حتى نحنا المخطوبات لنا حركاتنا احم احم مين قدنا

1. وهذي أشياء ثانية كمان...قريتها في احد المنتديات


2. تعرفوا اش سوينا:

صباح الورد...
اش معنى المتزوجات بس هم اللي يسووا حركاتهم الرومانسية...ليه نحنا مالنا رب.....
اش رايكم يالمخطوبات ( المملكا ات) نجتمع هنا ونفرد عضلاتنا...
ونوريهم شطارتنا...وكل وحدة تقولنا أفكارها...
راح أبدأ وأقولكم أفكاري المتواضعة...وان شاءالله تعجبكم...
1- أرسله مسج قبل مايروح للدوام...يعني بوقت أكون متأكدة فيه انه مقفل جواله...علشان أول مايصحى ويفتح جواله يلاقيه...وأكتبله فيه أشياء كثيرة منها..
صباح الفل ياسيد الكل - صباحك ورد ياروح روحي - ..........الخ.عاد مايحتاج أقولكم انتو أدرى...
2-طبعا لازم أحسسه أنه أهم ماعندي بالوجود واني خايفة عليه...مثلا...أتصل عليه الصباح وأوصيه انه يلبس شي دافيء قبل لايخرج...ولمّا يكلمني بأيا وقت وهو برا البيت ...أسأله متدفيء؟زين زين؟ فطرت يا.....( عاد انتو اختاروا ياحياتي ياروحي أو أي شي)؟
3-من فترة لفترة أرسله ايميل معتبر ....وأحكيله فيه عن حبي ومشاعري جهته.
4-لمّا يتعب لو من انفلونزا ....أنا اللي أتصل عليه وأذكره بمواعيد الدواء...لدرجة اني مرة كنت أوقت الساعة بنص اللي علشان أتصل عليه وأصحيه علشان موعد المضاد...
5-قدميله الهدايا بشكل غريب وحلو...مثلا: مرة زارني وعجبه البدي اللي عليّا...لمّا جات مناسبة...غلفتله الهدية بنفس البدي...مرة عجبته الحركة.
6-أنا طبعي خجولة وماأقدر أحكيله عن مشاعري مباشرة....فسويت هذي الحركة...جبت كاميرا الفيديو...وثبتها قدامي...وجلست أحكيله وأحكيله عن كل مشاعري...وقدمته له مع هدية ...
7-حسسيه انه هو المسؤول عنك...وانك محتاجتله بكل وقت...يوه راح ينتفخ بس انتبهي لاينفجر ليكي...مثلا: قبل العيد أسأله اش أشتري...؟اش ألألوان اللي تبغاني ألبسها بذأه العيد؟أنا أثق بذوقك..ومايهمني اللبس اذا يعجب غيرك أو لأه...أهم شي يعجبك انتا...ومن ذاه الكلام الحلو...
طبعا ولا يخفى عليكم ....لكن للتذكير...وهو انكم طالما انكم مملكين ومايجوزلك تخرجي الا بأذنه...
8-قبل فترةاشتريت ملابس بيت ( فيها شوي حركات)...لمّا زارني أديتله الكيس وقولتله حطها ببيتنا...ماأبغى أحد يشوفها غيرك.......................... ..وأرسلتها معاه...يوه جات عينه وتدمع من الفرحة...
9-سويله شوي مفاجآت ماتخطر ع باله.....مثلا مرة اتفقت مع صديقتي انها تروح لمحل ورد
وتختارلي أحلى بوكيه وتديلهم عنوان عمل خطيبي.......................وو صلوه له بالدوام.....
الحمد لله انبسط مرة....
أنا طلبت من صديقتي لأنها هي قريبه منه...................أما أنا ياحسرة بعيدة عنه.....
0-طبعا ماراح أوصيكم لاتاخذي راحتك بالمرة.....ترى جاذبية الأنثى بخجلها.....

وهذي أشياء ثانية كمان...قريتها في احد المنتديات

مرة اتصلت ع خطيبي وكلمته برسمية وقولتله المحامي : فلان....قال: ايوا...قولتله أبغى أرفع قضية ع زوجي ....هو فهم الموضوع وكمل الخيال معايا...وصرت أشكيله وأقوله ع الأشياء اللي بجد مزعلتني فيه...وهو ياخذ مني المعلومات...
وأوقات أتصل عليه...وأقوله : آلو 911.....عندنا حالة خطيرة الحقونا...وحدة اسمها ............ مجنونة بواحد اسمه ............ماتنام ولاتاكل ولا ولا ولا.....عاد هو يقولي اسمعي اللي أقولك عليه ونفذيه قوليلها : ترا حتى هو يموت فيكي يامجنونة...................... ......كمان نكمل الفيلم الهندي...
وهذي الحركة نسويها كثير...أتصل عليه وأقوله يؤ معليش الظاهر اني غلطت بالرقم...يقوللي لأه ماغلطتي ....أقوله طيب ذأه رقم واحد اسمو..........يرد علي يقوللي لأه...أقوله حلو و و و واجلس أوصف وهو يقوللي لأه....ويقوللي ياحظه شكلك مرة تحبيه.....
أوقات لأه هو يستهبل علي..يتصل ويقوللي ممكن نتعرف؟؟؟ههه.. .عاد أنا أقوله تصدق صوتك حلو ...نتعرف اليوم وبس...وكمان نكمل الخيال......
بس أحلى مرة اللي ماأنساها....كلمني بالليل وجبنا سيرة الشات والناس التافهين اللي فيه ( عاد أنا أول ماجابولي أهلي النت من 5 سنوات عاهدت ماما اني ماأدخل الشات) قام قاللي اش رايك نتعرف ع الشات...روحت واستأذنت من ماما...

تعرفوا اش سوينا:

دخلنا مع بعض...قام جالي ع البرايفت وقاللي ممكن نتعرف ؟ وصرنا نحكي حوالي ساعة...بعدها قاللي كلميني ع الماسنجر وأرسلي ايميله ( عاد انا عندي الايميل حقه من زمان بس حركتات )....بعدها جلسنا نكلم بعض ع الماسنجر يوميا اسبوع كامل...
صراحة متعة.....كذبنا الكذبة وصدقناها.....بس حلوة...
ان شاء الله تعجبكم...وبانتظار أفكاركم الحلوة....حتى انتو يالمتزوجات ماراح نفككم...خبرونا بأفاكاركم الحلوة أيام الملكة....ومشكورين مقدما...