا وتم امور الزواج طبعا مهر اخذه ابوي ماشفت الى 10000 ريال ومع ذالك امي سكتت وقالت اللي تبينه ماراح اقصر عنك فيه شرت لي كل اللي نفسي فيه وصار ليله الزواج تكشخت وامي مسويه لي كوشه وتصوير كانت لي مفاجاءه وربي من فرحتي قعدت ابكي وانحاس المكياج وامي تهاوشني يابنت خلاص لو داريه ماسويت شي ياحبي لها المهم دخل العريس وصورناوبعدها رحنا للفندق وكان فرحان مره وانا ارتحت له حسيت انه طيب
حبينا بعض وتعلقنا ببعض حيل صار لي الاب والزوج حسيت انه صار كل شيءبالنسبه لي كل شيءووعدني انه يعوضني عن كل شيءوفعلا ماقصر عني بشيء والله لواتكلم لكم عنه ماكفتني صفحات المنتدى كله صارت ايامي كلها عسل بعسل نسيت العالم معاه الناس ماعندهم سيره الى انا وزوجي وين رحنا وين جينا للاسف كنت ناسيه اذكاري صحيح اني الحمدالله محافظه على صلاتي بس الاذكار والاغاني كانت بحياتي للاسف >>وهذي بدايه للدخول الشيطان بينا
بعد مرور5شهور من زواجي لاحظت تغيير على زوجي صار ينام بالصاله يعصب بسرعه
وكل دقيقه يدخن قررت اروح لااهلي عشان يشتاق لي رحت لااهلي وكل شوي يدق علي ويقولي مشتاقلك رجعت معاه واول ليله كنا مبسوطين وثاني يوم لا تغير صار مو زوجي صار انسان ثاني مد ايده علي وضربني لااول مره شنو السبب طبعا مافيه
وبعدها اعتذر مني وقعدت ابكي لاني ماتوقعت منه يسوي كذاتخيلو راح يكوي يده بالنارعشانه مدايده علي يحبني بمعنى الكلمه بس احيانا يتضايق ويطلع من البيت او يدخن تخيلو نسافر احيانا واذا جاء اخر الليل صار يبكي يقول حاس بضيقه عجيبه
رحت لااهلي زياره وصار يدق علي يبكي يقول تعالي تعبان صارت تصرفاته غريبه
شكيت لاامي حالته قالت اقريء قران ببيتك وصار يتضايق من القران ويبكي مثل الاطفال والله يابنات اني اضمه كنه طفل مو رجال تغيرت حالته ونحف اخذنا شهر على هالحاله مو راضي يروح يقراء وماينام معاي طلع مره ومارجع الى اخر الليل قال يابنت الناس انا احبك وحبك هو السبب الى انا فيه مابيك تتعبين اكثر معاي تراك طالق قلت لا تكفى لا الله يخليك صار يبكي وطلع من البيت مثل المجنون طلعت للشارع الحقه خفت عليه وربي اني لاعبايه ولاشيء واناديه
ركب سيارته وراح دقيت على اخوي وجاء اخذني قعدنا 3 ايام بالبيت ننتظره يرجع بس مارجع رحنا بيت اهلي وبعد كم يوم وصلتني ورقه طلاقي قلت الحمد الله على كل حال التزمت وتغيرت حياتي بس عجزت انساه بعد 3شهور جاء يرجعني ورفض ابوي
دق علي قال تكفين ارجعي لي انا مااقدر اعيش من غيرك قلت ليش تطلقني وانت تبيني قال انا تعبان واللحين الحمد الله تعالجت وتحسنت شوي قلت اسفه مااقدر ارجع لك طلقتني هالمره مااضمن انك تطلقني مره ثانيه سكرت وانا اتقطع وميته قهر مرت الايام والشهور وكتب لي الله نصيب مع واحد غيره وتزوجت عجزت اتقبله حاولت بس مو قادره احب غيره رزقني الله بولد وحياتنا شبه منفصله سمعت بخبر زواج طليقي
ماعاد فيني كرهت كل شيء صرت ابكي وزوجي يدري اني عشانه تخيلو يوم زواجه دق عليالساعه 2 يبكي يقول ليش تتزوجين غيري انا مابي غيرك من الحريم حاولت اهديه بس ماقدرت قفلت الجوال لاني على ذمه رجال ومايجوز اكلمه ارسلي بعدها بيومين ترى طلقت زوجتي لان مكانك محد يجي فيه تغيرت حياتي مع زوجي صرت ابكي وهو صار يمد ايده علي وحملت بالثاني وزاد تعبي تعب صرت اصحى على دمعه وانام على دموع لاحد يقول انتي ضلمتي زوجك وربي ياناس اني حاولت بس عجزت ماقصرت معاه بشي الى شيء واحدالحب وهذا شيء من الله سبحانه صارت مشكله بيني وبينه وضربني لين اغمى علي ودخلونيالمستشفى طليقي عرف بالموضوع وراح له ببيته وضربه
صاريرسل لي هدايارجعت لبيت اهلي وطلبت الطلاق ورفض زوجي يقول لوتموتين ماتتهنين بحياتك وماترجعين له قالت امي حرام عليك قال مو حب ترى حسد لجأت لربي ووكلت امري له وبعد اربع سنين تم خلعي له مقابل اني اذا تزوجت ياخذعيالي مني وافقت لاني ادري انه مايبيهم ولاحتى سال عنهم ولايعرف اشكالهم طليقي صار يجي يزور عيالي ويجيب لهم هدايا صارو يسمونه بابا واول ماتطلقت راح يخطبني من اهلي رفض ابوي تدرون ليش لان زوجي قبل يطلقني شوه سمعته عند ابوي وحلف ابوي يمين انه ماعاد ياخذني انا اللحين عند امي وعيالي معاي
وطليقي يكلمني كل يوم ويبكي ياناس شسوي حاولنا مع ابوي بس رافض
وحالف يمين ياناس مابي احد غيره وهو بعد يقولي بقعد انتظرك لين يدفنوني
تخيلو صار عليه حادث ودخل العنايه ماينادي الى انا اسبوعين كاملات وهو ماينطق الى اسمي كل شي سويته عشان ارجع له حتى المشايخ كلمتهم ينصحون ابوي بس ماعاد فيه امل
انصحوني شسوي فهموني تكفون لاتخلوني انا تعبت من هالحاله
احتسبو الاجر من الله الله يخليكم