تكاثفوا يا معشر الدباديب وبليز ساعدوني

1. اخواتي الدبدوبات <<<<<<< وحده منهم صباح الخير


2. اسمه


3. ريدا اكت

السلام عليكم ورحمة الله وبركاته

اخواتي الدبدوبات <<<<<<< وحده منهم صباح الخير

بقولكم قصتي من طأطأ للسلام عليكم يعني بالمختصر المفيد نويت افضفض دايتياًَ
اول شي كنت 77 كيلو وبعدين قررت اعمل دايت لأن وضعي كان مخزي خ وبعدين مره رحت اشتري حزام ذهبي وفضي كانوا طالعين موديل هذيك الأيام طبعا كان قياسي 36 بالراحه لأني كمان كنت البس عريض يعني تقدري تقولي بيبي شوال خ المهم البنت اللي في المحل حزنت علينا كنت انا واختي والحزام ماينفع اللا لو عملناله وصله يعني حزامين مع بعض المهم قالت البنت انها كانت دبدوبه وبعدين نحفت قلنالها كيف؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
تتوقعوا ايش قالت؟؟
اقول؟؟؟؟؟؟
طيب بقول
نحفت من
دوا

اسمه

ريدا اكت

المهم انا واختي ماصدقنا وقعدنا نسأل ونستفسر نسأل ونستفسر لما جننا البنت وقالت انها اخذتالريداكت السوري اللي هو تقليد للريداكتيل الامريكي وانه ممنوع يدخل الأردن لأنه بيعطل على بيع الامريكي طبعا تخيلوا سعر الامريكي 70 دينار وسعر السوري مايعادل بس 5 دنانير المهم انا واختي احترنا كيف رح نجيب الريداكت ومانعرف احد بسوريا ممكن يرسلنا احترنا واحتار امرنا والله ماكذبنا خبر كان عيد رمضان باقيله خمس ايام قلنا لماما نبي نروح نشتري ثياب العيد والحلويات من سوريا وتحمسنا وجهزنا الشنط وزيو على سوريا اه لو تشوفوا شعوري اول ما مسكت علبة الريداكت خ مثل الام اللي مضيعه ولدها ولاقته المهم اخذنا اللي الله يقدرنا عليه ورجعنا وابتدا المشوار
اولها بدينا بالعشره جرام اللي هي جرعه خفيفه خلصنا اول باكيت بصراحه انا حسيت بمفعوله من ثالث يوم بس كنت اعصب لأن انسدت نفسي عن الاكل بعد ماكنت اكل بشراهه بدون حساب صرت اعصب من اي شي وكئيبه وابكي علفاضي والمليان بس بعدين يعني بعد اسبوع بديت اتعود على الوضع واعصابي هدأت ومعدتي صغرت صار اكلي خفيف المهم خلصت العشره جرام بدأت بعلبة ال15 جرام اكل اي شي يخطر ببالي بس كميات قليله لأن الريداكت يعطل الاشارات اللي من الدماغ للمعده ويقولها انها تقولنا اننا مو جوعانين والمعده اتعودة علكميه القليله وهذا كله وانا ماالعب رياضه لأنه مافيني حيل مااكل وكمان العب كنت احس اني بموت المهم بدا جسمي يبان له ملامح بعد ماكنت مثل البطيخه الصدر مع البطن متواصلين دون انقطاع وماكان فيه خصر اصلا كني تيوب سباحه المهم استمريت شهرين اللا شوي ميه ميه وبعدين خلص من عندي الريداكت صرت اكل مثل الوحوش بدون وعي اول مااقوم عن الاكل اجوع واقول لالا معليش من الدوره لأنها يوم بتيجيني اكل كثير المهم معدتي فتحت اكثر من اول وصرت اكل بوحشيه وصرت ادور علىالريداكت مثل المجنونه وصيت صديقتي ترسل لي مع اي احد رايح او جاي وفعلا جبت باكيتين
حسيت بنفسي كيف كنت اول مره وعلى فكره نسيت اقلكم اني كنت وانا استخدم الريداكت كثير احيان تيجيني حاله وهي اني احس جسمي كله يعرق فجأه وغثيان عزكم الله ورجفه بجسمي كله مع برود وثقل بجسمي واطيح على السرير بدون حركه ماما بالقوه تخليني اشرب شي حلو او قهوه حلوه او اكل شي وبكميه زياده اشوي وشوكلاته يعني سكريات اصحصح بس ثاني يوم بالقوه اشيل جسمي وبعدين عادي ومن غبائي ارجع اواصل واخذ منه مره ثانيه يمر اسبوع وتصيبني نفس الحاله فصرت اخفف منه يعني اخذ حبه يوم وثلاث ايام لأ وهكذا لما قدرت اوقفه والوضع يعني شبه عادي مو سئ بس طبعا زاد وزني لأني نزلت وزني بسرعه فطبيعي اني ازيد بسرعه بس ماكنت العب رياضه فضلت اماكن الدهون مفتوحه ومستنيه دهون جديده تمليها هو زاد وزني بس طبعا مو مثل قبل الحين مقبول مو سئ بس مو مثل ماانا اتمنى يعني طولي 168 ووزني 69
الحين قررت اني العب رياضه اشتريت جهاز للمشي حطيته بغرفتي عشان كل مااشوفه اتذكر الدبدبه بس كل يوم اقول بكره بلعب بعده بلعب محتاجه 7 كيلو للوزن المثالي ومو عارفه كيف رح انزل السبعه كيلو فاقترحت ان لو فيه وحده منكم وضعها مثل وضعي وحابه نبدأ مع بعض ونشجع بعض انا ماعندي مشكله وان شاء الله نقدر نوصل للوزن المطلوب مع بعض
موضوعي طويل وتعبت وانا اكتب يللا همتكم بالردود يا دبدوباتي الاعزاء وشجعوني الله يخليكم لأني اروح للمحل اشتري بنطلون اتعقد كل البنطلونات لو ويست وانا مو لاقيه على سايزي ومالاقي اللا بطلوع الروح بالذات ان البنات بالأردن اغلبهم بيبي سايز وسنافر يعني انا بالنسبه لهم عملاقه ثاعدو وني
سلام