جيت اقول اني احبك شفت عينك استحيت

لا تقول اني ذكرت ولا تقول اني نسيت
كيف يعني يذكرك انسان لحضه مانساك
ادري اني صدق احبك وادري انك مادريت
اني حتى ضد نفسي صرت ياعمري معاك
لو اقول اشكثر احبك ! ما تصدق لو حكيت
دام حبي فووق والله مستواي ومستواك
(كل حرف ٍ لك كتبت ) و (كل حرف ٍ لي قريت)
(فيه شي ٍ من عناي) و(فيه شي ٍ من غلاك
في غيابك ياحبيبي ياكثر ماقلت لييت
وياكثر ما قيل عني في غيابك وش بلاك
مو مهم اللي جرى لي المهم انك رضيت
دام يزعلني زعلّك ودام يرضيني رضاك
انت دمع ٍ في عيوني مابكيته لو بكيت
وانت كل اللي كتبته وانا بس اللي قراك
وانت درب ٍ من بديته في حياتي مانتهيت
وانت تعني لي بهالدينا نجاتي والهلاك
جيتك أتأسف حبيبي وأعترف اني خطيت
جيتك اسبق لهفة اشواقي ويسبقني غلاك
وانا مدري( شلت قلبي لك ) بعد وجييت
وإلا ( قلبي شالني لك ) يابعد عمري وجاك
جيت اقول( اني احبك) شفت عينك استحيت
في عيونك قدرة الله واشهد ان الله عطاك
لا تقول اني ذكرت ولا تقول اني نسيت
دام قلبي ماذكرك ودام قلبي مانساك..