تفضلوا حياكم كيكه بسس غير

1. ثم لاستوت من فوق طلعيها بتكون زي كذا

سلالالالالالالالالالام يا احلى فراشات بالدونيا كيفكم اول مره اسير فيذا القسم
المهم هذي تورته او كيكه سموها اللي تسمونه والله انه جات من مخي قعدت ابربس بس قسم وخالقي طلعت شي جنان مناسبه هالطبخه كنت مسويه حفله لبنت اختي مهاوي يالبى عوينتها هي وشويشتها خ المهم قلت خلي اجرب اسوي تورته بدل هالمحلات اللي نشتريها منهم والله لاطعم ولا زعم "على الوزن ههه وسويتها وذاك اليوم كنت مشغوله ولا ذقتها يوم عاد راحو المعازيم قالت اختي قسم ياتورتك انها شي احلى من الجاهز قلت بالله قالت قسم وبعدها كل عصريه لازم اسويها"بدويه وطاحت في شي خ
وعلشانكم غالين بعلمكم بطريقتها اول شي يا طويلات الاعمار خذي لك صينيه زجاج وسط وادهنيه بشوي زين وعلى الجوانب ثم حطي في الخلاط 1 زبادي وفي نفس علبه الزبادي حطي زيت وبعد في نفس علبه الزبادي حطي سكر خشن و2 بيضه وشوي فانيلا عشان ريحه البيض و1 ملعقه طعام بكنج بودر و3 ملاعق حليب نيدو كم صارت ؟؟صارت7 اشياء ركزي معي "مسويه فيه اكشن
ثم اخذي لك قدر صغير او اي ماعون"اخس ياللهجه خ وحطي فيه دقيق كويتي في نفس علبه الزبادي امليها مرتين طحين ثم اخذي اللي خلطتي بالخلاط وحطيه على الدقيق واخلطيها بالملعقه مع بعض حتى يتجانس "نفسي اكتبها خ المهم بعدين صبيها في صينتك اللي قد دهنيتها قبل ثم دخليه الفرن ولعيه بس من تحت انا ما اتعامل الا مع الفرن الكهربائي مريح ولاشفيتها انتفتحت واستوت من تحت شغليها من فوق وحاذري تفتحين الفرن علشان ما تنفش "قسم مدري وشلون افهمكم بس هذا كلامي

ثم لاستوت من فوق طلعيها بتكون زي كذا

ثم اخذي لك 4اكياس دريم ويب وقشطه وجبن كيري واخليطهم مع بعض بس قسم ما يضبط معي نفسي يكون لون الخلطه ابيض وثقيل بنات تكفون اللي تعرف طريقه الكريما الثقليه تعلمني حتى لاحطيتها بالقمع وابي ازين تصير سايله تكفون بنات كيف الطريقه ابيها بيضاء وثقليه
واخذي لك كرتون بسكوت رنقو اللي ب10 ريال مو بس حبه وكسريه زي كذا
ثم حطيها عليها بنات ان ما ابيه كذا ابي لونها ابيض "ياليت فهمتو وش اقصد
وهذي صينيتن وحده لي انا وخواتي المهابيل اللي حتى الطبخه ما يعرفون له "انقلبت على خواتها خ
والثانيه لام مهاوي خيتو تبي تقهوي حرمه اليوم وقالت سوي لي قلت ابشري
يا محلا الفنجال مع سيحة البال
في مجلس ما فيه نفس ثقيله
هذا ولد عم وهذ ولد خال
وهذا رفيق ما لقينا مثيله
لابد من قصيده لشيخنا خ وهذا فنجالي
تصوير من زوايه اخرى لكيكه ام مهاوي
وختامها مسك مع هالمفطح قبل يومين كان عندنا عشاء رجاجيل تويس صغير طبخته بالبيت مع جريشه وسلطه وجلي وكريما وهذا عشاي انفع شيف والالالالالالالالالالالا
ومع السلالالالالالالالام عليكم