جرح زوجي كبف اداويه الله يرزقها الحج اللي ترد

متابعه الله يفرج همك

امي في هذي الاثناء وقبل ماترجع ام زوجي كلمت زوجي قالت احنا ما نقدر نتحمل الحرمه لانها كبيره في السن وتعبانه واذا صار لها شي احنا المسؤلين كلم امك ياتشيلها معاها او تخلي شغالتها معاها قال زوجي طيب لما يجو بكلم امي<< امه راعية مشاكل والكل يعرفها وما احد يقدر عليها حتى زوجها واولادها واخوانها ما يقدرو عليها وزوجي خايف منها موت لانها تضرب وتخيلو لما ولدت وانا في المستشفى ضربته قدامي انا وامي وخالته وانا حزنت عليه لان صعبه تشوفين رجال طول وعرض ينهان قدامك حتى لو من امه وكيف لو كان الرجال هذا زوجك وزوجي بار فيها ما يقولها شي ويخاف الله فيها وخالته قالتلها عيب عليك تهزين شخصيته قدام زوجته وامها وامي كمان قالتلها عيب عليك يا اختي قالت مالكم دخل بيني وبن ولدي المهم بعدين رجعت امه من الحرم وجلست شوي وقالتلها امي الكلام اللي قالته لولدها وعينكم ما تشوف ايش سوت فينا قلبت البيت علينا وصارت كذا وقالت لامي يامنافقه انتي وبناتكانا وخدامتي احسن منكم وتخيلو امي يدوب قالتلها اختك حرام عليك تخيلو الخدامه تضربها وتخاصمها وتدفها وام زوجي تشوفها وما تقولها شي وتصيح وما خلت كلمه علينا ومن كلامها انا وخدامتي مو زيكم سادحات عند mbc وجيهكم فيها غضب ياوسخات بعدين رحت قلتلها خلاص ياعمه احنا اخذنا امي عندنا الغرفهوهي تقول للخدامه سيبيهم هذولي وسخات يبغونك تخدميهم لاتخدميهم ورديتلها بالحرف (ياعمه خلاص امي ساكته هذا كله على ايش احنا تقولين علينا وسخات عشان هذي الوسخه ) اصلا اقسم بالله امي ما فتحت فمها عليها وخلتها تقول كل شي في قلبها قالت انتي وسخه وهي احسن منك وقفلت باب الغرفه في وجهي وقالتلي روحي حرمتيني من ولدي وولد ولدي انا هنا دارت فيني الدنيا انا حرمتك من ولدك وولد ولدك وانا اللي اقنعت ولدك يجيبك معانا المدينه انا احرمتك من ولد ولدك وانتي اللي سميتيه وكل اسبوع عندك وعيالك اللي عندك في نفس البلد ما تشوفينهم الا في الشهر مره سمعها ولدها وهنا ثار وقالها لا ياامي الا زوجتي عمرها ما منعتك من ولدي حرام الظلم وقامت تحلف وتبكي وغلطت على ابوي وقالتله اطلع بره انت ومرتك انقلع تخيلو<< المهم انا هنا انخرطت بكا من ظلمها لي المهم انتهت السالفه هنا وزوجي عرف ان امه ظلمتني وغلطت علي وانقلب ذاك اليوم هو والحق لله طيب معايا وحبوب وايش حلاته بس زاد ذاك اليوم المهم انتهت المشكله والظهر قامت هي واختها وخدامتها وعلى الحرم وشالت ولدها معاها وهناك اشتغل التحريش والزن لحد ماعبته مضبوط جا الولد متغير علي ويقولي ما ابغى اسمع اجلي الكلام لبعد العيد وتخيلو الكلام هذا حصل يوم 27 رمضان المهم انا وقتها عرفت انها عبته تمام جاء هو وهي الفجر تخيلو من الظهر خرجو ولا رجعو الا الفجر واول ما جا قال جيبي الولد امي تبغاه قلت لامو انا حرمتها منه انا الحين بوريها الحرمان على اصوله وزعل زوجي مني لا احد يلومني من القهر اللي فيني والله انا كلمت ابويه وقلتله عالي حصل ومن الزعل لبست عبايتي وطلعت انا وولدي وقلت بجلس في الحرم لحد ميحلها ربي وابويه راح عند زوجي وكلمه هو وابوه وايش تتوقعون قال زوجي رد علب ابويه بكل برود وقله ياعم بنتك غلطانه ليش تتكلم على الخدامه وتقولها ياكلبه ياوسخه ياللي ماتربيتي انا سمعت الكلام هذا وطرطعت لاني لسه ما طلعت ورجعت قلت تعال هنا انا قلت الكلام هذا متى وانتو حاضرين معايا وسمعتو كل شي قال ما ادري امي تقوول قاله ابويه طيب لنفرض بنتي قالت كذا