تنظفين غرفتج أو شقتج بروحج تعالي سولفي معاي

أأأأأأأأأأأأأأأأأأه من التنظيف وهمه
أنا أنظف بيتي وأطبخ وأذاكر وأعتني بطفل كبير =زوجي، وطفل صغير الي هو ولدي
أنا أول مابدى بكل الشقه بعدين الحمامات تكرمون واخر شىء المطبخ
ولما أخلص أشوف ولدي شنو يبي تنظيف والا أكل
وبعدين أشغل الغساله وأقعد أكوي بنفس الوقت
وأذا خلصت اتسبح وأدور الفراش
طبعا بنص الشغل أقعد على النت ولا أشوف تلفزيون والا أرقص ههه
ماقدر أشتغل متواصله عمري ماسويتها

مشكورة قوت على ردج
أنا تقريبا نفسج خصوصا بنص التنظيق أقعد على النت ههه
انزين بنات و انتو بكرامة شلون تنظفون الحمام كل وحدة و طريقتها يالله تعالو قولي خل نستفيد

اه يالتنظيف لي قصص معه
بعدين انا عندي نظام الاولويات
الشي المهم
والنظافه اول باول..
يعن يماتتركي الشغل يتجمع
ماعادا الغسيل يوم مخصص بالاسبوع
وشكرا لك الموضوع

اه
تعبنى والله من التنظيف
وخصوصآ الان مع اختبارات ما انظف الشقه الى يوم الأربعاء
امى من دون الاختبارات فالتنظيف اول بأول بشكل متواصل

اه
تعبنى والله من التنظيف
وخصوصآ الان مع اختبارات ما انظف الشقه الى يوم الأربعاء
امى من دون الاختبارات فالتنظيف اول بأول بشكل متواصل

انا اشيل هم اذا برتب غرفتي خصوصا انها غرفه وفيها مستودع لانها ماشاء الله اكبر غرفه بالبيت خ
يعني مفارش الضيوف ومفارشنا عندي وملابسي الشتاء او الصيف كمان
ومكتبه فيها كتب واوراق اي احد بالبيت عنده اوراق يجيبها عندي
وهي كذا لاني ماانام ولا اجلس كثير فيها اوقات ازهق واخلي الشغاله تنظفها
بس صرت افقد اغراض لي سواء ملابس او مكياج واذا فتشت الشغاله احصلهم معها بس اسكت واقول اذا سافرت اخذهم بدون علمها <<< قالت قصة حياتها
بس والله مليت ودي انا ارتبها و تكون دايم مرتبه بس مدري كيف او منين ابدا احسها دايم فوضى وربي طفشتني

انا وزعت شغلات بالبيت بالاسبوع..
يوم للحمامات والمغاسل
ويوم لتنظيف وكنس البيت
ويوم للغسيل
ويوم للكوي
ويوم للمطبخ
فاكون مقسمه الاسبوع كله عشان ما امل وبنفس الوقت يكون كل شئ مرتب..

تحكون في سالفة التنظيف وانا منحاسه هالأيام ما عندي شغالات ...وحالتي مؤسفه ههه
بس ولو بيتي طلع أنظف من كان في شغاله وربي ....... أكتشفت انهم هم الي يحوسون بيتي ...
أما الحين أعتني بأطفالي الصغار ... 5 , 3 , و8 شهور ... ويالله لك الحمد والشكر عيالي وبيتي وأنا كلنا نلق نظافه وتعقيم ههه ...
لأني ماني موظفه ... أصحى معاهم للمدارس ... واستمر ما أنام ... الصباح ..أنظف المطبخ ..وأحط الطبخه على النار ...
بعدين ... أقعد اهتم في بنوتي الصغيره لحد ما تنام الظهر ... وبعدها ألم الغسيل من الغرف واحطه بالغساله ...
وارتب غرف عيالي وغرفتي ... واكنس البيت كله وأمسحه ...وتبقى علي الحمامات الله يكرمكم ....
أمسحهم في الديتول مرتين في اليوم لأن عيالي صغار وأخاف عليهم .... وبعد ما اعشيهم وانيمهم ... أغسل الحمامات بالصابون ...وألمعهم ..
وأروح أتسبح ...وأرجع للمطبخ ... أخليه زي الألماسه يلمع ههه ...وخلاص يصير بيتي رهيب
عاد بيني وبينكم أنا شاريه مناديل ديتول الرطبه .... وموزعه العلب في كل البيت ... وأي شي احسه توسخ امسحه فيها على طول ...حتى طاولة السفره أمسحها فيه .... حتى الأرض أو الكنب لو انكب شي استخدمهم ... لأني صعبه ادور بالممسحه طول اليوم ورى هالأطفال ... والله ألمع كل شي فيهم حتى الأبواب ...
وبك>ا بيتي يبقى نظيف طول اليوم وانا مرتاحه ...ومع عدم وجود الشغاله صعب اكوي كل الغسيل ...طبعااً أطلعه من النشافه ... واصفطه بالكيس ... وعلى المغسله يكونه ويرجعلي يا سلام آخر رتابه ...وبس اعلقه في الدواليب ...
ولا زلت بانتظار الشغاله ........ وآسفه لسرد قصة حياتي ههه

والله واطلعت عندكم سواليف ياربات البيوت
عن جد الله يعطيكم العافيه
تحياتي لكم