جاكي ضيف او ضيفه القهوه تقدمي معها تمر لكن الشاهي على كذا لاتفوتك السرعه

السلام عليكم ورحمة الله وبركاته
اتمنى الطريقه هذي ماتكون مكرره وسهله بالمره
المقادير
4 بيضات
نصف فنجان زيت
4 ملاعق كبيره حليب بودره
4ملاعق كبيره طحين ابيض
ملعقه صغيره فانيليا
نصف ملعقه كبيره باكنج بودر
تحتاجين معاها اي حشوه تحبين
راح اعطيكم الطريقه وتجاربي معها
الطريقه
نحط البيض في الخفاقه الخاصه بلخط الكيك مو البليندر اللي يسمى بالعاميه خلاط الطماطم لا
نخلي البيض يخفق لمدة لاتقل عن خمس دقائق لسر نجاح الخلطه عني انا اخلطها تقريبا 10 دقائق او اكثر وفترة الخفق اجهز الحشوه
طبعا بعد خفق البيض واثناء عمل الخلاط ما اسكره نهائي احط الزيت بعدها بدقيقه الحليب البودره وبعدها الطحين والفانيليا والباكنج بودر
نكون انتهينا من خلط المقادير
اصب الخليط طبعا هو شبيه بخليط الكيك يعني سائل
اما في صينيه وسط بحيث يكون سمك الخليط بسيط ماتكون سميكه نقدر نقول بسمك ربع الصينيه
او في الصينيه اللي تكون قوالب صغيره كل واحد وحسب ذوقه
انتهينا صبينا الخليط
نحط عليه قطع جبن سواء كيري او مثلثات او جبنه مالحه او حتى لبنه اي شي
بعدها نرش عليها زيتون سواء اسود او اخضر شرائح
وعليها جبن موزاريلا
واخر شي زعتر
وتدخل الفرن ساخن مسبقا لمدة 45 دقيقه زي الكيك بالضبط ولما تلاحضون بداية تحمر الوجه نعتبرها انتهت او بغمس سكين والتأكد خلو الخلطه من اي اثار عجين
وممكن اضافة بقدونس او فطر او ذره او حتى خضار او لحمه طبعا لازم تكون الخضار واللحمه مطبوخه مسباقاً
اتمنى طريقتي سهله وسريعه اعرف الشرح طويل بس علشان ما احيركم في اي شي تمنيت انزل الصوره لكن للاسف ماصورتها
لاتنسونا من الدعاء وخاصه لامي وابوي
واعطونا تنائجكم وتجاربكم
وبالهناء والعافيه