تفضلوا حياكم الله ضيافتي لكم عشاء نجدي صميم

1. السلام عليكم ورحمة الله وبركاته حياكم الله


2. . .


3. في البدايه يمرحبا


4. . .


5. القرصان عشق اهل الرياض والدرعيه --

السلام عليكم ورحمة الله وبركاته حياكم الله

. .

منطقة العارض أحد أهم المعالم الجغرافية في السعوديه وهي قلب إقليم اليمامة التاريخي وإقليم نجد. وهو قمة جبل طويق الذي يمتد من القصيم شمالا الى وادي الدواسر جنوبا --- وفيه معظم حواضر منطقة نجد ونطلق على منطقة العارض التي تشمل الرياض ومنفوحه و الدرعية وعرقه و ضرماء والمزاحميه والعيينة وهو ربما أقدم المواطن المعمورة في نجد
وحاضرة بلاد العارض وزهرة المدائن كلها هي بلادي وعشقي الرياض (الله يحفظها ويعز ساكنها بطاعته ويعمر أرجائها وأحيائها بذكره عز وجل.....
والحين تفضلو على عشاء عارضي نجدي صميم ---صور من حفله في منزلي
اقمتها الى اهلى واحبابي وجمعتهم على عشاء حياكم الله شاركونا .

في البدايه يمرحبا

. .

هذي تسمى (صفحه) وهي اناء خشبي يوضع فيه العشاء (الان اصبح الرز قبل 60 سنه تقريبا كان العشاء عباره عن قرصان ويجمل بشرائح من القرع العارضي الاخضر المسلو ق وعلوب الحبحر (تسمية الفلفل الحار عندنا) وان شاء الله اعملكم في يوم عشاء قرصان بالقرع العارضي

القرصان عشق اهل الرياض والدرعيه --

والحرمه السنعه عندهم هي التي تجيد حوف القرصان --وهو خبز ناشف يسقى بمرقة اللحم والخضار
(معاني الكلمات: حرمه سنعه اي امراة ممتازه -----حوف اي تجيد الطبخ)واهم مايميز قرصان اهل الدرعيه هو كثرة البصل واهل الرياض يحبون الذرور الحار(البهارات التي ترش عليه مثل اللومي الاسود والفلفل الاسود المطحون ) والذوب (اي الزبده السائحه) ترش عليه مع البصل
. .
الجريش .
وهو عصيدة بيضاء من مجروش حب القمح واللبن
واهل الرياض بالذات يجملون الجريش بالزبده الذوب وعلوب الحبحر الحمر فقط -وبلاد العارض الاخرى يجملون بالبصل المحموس وهنا جمعت الطريقتين- . .
شوربة الجريش ويوجد لدينا شوربه اخرى تسمى صلوله
عباره عن طحين بر مذاب في مرقة اللحم
ايدم القرع ويسمى ايدام البوبر
. .
وعند اهلي اهل الرياض عادات في الاكل ياناس ياحبي لهم ما هيب عند غيرهم
(ياناس مافيهم كبر ولازود)
كل هذا الاكل من بكره ما بقى منه شي تقاسمنا البقيه كلها وكلن خذا معه للبيت شوي
نعشق ونحب الغبيب (ماتبقى من الاكل ويؤكل من بكره وخصوصا --غبيب القرصان --ياسلام عليه ) وسخر الله لنا ها الثلاجات والافران الحديثه بعد والحمد الله
لاولعلمكم احب اكله عندنا (القراره )وهي ما يتبقى في قدر الطبخ ويلصق في قدر الطبخ )وخاصة قرارة قدر الجريش
الشاطر اللي يحك قدر الجريش ويأكل القرار .
هذا وصلو على صفوة الباري ورحمته وخير خلق الله من عرب ومن نسمي