جعل زوجها مايعرس عليها اللي تريحني بكلمه

مرحبا بنات
بقولكم قصتي وابي شوركم علي وربي محتاره في اللي سويته
تزوجت وسكنت عند اهل زوجي لي غرفه وحمام وفي نفس البيت معي 3 من حريم اخوانه
في البدايه حياتي اوكي مع زوجي واهله بس للاسف مع الايام صار زوجي يتدخل
في المطبخ ومن اللي يطبخ ومن هالقبيل وحتى اذا نقص شي وماقلت له من المطبخ يقلبها علي
يعني خلص الدجاج او الخضار مع العلم ان البيت مليان والدور مايجيني الا رابع يوم يعني مو معقوله اقعد
اشيك 24 ساعه على المطبخ.وربي اشتقيت وغيري مرتاح بس ورقتي معي اكتب له وش ناقص
هذا العيب الاول اللي فيه والثاني اني ماشوفه الا وقت النوم بس تخيلوا لي الان معه سنه ونص وهذا حالي وياه بحجة انه مافي الا غرفة النوم وش يقعد يسوي فيها وحتى طلعاتي قليله ماطلع بالشهر الامره او مرتين معه
الزبده في الموضوع قبل فتره تهاوشت معه عشان المطبخ وضفيت اغراضي على الاساس بروح لاهلي بس هو دق على امي وهي هدتني وتعوذت من ابليس وجلست بس انا في حال وهو في حال مانكلم بعض
لكن والله اعلم انه قال لامه عن مشكلتنا لان من يومها وهي وبنتها المتزوجه قالبين علي
واثبتي لي مواقف كثيره منها اولا معبسين مايكلموني وسواليفهم بس مع سلفاتي تخيلوا كنا نتقهوا وكانت سلفتي تصب القهوه وانشغلت في مكالمه واخذت الدله وقلت لخالتي فنجالك قالت وهي معبسه مابي شي ولما خلصت سلفتي من المكالمه مدت لها الفنجال
والموقف الثاني كانوا بيسافرون تمشيه كلهم يعني ماراح مايبقى الا انا وماقالوا عن سالفة السفره شي
الى اخر لحظه لابسين عبايتهم وانا جالسه وطلعوا ماقالوا لي حتى مع السلامه طنشت الموضوع وترضيت مع زوجي وجلست لوحدي معه في البيت وربي حاله تغير معي وصار ما يطلع من البيت وحتى اسلوبه ونفسيته وطبعا هم قعدوا شهر هناك وسافر لهم زوجي لانه كانوا في مكه واخذ معهم عمره ورجع وياهم ووقتها انا كنت عند اهلي لما جاء زوجي كان معصب يقول ليش مارحتي للبيت تسوين لنا سحور قلت سلامات كيف اروح والبيت مافي احد قال فيه اخوي قلت وشلون اجلس مع اخوك بدون محرم قال اخوي ماراح يأكلك ومن عقبها وهو مزبد ( نفسه شينه) واهلها بعد لدرجة لما رجعوا ماسلموا علي بنتي ولما عطيتها خالتي عشان تسلم عليها قالت ابعديها عني ماني في حالها
المهم في نفس اليوم اللي رجعت فيه صلحت السحور وماكان فيه خضار عشان اسوي سلطه او مرق توهم رجعين وماامداني اقوله شي وسويت بس كبسه لما تسحر وطلع سألني من مصلح السحور قلت انا قال الله يفشلك وسواها هوشه ليش ماقلت له انه مافيه شي بالثلاجه تخيلوا يابنات توهم راجعين وانا مالي الا كم ساعه من جيت من اهلي متى يمديني اقوله وسواها زعله وهو بطبعه لازعل يجلس ايام مايكلمني لدرجه انه احيان ماينام معي وينام في المجلس تحت .. صار لي ضغط نفسي هو من جهه واهله من جهه وصارت تصرفاتهم واضحه لدرجة على الفطور اذا شافتني خالتي بالحالي تدعي بصوت عالي ( وتقول جعل من كان في كيد جعل كيده في نحره ) صرت ماجلس لين يجتمعون واذا شافتهم ماقالت شي مع انه يعلم رب العباد ان عمري ماشافوا مني شي في حالي بس مشكلتي مع زوجي انه ينقلهم لهم كل شي يدور بينا والموقف اللي فقع مرارتي انه اخته المتزوجه لما جت ترجع لديرتها ( هي ساكنه برا الرياض وماتجي الا وقت العطله ) دخلت علينا في المطبخ ومافي الا انا وسلفتي سلمت عليها وطلعت وتركنتي نفسيتي تعبت عقبها
اما زوجي حاولت اراضيه وارسله ومع اني عارفه اني ماسويت غلط بس مليت من هالحال
الين جاء ذاك اليوم دخلت عليه قلت بروح مع اهلي اخلص اغراض العيد مابقى الا كم يوم رفض
وقال لو طلعتي حشيت رجوالك عصبت وقلت لارحت مارجعت قال الباب يفوت الجمل انا طارت في خشمي وضفيت اغراضي وقال لو رحتي برسل ورقتك عاندت وجيت لاهلي والى الان مادق ولاعبر لي 10 ايام
وخايفه يسويها ويطلقني
عارفه طولت عليكم بس وربي ماعند خبره كافيه تكفون شورا علي