ايوه الخدامه كلبه ووسخه وماتربت ايش عندك وتخيلو يابنات قام فوق ابويه وقاله مو من حقكم تقولو للخدامه كذا قاله والله ياشاطر الكلام هذا امك قالته لبنتي مو بنتي قالته للخدامه وامك قلبته على بنتي المهم انا اخذت في خاطري مره من زوجي يدافع عن الخدامه ويسيب زوجته ام ولده لا وهو انسان ملتزم اجل ايش اقول على غيره واللي يقهر انه سمع امه وهي تسبني وتقول ياكلبه وياوسخه وقلبتها علي لا ولا قلها عيب يا امي طيب نمشيها ونقول امه وما يقدر يرد عليها بس في اسلوب يعلمها فيه بغلطها بس ما في امل ابويه قاله ما دامك مقدرت بنتي انت وامك فاحنا طالعين شقه ثانيه وباخذ بنتي معايا لحد متعرفون قيمتها وتهدأ الامور وهي كل شوي تقول زوجة ولدي هذي<< تقصدني<< صغيره واقدر اتحكم فيها وامشيها على كيفي ورحنا واخذها ولدها اللي هو زوجي ورجعو لمدينتهم واحنا جلسنا في المدينه وعيدنا انا وولدي مع اهلي اول عيد لولدي وانا بس ابكي من القهر وهي مبسوطه ومعيده مع ولدها وزوجي ولا عبرني ولا دق علي لحد ما دق عليه ابويه وعيد عليه قال انا شوي بدق على زوجتي وعمتي اللي هي امي ورحنا مدينتنا بعد العيد ورجع زوجي على قولة انا احبك وما اقدر اعيش من دونك وما اعرف ايه وقال ابويه خلاص ارجعي لزوجك لانه هو قال لابويه انا ما اقدر اقول لامي شي لانها امي وعذرته انا وابويه لانها امهومن ذاك اليوم الى اليوم واحنا في مشاكل ما يعلم فيها الا الله من مشكله لمشكله بتقولون ليش؟ بقولكم امه ما كفاها اللي سوته لا لحقتنا المدينه اللي احنا ساكنين فيها وجالسه في بيتها لان عندها بيت في المدينه اللي احنا فيها وكل يوم تقول لزوجي جيب الولد عندي وولدي صغير ما اقدر اصبر من دونه وتخليه عنده طول النهار بس عناد فيني مو حب وانا ساكته اقول عشاان زوجي واشوف اخرتها معاها بعدين زوجي اخذ ولدي عندها وتاخر واتصلت وقلتله انتبه لولدي وامانه لا تشيله الخدامه قام قلي قدام امه وخالته ليه احنا بناكله قهرني وجلست ابكي وشافني ابوي لاني انا ساكنه في نفس عمارة اهلي وسألني ايش فيني وقلتله واتصل على زوجي وزعل زوجي وعند وماجاب الولد المهم لما جا تهاوش هو وابوي اول مره يتخاصمو كذا لان زي ما قلتلكم ابوي مره يحبه وما يرضى عليه وكل اهلي يحبونه وقال ابوي يالله معاي البيت والا لا انتي بنتي ولا اعرفك ومشيت معاه وجلست 5 ايام عند اهلي وثالث يوم ارسلتله رسايل واعلمه فيها غلطه وانه غلط علي وعلى ابوي واذا انا غلطت انا اسفه بس خلاص ما عاد برجعلك واليوم الرابع جا واعتذر من ابويه بس ما اخذني معاه وجلست يومين كمان واتصلت وانقهرت ليه مايعبرني بعدين مارد طلع في الصلاه واول ما طلع كلمني ومارديت لاني قفلت الجوال واتصل على اخوي وقلت مابكلمه خلاص ليه مايرد بعدين دخلت عالماسنجر ودخل وجلس يراسلني بعدين حنيت وراسلته وارسلي حقوق الزوج عالزوجه وانا ارسلت حقوق الزوجه على الزوج وايش تبغى الزوجه من زوجها واعجبه الكلام مره وقال بكره بجي وباخذك من عند اهلك لاني ما اقدر اعيش من دونك واحبك واموت فيك انا قلتله ما ارجع الا بشروطي قال طيب على عيني وراسي وجا وقلتله شروطي اللي هي ابغى خدامه وما عاد اروح عند اهلك نهاائيا الا للضروره وانت وقت ماتبغى روح ما امنعكو وما رضي قلت خلاص بيت اهلي يلمني ومرتاحه فيه ولا الاهانه من اهلك وبالقوه وافق ورجعت الحمد الله لبيتي وجابلي هديه سلسله ذهب والمشاكل مو راضيه تنتهي كل يومين مشكله معليش طولت عليكم سامحوني بس ابغى حل وانتظروني بكره ان شاء الله اكمل اخر جزء من مشكلتي لاني تعبت ونعست

