جباب الامارات المتميز روعه

1. الطريقه:

فراشات العزيزات عندي لكم طريقه الجباب هذا خبز محلى يتميزون فيه اهل الامارات بس بصراحه وايد لذيذ وخفيف على القلب
المقادير هي :
3/ك ماء دافئ +2/بيض +1/م ص خميره + 1/فنجان ماء ورد منقوع فيه زعفران + 1/فنجان قهوه سكر + 4/م ط حليب بودره +شوية ملح + تقريبا 2-3 كاسات طحين عادي مش رقم 1 مال الفطاير))

الطريقه:

حطي جميع المقادير في وعاء عميق للعجن ماعدا الطحين وخلطيه بخلاط الكيك جيدا حتى يتجانس ثم ضيفي الطحين بالتدريج حتى تحصب على السمك المطلوب يعني لا خفيف مره ولالالالالالالالالا ثقيل سهل السكب مثل عجينة البان كيك. وتركيها تخمر لمدة ساعه1 تقريبا ثم قومي بالخبز كالتالي :
نحضر التاوه مال البيض تيفال وندهنا شويه زيت وبالملعقه ناخذ من المقدار قليلا ونسكبه في التاوه وبشكل دائري وزعي الخليط على سطح التاوه بالكامل وبحركه سريعه حتى يغطي التاوه كلها وخليه على النار بتستوي عندج ثقوب على سطح العجينه هني بتعرفين ان من تحت نضجت اجلبي العجينه على وجهها وخليها تحمر وعقب ما تحمر حطيها في سحن التقديم وتدهن بالعسل او السمن البلدي او الجام والجبن على راحتكم بس حلاته اول باول اول ما تخلص الخبزه تقدم وهي حاره بس صراحه انا وايد احبه
بس عندي ملاحظه : حد من الناس يحب يوم يسويه يسويه الخبزه سميكه انا عني اشوف يوم تكون خفيفه الذ بوايد وانتو وذوقكم , وبعد ما تدهنين التاوه اول مره بزيت يكفي خلاص لا ترجعين مره ثانيه تدهنينها ما يحتاج التيفال ما يلصق . واي استفسار انا حاضره وما عليكم من هذرباني تراه شوفونه وايد لكن والله ان بسرعه يستوي وبسيط بالمره.
بنات اوصيكم تدعولي بحسن الخاتمه والزوج الصالح والذريه الصالحه آآآآآآآآآآآآآآآآآآآآمين