تكفون ساعدوني صبغت شعري وصار لونه بالجذور

مرحيا اختي ........ لا يضيق صدرك ولا شي
وانصحك ما تحنينه لأن الحنا بعد الصبغه يخلي لونه برتقالي فاتح ويمكن يخربه
واذا صبغتيه مره ثانيه اخاف يطيح شعرك وذيك الساعه مراح ينفعونك الناس
اذا شعرك تحسين انه عادي وتقدرين تتصرفين فيه بتسريحه او شي حلو
واذا كان شكله مره مره مو حلو انصحك تروحين كوفيرا خبيره وتستشيرينها....
دمتي بخير

مشكوره اختي على ردك ...
وجزاك الله خير
رفع من معنوياتي ردك ...

انا نفس راى سعودية 11

عزيزتي أنوار انا عندي الحل
إذا ما رحتي للكوفيره ...قولي لي وأنا أعلمك وش تسوين بالتفصيل الممل....
خليك واثقه دايما إن لكل مشكله حل
ولا يضيق صدرك على شعرك وإن شاء الله يكون أحلى شعر بالعيد

حبيبتي روحي لكوافير تصبغ لك الجذور فقط بنفس لون الشعر الباقي والشعر الباقي لاتقربينه عشان مايتلف
أنا الجذور كانت الصبغة نازله وسوتها لي الكوافير بنفس لون شعري والحين شعري حلو ولونه واحد مع إن لون شعري ماهو محدد يعني لون واحد لأنها خالطه الذهبي والثلجي مع شوي بني

ابشري يا أنوار بعلمك الطريقه...
أنا اخذت دورة تجميل ماكياج وشعر وعندي خلفية عن الصبغات واللي صار معاك شئ طبيعي لأن من أساسيات الصبغ ما تصبغين الجذور إلا بعد نصف ساعه من صبغ باقي الشعر لأنه شعر جديد ويبان فيه اللون بشكل اوضح من باقي الشعر...ما علينا اللي صار صار
بقولك الطريقة وأمانه أدعي لي الله يفرج همي وينولني اللي في بالي....يالله نبدأ:أولا: تروحين أقرب صيدليه وتشترين صبغة ويللا اللون (بني غامق) لون اللعلبه بني على عنابي وسعرها بحدود 10 ريال او 15ريال على حسب الصيدليه وتشترين أكسجين ويللا 6% ركزي معاي لا تأخذين أي تركيز ثاني.
ثانيا: إذا كان شعرك للكتف أو نص الظهر إنشاء الله تكفي علبة صبغة وعلبة أكسجين وإذا كان للخصر خذي علبتين صبغه وأكسجين.
ثالثا: إرجعي للبيت وإخلطي الصبغة والأكسجين زين وحطي فازلين على الجبهه والأذن وكل مكان قريب من الشعر.
رابعا: خلي أمك أو أختك توزع على كل شعرك وخليه مكشوف مو تغطينه
خامسا: شوفي الساعه إنتي اللي تحددين أقل شئ ربع ساعه إذا تبين تغمقين اللون بس ونص ساعه إذا تبين بني غامق وساعه بيطلع لك أسود.
سادسا: إنشاء الله ما اكون قصرت بشرحي وإنشاء اله فهمتي علي
عموما انا راح أشيك بعد الفطور وبشريني تراني أحاتي وأحب أفرح غيري وأفرج همهم وإنشاءالله نصير صديقات....يالله قدامي على الصيدليه ...سلملم

الله يفرج همك قولو امين يا الفجر اليتيم ودمتي محبه للخير والله يكثر من امثالك حلو الواحد يساعد الناس

مشكوره الفجر اليتيم ..
وجزاك الله كل الخير
الله ينولك اللي ببالك ويفرج همك ويقضي حاجتك
ويرقك الوج الصالح اذا كنتي مو متزوجه
واذا متزوجه يسخر لك زوجك ويروقك الذريه الصالحه ياارب العالمين
وانا اتشرف بصديقه مثلك تحب تعين وتعاون كثر الله من امثالك ...
لاكن بقولك الحمدلله ان اللون بدأ يخف احسن من اول ...
وفكرت بتسريحه وجربتها وبسويها للعيد ان شاء الله ...
انا مابغيت اخرب شعري بالصبغات مره ثانيه كقايه اني كنت فاردته ...
فخفت ان شعري يطيح مرره وحده ...
تصدقين بعد الصبغه راحت الحيويه عنه واللمعه ...
وانا اللحين حاطه فيه حمام كريم .... على الاقل ترد الحياه فيه ...
لو اصبغه مرره ثاانيه ايش بيصير فيه بيصير ليفه ...ههه
..
عالعموم كل عاام وانتوا بخير ..العيد بكرا..

انصحك لالالالالالالالالالالالالالالالالالالالالاتسوين شي اذا هو طلع في فرق
واذا انتى تبينه بنى حطي كافي مع ماء ساحن وخلي يفتر وحطي بشعرك واغسله بعد ساعه والكافي رحت مو شينه عادي وبتشفين كل يقوم يير لونه احسن وبس