حركات كول للبنات

مرحبا بنوتات اخباركم ان شاء الله بخيرر
انا اليوم جايبة لكم حركاات كوول للبنات
يعني حركات في اللبس..
بشكل حلو وغريب وملفت للنظر..
راح ابداء باول فكره..
انك تلبسين بلوزه سوداء ساده ويفضل تكون(هاينك) برقبه
وتحطين من وراء على طوول ظهرك بروشات كثره الى تنباع في كليرز وتوزعينها
بشكل عشوائي..
او انك تشكلينها على اسمك
وهذي فكره الثانيه..
تجيبين بلوزه سوداء او بيضاء المهم تكون قطن وقديمه شوي يعني مليتي منها
وتجيبين المقص وتقصصيها بطريقه عشوائيه بس مايكون التقصيص لاكبير ولاصغير
مره ...
وعلى ذوقك ياتقصصيها من وراء او من قدام او من كل الجهات
وتلبسي تحتها بدي ويكون بألوان صارخه مثل الاصفر ...او الاخضر
الفسفوري ...الفوشيا...اللون اللي تحبيه
وبيطلع شكها حلو...
الفكره الثالثه
كيف تسوين اساور كشخه
روحي محلات الخياطه
وخذي لولو
واشتري شرايط الووان أي تحبينه
ودخلي الشرايط في اللولو وبعدين تربطينها على يدك
وبس
الفكره الرابعه
الحركه هو تجيبين قميص رسمي اسود او ابيض وبعدين تلبسين فوقه بديهات حفر او
نص كم او البديات اللي تجيك عاريه بالمره ولا يمكن تلبسينها لحالها وتكون الوانها
صارخه وبيصير شكلك شي ..........
الفكره الخامسه
البس بلوزه سوداء وتنوره سودا وتكون واسعه شوي
المهم البس احزمه سخيفه بالمره يعني 2 او 3 وادخلهم بأتجاهات متعاكسه
طبعا الاحزمه تجيكم سخيفه بالمره...مثلا اخذ لي احمر+اصفر+اخضر
والبس كويتش ديور الاسود اسود وارفع شعري بالنظاره والبس سلاسل بنفس
الالوان ويطلع شكلي كول.....
الفكره السادسه
لازم يكون عندك قميص ابيض ساده بأكمام طويله ومايكون عليه حركات ولا رسومات
لانك كذا بتوفرين احسن ماانك كل يوم تلبسين ملون وعليه صور واشكال لان البنات
بسرعه ينتبهون اذا كررتيه
اما عن افكاري كلها مع البلوزه البيضاء:
1-انك تلبسين معه عقد طويل وكبير ملون وحزام نفس اللون
2-او تلبسين فوقه بديات ملونه
3-او تلبسين معه سكارف ملون(شال)
4-او تاخذين شريطه ملونه طويله وتلفينه على اليدين(من بداية الكتف إلى نهاية الكم
تخلينها على شكل اكس ×)
5-واذا كان فتحت الصدر سبعه v تلبسين تحته بلوزه كت او اللي ينلف على الرقبه
بألوان مرحه مثل:وردي سماوي اخضر---الخ
الفكره السابعه
البسي بلوزه هاينك اسود اكمام طويله
وخذي شرايط من محلات الخياطه وسويها على شكل فيونكه( كرفته) وعلقيها على
البلوزه على شكل خط مائل ابتدئي من الكتف وتنتهي عند الخصر وتسوين نفس
الشيء من وراء وتحطين وحده في الاكمام بس...
الفكره الثامنه
فيه فكره بعد حلوة
البسي تيشيرت يكون لونه ساده مثلا اسود او احمر المهم يكون ساده وجيبي من
السلاسل الطويله اللي تنلبس على الرقبه والبسيها بالمايل يطلع شكلك مره
يلا قولولي يا بنوتات ايش رايكم بالحركات
انتظر ردودكم الحلووه
منقول لعيونكم