جيت افضفض عندكم

اسوي روحي مو مهتمه يعني خ
السلام عليكم فراشات
انا فتحت هالصفحه وانا اسوي روحي مو منتبهه ابي افضفض طقت روحي
وبنفس الوقت اقول يابنت طنشي بكرة يوم جديد ( يعني مكتشفة اكتشاف جديد )
ادخل لكم بالموضوع انا لي عن زوجي شهرين ماشفته انا عند اهلي علشان ظروف صحيه ( وش رايكم على الاسلوب )
وهو عند اهله علشان ظروف العمل خ
المهم كان مفروض يجيني الاسبوع الجاي بس اليوم لمح لي انه احتمال انه مايقدر يجي وانه يمكن يأخر جيته انا عارفة الظروف اللي تمنعه بس والله انقهرت الا مت من القهر الا طقت روحي
يعني انا ممكن اسكت واطنش عشان خاطره واني ما ابي احرجه بس احس اني مقهورة
وهو مقهور اكثر مني بس عاد حكم قراقوش
انا اقول لنفسي يالله يابنت تحملي شوي ولا تحرجين زوجك وتضايقينه وهذا اللي يبي يصير لاني اعرف نفسي
بس اقسم بالله اني بموت من القهر
والله اني بكيت اليوم لما صفى راسي وان دموعي قامت تقاطر دمعه دمعه من الحرقة والغبن
طبعا هو لما سمعني ابكي قال بجي وماعليكي من شئ بس يمكن تتأخر الجية كم يوم وانا والله منقهر اكثر منك ومن هالكلام اللي انتو خابرينه اللي يضحكون به علينا الرجال وحنا نبي نصدقهم اصلا خ
المهم انا ماكان عندي رصيد وقتها ولما سكر جيت اكتب له رساله ولا انرسلت شوي هو دق علي ولما رديت ضحك قال انا داق بالغلط لاني كنت ابي ادق على واحد من خوياي طبعا هو كان يكلمني وهو طالع مع خوياه وعنده زحمه وانا اسمع الاصوات عاد انا ماصدقته دق
وهو يعتذر يقول تراني غلطان ياقلبي مابي ادق عليك وانا اقوله لا زين انك دقيت
طبعا انا صوتي كان للحين باقي فيه اثار الصياح قال لا تبكين ياروحي بجي انا يالله بسكر وانا اقوله اسمع ترى والله انا مالي شغل اذا ماجيت لا اقلب عاليها واطيها وعلي وعلى اعدائي
طبعا يابنات انا عمري ماتكلمت مع زوجي بالاسلوب هذا ومدري وشلون طلع مني هالكلام يمكن من القهر انا قلت هالكلمتين واحس حلقي نشف بس سويت روحي عادي ماهمني وهو نبرة صوته تغيرت وقال انا الحين مشغول وعندي رجال يصير خير اكلمك بعدين
طبعا بعدين ماجت للحين خ
بس هو ارسلي رساله على المغرب وكانت حلوة يعني مو مبين انه زعلان
بس انا والله طاقة روحي وبالعة وساكته لاني احب زوجي وهو مايقصر باللي يقدر عليه بس احيانا الظروف اقوى
وانا دايما احاول اخفف عليه الضغط وما ابين له علشان ارحمه المسكين مايدري من وين يحصلها
بس يا خواتي ماني ملاك انا بشر وعندي طاقة للتحمل وشكلها اليوم وصلت حدها عشان كذا جيت افضفض عندكم لاني ما احب اكلم احد عن حياتي مع زوجي وما ابي ابين لزوجي اني طفشت
يعني مافيه غيركم
تحملوني يالله