حبيبته أم حياته أم روحه

السلام عليكم و رحمة الله .,
اول شيء حابه اقولكم أنو منتداكم مرة يجنن ما شاء الله
تاني شيء انا متابعة لكم و بالذات الحياة الزوجية و أستفدت منكم كتير
بس بصراحة ما كان فحالي أسجل هع
لكن سار شيء ضيقني شوتين حبيت أسسألكم عنو و أشوف رأيكم فيه ..
انا من يوم ما اتزوجت و زوجي دايمن يناديني يا "روحي" و مسميني في جوالو "روح معاذ"
و في نفس الوقت ينادي أمو "حبيبتي" و مسسميها "حبيبة معاذ "
كيدا أوك مع أنو مو راضية بس ممشيتها لأنو يقول أنو من قبل ما يتزوجني و هو يقولها كيدا
دحينا بعد ما جبت بنتي سار يقولها يا "حياتي" و دايمن يناديها كيدآ
مرة قهههرني كل الناس لهم مكان عندوو ب الله إيش دا ؟ انا احس دا الكلام المفروض بس يتقال لي انا
روحت قلت لو : ممكن أعرف إيش الروح و الحياة و الحبيبة بالنسسبه لك ؟
إلا قالي بمختصر الكلام أنو الحبيبة أسساس سعادتو و وجودو و الحياة شيء يكافح فيلو من أجلو و يحبو من غير تفكير
و الروح شيء ملازمك دائمن ما تقدر تعيش من دونو !!
قلت لو : ما بدي أكون الروح بدي أكون القلب مثلاً ؟!
قال لا هوا ما يعترف بالأشياء الحسية ..
و الله مرة يترفع ضغطي لمن أسمعو يكلم أمو ولا بنتي
يعني انا الشيء إللي أكون جبنوو عشان أخليه يكافح و يجيب كل شيء ل بنتو و أمو و يحبب فيها
بنات بس بدي أخذ رأيكم ..
إيش تختاري تكوني :
1- حبيبة .
2- حياة .
3- روح . < إللي أختارتها تقولي السسبب >
و رجاء لا تجي وحدة تقول أبى أكون كل شيء بالنسسبة لو كلنا نبغى نكون كل شيء
لكن " ما كل ما يتمناه المرء يدركه "
و إللي تحس الموضوع تافه شكراً لرايها تخلي لها و تقفل الصفحة لانو كفاية زوجي عليا
و على فكرة دي رابع مرة أكتب الموضوع