تكفون يابنات الرياض لاتبخلون علي برايكم

gamar-15

09-03-2022 - 04:10 pm

السلام عليكم
كيفكم يااحلى فراشات عساكم بخير
اولا ابيكم تدعون لي ان الله يكمل فرحتي واتزوج
وثانيا ابي اخذ رايكم انا انخطبت وابي اسالكم
بالشوفه الشرعيه وش اسوي يعني البس والا اخلي عبايتي على واتحجب
والا اتكشخ واطق زيوني ؟؟؟
تكفون قولوا لي علشان مااتفشل قدامه..
وبسالكم يااهل الرياض القاعه تكون على منو اهل المعرس والا اهل العروس
وتكاليف الزواج؟؟
لاني انا مالي ساكنه الرياض الا 6 شهور ومااعرف...
والله يتمم علي بخير قلوا امين

التعليقات (8)

غلا بنت ابو غلا

09-03-2022 - 08:38 pm

الله يوفقك ان شاء الله
البسي شي ساتر جلابيه تنوره
ولازم شيله للراس
وحسب تقاليدكم
وبالنسبه للقاعه يعتمد على التقاليد
يعني قبيلتكم او جماعتكم اغلبهم كيف يسوون عرسهم
يمكن عليك ويمكن عليهم
واستشيروحده كبيره ومتزوجه وتساعدك بلبس الحلو
والله يسهل عليك واشوفك عروس

الامل2

09-03-2022 - 09:39 pm

انا عن نفسي دخلت علية و كنت لابسة تنورة وبلوزة كم طويل يعني بالعربي مستر بس بدون طرحة وشعري مفتوح بس وجهي على الطبيعة بدون ميك اب << الاخت معتمدة على اضائة البيت خ

رندوده143

09-03-2022 - 10:40 pm

البسي تنوره وبلوزه
وتكشخي ولاتبالغي بالميكياج ولو فيك ادخلي بطبيعتك او اكتفي بالحكل والمسكره لانها تعطي نظره
الله يتمم لك على خير
اما القاعه حسب اتفاق الاهل

منيرة_

09-03-2022 - 11:41 pm

البسي شي ساتر
يوم شوفة اختي الشرعيه
لبست تنوره سوداء وبلوزه زهر
وفكت شعرها (لازم يشوف شعرك ), وحطت ماسكار وكحل وبلاشر >>يعني دقي الزين
وبالنسبة للقاعه على اهل المعرس
والله يوفقك يرب ويسخره لك

الجوري"

10-03-2022 - 12:42 am

المهم لبس ساتر طويل وميك اب مو مبالغ فيه
يعني بسيط وشعرك مولازم تغطينه
واما القاعه حسب ماتعودتوا عليه بعايلتكم يعني بعضهم على العروس وبعضهم على المعرس واحيانا يتشاركون بتكاليف الزواج بس اسألوهم عادي
والله يتمم لك بخير يارب

gamar-15

10-03-2022 - 01:43 am

جزاكم الله الف خير وماقصرتوا يالغاليات
والله يقدرني واكون بخدمتكم يوم
احبكم حيل...

غلا بنت ابو غلا

10-03-2022 - 02:44 am

بنات الاصل لازم تغطي شعرها مو تفتحه وليه لو خليته المقدمه بس 00
لاتنسي هو اجنبي مو زوجها عشان تفتحه 00
والله يوفقك اختي 00

عروس بورطه

10-03-2022 - 03:45 am

8
8
صح لسانك ..
وغير كذا بتكبرين في عينه ..

بليز بنات مساعده ومفاجاءه←
ممكن مساعده انا فراشة جديدة→