حالتي

1. اكيد ما فهمتم بس الشرح


2. الحين ما عرفتو وش السالفه

السلام عليكم
اول مره اكتب موضوعي بمنتدى وهذا من شدة القهر اللي فيني وودي بمشورره منكم عن مشكلتي اللي ما قدرت احلها
نفسي اعرف ليه الاخ ما يرضى على اخته من ناحية تعامل زوجها معها بس ناحيته هو عادي يتعامل مع زوجته نفس معاملة زوج اخته

اكيد ما فهمتم بس الشرح

زوجي لما عرف مشاكل اخته مع زوجها من ناحية تعامله معها وانه الامبالي بها او بعيالها اذا كانوا عياله تعبانين يقول لها انتي اهتمي بهم بس هم بيطيبون و ما يحتاجون مستشفى وما يروح بهم اي مكان وانه يطلع مع زملاه وحماتي دايم تزعل منه بس تقول عشان العيال ما اقدر اتركه و اخوها (اللي هو زوجي) قال لها مالك الا انك تقعدين عند اهلي لين يعرف من هو اللي على حق وقعدت عند اهلها اسبوع واخر شي جاء زوجها واخذها وانه عرف الحق مع من ورجعت الميه لمجاريها

الحين ما عرفتو وش السالفه

هو ان زوجي يعاملني( نفس معاملة زوج اخته لاخته ) بس ليه يشوف الواحد عيوب غيره ولا يشوف عيوبه مع ان زوجي طلعاته كثيره مع زملاه يعني بنسبة 85% والباقي مع اهله يعني اذا تعبت يطق الصدر ويقول باوديك بس ما يمر نص ساعه الا وهو عند اهله او زملاه وانا اقعد حاله مايعلم بها الا ربي و المشكله انه يروح بزملاه المستشفى اذا كانو تعبانين لدرجة اني ازعل و ما اكلمه واحس اني مالي اهميه عنده لدرجة اذا سولف معي يقول بان الواحد يقدر يتزوج اكثر من مره اذا ما اعجبته زوجته الاولى او يقول تصدقين ان فيه واحده من الممرضات في المستشفى لاصقه فيني و تغازلني هذا اذا كان رايق ووده يسولف معي انا اكون محتاره معه وش اسوي معه عشان يرجع لي زي اول من ناحيه الرومانسيه و الاجتماعيه المشكله اني رومنسيه لدرجه اني لما اضمه وهو جاي من برا يقول ابتعدي عني وش فيك يا كرهك و اذا مسكت يده و احنا بالسياره يقول اف وش ذا السامجه ومره قبل ما يروح ينام بس مو لدرجة اني لازقه فيه بس اذا حسيت انه مرتاح بس دايم تجيني دعاوي منه علي الله ياخذك اذا انا قريبه منه واذا ابتعدت الله ياخذها متى تروح عني وانا لدرجة احبس الدمعه و الحين صارت الوساده الصدر الحاني و البطانيه الاحضان الدافيه لدرجة ودي اموت لان حتى اهلي طردوني من بيتهم لي سنتين ما رحت عندهم يقولون اقعدي عند زوجك و ما نبغى نشوفك مره ثانيه المكالمات هي اللي تقرب البعيد اذا زعلت من زوجي وين اروح و خايفه انه يطردني لانه دايم يقول هذا بيتي ما لك احق فيه يعني اقدر اطردك وهذا بعد ما اقول له ودي ازين البيت و اصلحه عشان اذا جانا احد يكون البيت حلو مع ان(الشقه ايجار ماهو تمليك) صرت الحين غير مباليه فيه حتى اذا راح مكان مع زملاه او عند اهله ولا قد قلت له اطلعنا طلعه عشان العيال يلعبون (لانه يقول ياشينكم اذا طلعتو معي ما ابغى اطلع انا تعبان بس اذا واحد من زملاه دق عليه بنفس اليوم وودهم يطلعون طلعه شبابيه ما تشوفين الا غبرته من عند الباب عشان ما نعاتبه)
حتى اولادي من النوع الهادي ما شاء الله عليهم و يخليهم لي اذا شافوو ابوهم يبغون يلعبون معه بس هو يقول خذي الاولاد و ابتعدي عني ما ابغى اشوفكم
زوجي الله يصلحه و يهديه قولوا امين من النوع اللي يناظر للحريم في الاسواق و شارع و التلفزيون و المشكله انه يقول هذي حلوه مرره و هذي شينه وانا لدرجة اتب نفسيا و اقول ليه انا ماني عاجبتك يقول بس هاذي احلى من ناحية الملامح حلووه
بس ابغى اعرف ليش زوجي كذا يشوف عيوب الاخرين ولا يشوف عيوبه لدرجة اني من النوع الصريح معه من ناحية معاملته معي و مع عياله بس هو ما يسمع لي و نتزاعل بس يحط العيب فيني يقول انتي مو مهتمه باللي حواليك ولا بعيالك صرتي كريهه ما يقدر الواحد يتهنا بقعدته لحاله, المشكله انا من النوع اللي هادي واكتم اهاتي لنفسي اما اهله ما يبغوني اروح لهم وحتى اذا سالت عنهم يقول لي وش تبغين فيهم ليش تسالين يعني انا عمري ما قصرت معه او مع اهله او مع اهلي بس الله يكون في عوني
ابغى منكم الدعوه بان يسخر لي زوجي و اهله و اهلي