تكفون بنات الدمام والخبر ابي مشغل ضروري

tamtam

22-04-2022 - 03:53 am

السلام عليكم ورحمة الله وبركاته ,,,,,,, كيف حالكم يافراشات وش الاخبار اليوم طالبتكم يابنات الدمام والخبر ابي مشغل ملكة اخوي ثالث يوم العيد واهل العروس من الكويت وبيجون عندنا فالدمام علشان حفلة الملكه وطلبت مني خطيبة اخوي اشوف لها مشغل يكون ثقه مثل مستوى مشاغلهم هناك فالكويت وانا بصراحه ما اعرف مشاغل فياليت الي عندها خلفيه في المشاغل الله يخليها ترد على تقول لي عن العنوان والاسعار كيف لاني والله ثم والله محتاره لانهم اتكلوا على فالله يجزيها كل خير ويحقق امانيها الي تساعدني ودمتم سالمين

التعليقات (9)

my hirt

22-04-2022 - 06:44 am

اكيد فراشات الدمام ما بيقصرو معاكي

مغرمة مكياج

22-04-2022 - 07:45 am

اختى عندكم بالدمام مشغل اللمسة الأخيره أشهر من نار على علم ومكياجهم خطيرمره

تاج محل

22-04-2022 - 08:46 am

في الخبر دنيا المرأه عندك مدام لينا اللبنانيه مكياج.. مدام سحر المصريه أو مدام نهاد المغربيه شعر..
في الدمام منال الكيال شغل خاص اذا تبين رقمها راسليني عالخاص شغلها مره روعه وتعاملها ذوق..

Beauty Princess

22-04-2022 - 09:47 am

اختى ما انصحك باللمسه الاخيره وخاصه بمكياج العرايس
لان اللي يعلمون المكياج بغرفه العرايس شغلهم مو حلو
والوحده تسوي مكياج وبيدها تلفون تحكي بمشاكلها
وبالاخير تقومين تشوفين المكياج ودك تغسلينه
انا جربتهم بملكتي بصراحه لو مصلحه نفسي احسن لي
اختي انصحك اشرطي البروفا قبل
لاي مشغل تبينه علشان لا تتوهقون
شوفي
شعاع وساس بالخبر

مركز تالين

22-04-2022 - 10:48 am

عزيزتي معاك خبيرة التجميل وصاحبة مركز تالين
لدينا تجهيز خارجي للعرائس في الصالات وطبعا لو حابه تجي المركز بتكون في رعايتنا وصدقيني أنها راح يعجبها لأني أعرف مراكز الكويت وش يعجبهم وأنا رايحه عندهم كم مرة وعارفه ذوقهم وطبعا أنا متعلمه على يد أيمان السيد يعني عارفه ذوقهم ومركزنا موجود في القطيف
مع خالص شكري وتقديري

^_*فراشه منحاشه*_^

22-04-2022 - 11:49 am

هلا قلبي احنا بخير دامك بخير
شوفي ياحياتي من حكم خبرتي بالمشاغل انا انصحك بمشغل اشراقة العنود
في حي العنود واسعارهم مره حلوه فيه 150و200و250و300
يعني على حسب الطلب
والشعر عندهم وحده مصريه وربي روعه في التسريحات
إذا تبين رقمهم عطيني خبر عشان ارسله لك عالخاص
اتمنى اكون افدتك حبيبتي...

غزل الحجاز

22-04-2022 - 12:50 pm

والله ياقلبي كل اللي اعرفهم بالخبر بالدمام شفت وحده مسويه عند صبايا ومره عجبني لكن بالخبر عندك بلاتين وحده سعوديه تسوي مكياج وقليل كلمة روعه والشعر في صالون وعد بشارع البيبسي تطلعي شعرك يجنن تسريحات روعه اللي تسويلك لبنانيه بس والله شغل خطير

ganna2

22-04-2022 - 01:51 pm

و عندك فى الدمام مشغل ست الستات شغلهم حتو مرة عندهم المكياج بكل انواعة سواء خفيف لبنانى او خليجى حتى الكويتى كلة حلو مرة وعرايسهم تهبل المكياج عندهم ام هاشم مكياجها مرة رهيب وكمان امنة و اوريا والتسريحات عندك جولى وامل واوريا وكمان اسعارهم يمكن يكون اقل سعر فى المشاغل الراقية وانا احبة لانة بعد المكياج والتسريحة عندهم استديو للتصوير حلو جدا

تركيه2008

22-04-2022 - 02:52 pm

اختي ganna2ياعمري وين فيه مشغل ست الستات وهل انتي جربتيه ياريت الوصف والرقم
ويسسلمو0

مكياج روعه حق أهل الطائف←
مكياجي→