حابة اسولف وياكم افائلكم عشان ماييكم فتور

LEYAZEE

12-08-2022 - 11:14 pm

السلام عليكم ورحمة الله وبركاته
بنات اشحالكم؟؟؟
طبعا الكل تم يدعي برمضان بالزوج الصالح ويمكن البعض استجاب الله لهم بسرعه والبعض باذن الله رح يستجيب لدعائهم في القريب العاجل..
وانا منكم تميت ادعي تقريبا شبه يومي لين صلاة الفجر وانام
على اواخر رمضان امي تعبت علينا يتلها حمى الجو كان متفيرس والفريج كله محموم وانا في
المستشفى مع امي كان معانا اخويا امي يحليلها تمت تدعيلي ولخواتي ولاخويا لان كنا نسهر معاها
للفجر في المستشفى ومستانسة على وقفتنا جنبها وكانت من ضمن دعاويها يارب يا ليازي يرزقج بالزوج الصالح
فاخويا سمعها قال حصلنا لليازي معرس انا عاد سويت عمري مب مهتمه خ وانا في
داخلي اريد اعرف منو المعرس خ قال وحده ويا زوجته في الدوام تبى تخطب لاخوها قلت بخاطري بعد
ثاني من طرف مرته!!! الحين هاي ثاني مرة زوجته تجيبلي معرس!!! وتمت تدور الافكار ببالي انزين اهيا ليش
ماتجيب لخواتها ماشاء الله اشكثر خواتها واهم اولى مني!! رغم اني استانست بس رديت افكر فيهاواقلبها براسي ... قلت اول مرة خطبتني مرت اخوي لواحد من معارفهم وماكنت متحمسة ولما شفت اهل المعرس سبحان الله الحماس زاد وصرت مهتمه بالموضوع وحبيتهم وارتحت لهم و حسيت ابواب السما تبطلت لي اخر شي اخويا رفض وانا حاسة السبب الرئيسي اهل مرته لان مر علينا وباركلي وقاللي خلاص موافقين وراح يتعشى بيت عمته (اهل مرته) وثاني يوم الصبح خبر امي برفضه للمعرس..رغم انه مباركلي قبل ليتعشى عندهم !!!! (ونزلت موضوع قبل حطيتلكم فيه عن احداث هذي الخطوبة )
وانا الحين مابى يصير فيني اللي صار فيني قبل وقلت لامي لو كلمج اخويا ثاني قوليله اهيا ماتبى مش موافقة وبعدين احس مابي من طرفهم معرس مع اني احترم مرته واخوية بس اريد ارد اعتباري وكرامة اهلي لان امي تمت تتصل بمرت اخويه واخويه وايد بالخطوبة الاولى وحسيتها رمت نفسها عليهم بزوود لان تبى تقتنع بسبب الرفض واهما يلفون ويدورون بالكلام معاها حتى امي شدت مع اخوي وانهو الموضوع ولا حسبو حساب احساسي واني كنت مزهبه نفسي للشوفة الشرعية والخطوبة!!! وامي تقول للحين ياريت خذت تلفون ام الولد نست تاخذه كانت واثقة باخوية ومرته لانهم كانو المرسال بينهم وبينا ..
بس بالنهاية انا مستانسة تدرون ليش لان في امل اني انخطب وفي ناس تدق بابنا للحين وتبي تخطبني ودعاوية تستجاب وانا بعدي توني داشة بال 23 سنة وان شاء الله رح انخطب ولواحد مثل ما اتمنى وبيني جذيه من الله وتكون صفاته وموصفاته احسن بمليون مرة من اللي خطبتهم مرت اخوية لي قولوا امين وانا ماراح اقصر من الدعاء وبتم ادعي بزود لين ماتتحقق دعوتي باذن الله لان بالنهاية ماطلب شي حرام والله امرنا بالحلال فاكيد رح يستجيب لي ^^
ومابنساكم من الدعاوي ونصيحة خلوو امهاتكم يدعولكم وابهاتكم ويداتكم وعماتكم لان هذيلا كبار بالسن وذنوبهم قليلة دوم ملتزمين احس دعاويهم بسرعه تستجاب انا مخليه امي تدعيلي بس ابويا استحي اقوله وعمتي ما شاء الله ملتزمة ودوم تقوم الليل اخليها تدعيلي الله يعطيها الصحة والعافية

التعليقات (9)

سكر99

13-08-2022 - 02:32 am

الله يسر امورك يارب

ملوكة السعودية

13-08-2022 - 03:33 am

الله يكتب لك اللي فيه الخير ويرزقك باللي تتمنينه وكل المسلمات

حلآوهـ

13-08-2022 - 04:34 am

وعليكم السلام ورحمة الله وبركاته
الله يرزقك ويرزقني ويرزق جميع بنات المسلمين بالأزواج الصالحين مخمومين القلوب

LEYAZEE

13-08-2022 - 05:35 am

الله يرزقنا واياكم في القريب العاجل

كلي أمل برحمت ربي

13-08-2022 - 06:36 am

الله يسر امرك و يرزقك بالزوج الصالح

LEYAZEE

13-08-2022 - 07:37 am

الله يرزقنا واياكي يارب في القريب العاجل

D5oon

13-08-2022 - 08:38 am

اسال الله العظيم رب العرش العظيم ان يرزقك بالزوج الصالح عاجلا غير اجلا والذريه الطيبه
ويرزقني وجميع بنات المسلمين امين يارب العالمين
دعواتك لي 00

almond and nuts **

13-08-2022 - 09:39 am

الله يسعدك و يوفقك

LEYAZEE

13-08-2022 - 10:40 am

الله يرزقكم يارب ويوفقكم يارب في القريب العاجل
بدعيلكم كل مادش على هالموضوع ...
وانتو ادعوو لاي بنت تطيح عينكم على اسمها بأي موضوع بهالقسم سبحان الله ممكن تتيسر بسببكم ويجزيكم الله بزوج مافي منه

بركولي يابنات بنخطب قريب بإذن الله←
عاجل انا الدلوعه سماهر مشتاقه لكم→