تكفين مشطي شعري

مرحبا عروساتنا الحلوات شخباركم طيبين انشالله ... ربي يتمم لكم بخير امين ,,,
رغم مرور أكثر من شهر على هالسالفه الا اني أموت قهر كل ماتذكرتها واقعد اعيد السالفه بكل حماس وقهر من جديد كل مااحدجاب الطاري فقلت اعيدها عليكم يمكن تستفيدون ,,,
كان يوم زواج أختي بالخبر, حبينا انا والعروس واخواتي الثلاث نروح عند مين طبعا اقرب مشغل للقاعة واكثرهم معرفه عندنا , مشغل شعاع النسائي , ومايخفى عليكم يوم زواجي الكل نصحني ماروح لها لأنها مودي ومو دايم تتقن الزبونه بس انا رحت عندها وخليتهم ورا ظهري لأن زوجي يحب المكياج الهادي وهذا اللي يميز شعاع والشهادة لله طلعتني قمر وكان تعاملها نسبيا نايس ,هذا يوم ايش هذا يوم زواجي.. أما زواج اختي حجزنا طبعا قبل شهر ودفعنا عرابين , جا يوم العرس وكانوا الزباين كثار وكلنا واحنا طبعا جينا أول مافتح المركز كان تعامل الكوفيرات مره حلو نسبة لخبرتهم الطويله وخلصنا شعورنا والاساس وباقي الطامه الكبرى المكياج احنا كنا خمسه بنات وفي 30 وحده من عايله {ال....ي}انتظرنا وانتظرنا دورنا والوصيفة حقت شعاع ميته خوف منها وهي تحاول تدخلنا بين الجموع .. مادري ليش وعلى أي اساس جرت الأدوار ان كنا جينا كلنا بوقت واحد خواتي خلصوا وكانوا مستائين جدا منها وكانت اشكالهم مطفيه جدا ولا شيء يميزها ومادريت ليش .. طال الانتظار حتى 7 الليل زهقت وبنتي جننتني رحت للوصيفه وانا معصبه لأني أشوف العايله الفلانيه وتوابعهم يجون من الباب على غرفة المكياج على طول رحت لهاوما بقى الا أنا وقلت لها ماعلي منك تدخليني ,,عاد انا دخلت وطبعا شعاع ماتمكيج الا لحالهايعني مافي مساعدات وجنبي وحده وع كرسي المكياج وحده وثنتينهم بينهد الكرسي من تحتهم من رفعة الخشم والكبر{مادري شعليه}والسوالف المعهودة دائما عند شعاع ..احنا رحنا البلد الفلاني ..جينا من السفره.. شرينا الماركه .. دفعت مبلغ .. حضرنا حفل العايله .. وهات يامفوشر,,طبعا حاولت أكسر السخافة وسألت اللي جنبي بعد ماانخرسوا وسألتها انتي العروس ماشالله؟؟ جاوبتني وكانها شامه ريحة زفره {أعزكم الله}وزمرت علي :بنت عمها.. سكت عنها ,التفت قدام الا الأخت الماكييره تطالعني بنص عين وتنادي الوصيفه :يا فلانه جيبي الدفترولو ماالحياء كان لاحته علي من دون مبالغه ... دخلت الوصيفه وكانها طالبه بالثاني ابتدائي وماحلت الواجب وتنطق اللي جنبي وتشرشحها وبدون احترام وتقول: لوسمحتي المفروض اختي اللي برا تدخل احنا جايين مع بعض و...وبدت الوصيفه تسمع .... انا دخلت فلانه {أنا} عشان ما بقى غيرها من مجموعتها ولأن بنتها تصيح مره و.. والله يابنات حسيت حالي حشره ,,والله كنت برد عليها لكن ماادري ايش اللي سكتني أول مره انحط بموقف شحاذه رغم اللي دفعته طبعا المعزبه ماردت عليهاوالشرر يتطاير من عيونها ,,, لأني ثقلت عليها لكن فلوسي حلوة ماتقدر تردني بس تقدر تحتقرني,,وبدت تتكلم وتقول انا متى بخلص هالناس ومتى أقدر أحضر مايمديني ,, طبعا من حديثها مع الثنتين الراقيات عرفت انها معزومه لعرس الأكابر,,واتصلت بصديقتها اللي بالنهايه هي مكيجتني والمدام كملت اللمسات الأخيره وطلعت ها شبه مقبوله,أما أختي العروس خانت حيلي كأنها حطت مكياجها بالبيت حتى اضاءة ولمعه استخسرتهم في خيتي وشعرها حدث ولا حرج والحمدلله اني اختي هي جميله ومااحد انتبه كثير للوك تبعها,, سؤالي دام العالم مو قد الشغل والاسم والمسؤوليه ليش ياخذون فواتيراكبر من احتمالهم !!
تدخلين على هالمشاغل والله العالم بحالك هو عرس اختك بنتك قريبتك ,زوجك ينتظرك عيالك ...تدخلين بفلوسك ومبالغ مو شويه وتنصدمين بتعامل زي الزفت وكأنهم لقوك عند الباب بكشتك وانت تطرينهم {{{ تكفون مشطوا شعري}}} والله زوجي عصب تفرقع وهاوشني ليه ماطلعتي وخلي فلوسك بذمتها المشاغل على أفا من يشيل ,,والله كنت بسويها ولايهمني لومااختي اصرت على جلوسي,, الحمدلله راتب شهر مايجيبوه اصحاب المشاغل بشهرين ولله الحمد...وانا ماأعيب شخص صاحبتنا لا,, كلنا عيوب ولكني أعيب سلوك سيءفيها لابد من تقويمه الله يهديها,, يمكن تقولون اني مكبره السالفه ... يجوز.. لكن كرامتي تعورني ويكفي اختي الضحيه اللي قال لها زوجها .. بصراحه شكلك بالخطوبه أحلى من العرس ,,ياترى وين نفسيتها وقتها,,,وانا ما اقول لاتروحون ...لا روحوا بس روحي لها بمرسيدس أبيض وشنطة جلد تمساح وساعة تشوبارد أصليه أو رولكس بس أصليه ترا عندها كاشف وجزمه تكرمون جلد أصلي وفرو ثعلب ع الكتف ,,, ولا تنسين السوالف عن فرنسا والنروج وقتها أضمن لك أول الصف واللوك الأميزينغ ,,,
اللهم لا تجعل الدنيا أكبرهمنا ,, وأحسن خواتمنا واغفر ذنوبنا ولا تكلنا لأنفسنا طرفة أعين ياحنان يامنان,,, شكراا لوقتكم الذهب وهذا مجرد رأي خاص ,
والله يوفقكم ويتمم عليكم بالبركه حبيباتي.