ربي يكون بعونك

بنات انا ما اقدر انام لحد ما اكمل مشكلتي بس بكملها باختصار بعد ماتصالحت مع زوجي صار كل يوم تتطلع لنا مشكله من تحت الارض واخر شي طلبته خدامه لاني ادرس وولدي يتعبني وانا قايمه في كل شي حتى الاكل ما احب ياكل من غير يدي وملابسه لازم انا اغسلها وغير طلباته هو اللي لازم اقوم فيها ورد علي ماراح اجيب طيب السبب؟؟ قال لاني انفتن فيها وقالي كلمتين نرفزتني بالمره وانتو حطو نفسكم مكاني واحكمو قالي اذا بجيب خدامه ترضين تخمشلي<<< يعني تسويلس مساج في جسمي انا ولعت لما قلي كذا قلي لاني ما اقدر اشوف ثنتين حلوات قدامي واصبر قلت هذا ردك قال ايوه وجلست ابكي من كلامه قلتله هذا وانت ملتزم ومتطوع اجل ايش نقول على الطايشين قال والله الشيطان شاطر تخيلو عصبت واغمي علي من الزعل وما حسيت في نفسي والى اليوم مو قادره انسىكلامه وحلفت عليه اني ما انام معاه في نفس الغرفه ولا يلمس شعره مني واليوم فتح الموضوع قلتله انت ناسي الحلف قال انا ما قلت شي غلط من جد وبعدين جلس يبرر لنفسه انه قال كذا عشان يكرهني في الشغالات وما اجيب وانا ما صدقته قولولي ايش اسوي احس اني كرهته وماني قادره اطالع فيه ولا انام معاه في غرفه وحده الله يخليكم لا تسيبوني لحالي والله محتاجتكم بعد الله

حبيبتي طالما وافق على شروطك
لاتطولين الزعل
غلاتي مالها داعي الشغالة انتو اثنين وش تسوى معك الشغالة وانتي قلتي انك ساكنة فى نفس العمارة
لما تروحي الجامعة خلي ولدك عند اهلك
الله يسخركم لبعض ويبعد عنكم شر امه

الله يكون بعونك على هالحياه وأللي تقصر العمر
وعن جد أحساسي أن كلامه عن الشغاله كان من جد عشان يكرهك فيهم !!!
بس حتى ولو ماتوصل للدرجه هذي لأنه كلام جارح وبقوه !!
كان بأمكانه بطريقه ثانيه يقنعك مو
أنه مايقدر يصبر قسم بالله أرتفع ضغطي ؟؟!!

الله يفرجك همك ياارب ويسخرلك زوجك ويعلق قلبه فيك ولات يشوف غيرك يارب
بليز ادعي لي ان الله ييسرلي الحج هذي السنه

لا اله الا انت سبحانك اني كنت من الضالمين

دايم اغل مشاكل الازواج من الاهل الله يعينك ويرزقك بالصبر