حركة رومانسية او اي شي اعجبت زوجك وحبها تجارب الفراشات

//
يالباك ع هالطرح الجميل
بالفعل محتاجين مواضيع اشبه بكذا عشان نحرك القسم
كله مشاكل ويعور القلب
الحركه الي سويتها واعجبته
حطيت صورته بصدري ولبست بلوزه كاشفه ع الصدر
والصوره مبين نصها
لما رجع للبيت
شافها وانبسط

بنت العتيبي!
فديت اللي اول واحدة ردت علي
مشكورة قلبي
ما شاء الله حركتك مرة حلوة واعجبتني حيل
بس للاسف ماقدر اسويها لاني ماعندي صورة له
يسلمو

حلو موضوعك يسلمو
بس مااذكر شي صارلي ان شاء الله البنات مابيقصررو

اب

انا سويت له حركه وانبسط مره طبعا هو على وجه ترقيه ذيك الايام بس ماعلق الرتبه باقي ورحت عند اهلي واخذت له درع بمناسبة الترقيه ورجعت وخشيت الدرع ما درى عنه وفي يوم قالي انا ممكن اليوم بكون مستلم قلتله اوكي ولا ادري انا انه بيعلق ذاك اليوم وهو يبي يسويها مفاجاه لي ومع المغرب كذا دقيت عليه مايرد بعدين دقيت على زوجة صديقه وصديقتي بنفس الوقت وقلتلها تعالي عندي زوجي مستلم قالت لا زوجي الي مستلم قلت كيف انا مدري عنه ادق مايرد علي قالت لحظه بدق ع زوجي وبساله ورجعت كلمتني الله يسعدها ويرزقها بالذريه الصالحه وقالت ان علق الرتبه وعنده شغل وبيرجع قلت اوكي باي وقفلت ورحت سويت حلى بسرعه ولبست وحطيت شموع وحطيت الدرع والا يفتح الباب وتفاجا مره وانبسط قالي كيف عرفتي جلست اضحك واقول الطاير الاخضر قالي ههه قالي بغيتها مفاجاه لك وسويتي فيني طلعت حلوه ولا خططت ولا شي الحمد لله الله يسخر قلبه لي امين<<<طولتها ههه

انا لسه بفترة ملكة
بس سويت له مفاجأة يوم ميلاده كان بعد اسبوع من موعد زيارته لي
وقبل اسبوعين من زيارته لي عنده زيارة لأهله
هو ساكن بمنطقة بعيد عني وعن اهله
المهم انا كلمت اخته واتفقت معها انهم يسووا له حفلة بسيطة
جابوا كيك وزينة وشموع وزينوا مجلسهم وهو جا الاربعاء نهاية الدوام وفاجأوه بالحفلة وقالوا له ان خطيبتك هي المشرفة عليها ههه
هو انصدم وانبسط
واسبوع يوم ميلاده كان بعيد عني وعن اهله وقلت له كل عام وانت بخير بالجوال
ولما جاني كانت زيارة عادية عشا وضيافة ولما حسيت ان الوقت قرب يخلص وبيمشي رحت وجبت كيكة كنت شاريتها من باسكن روبنز وجبت الشموع اللي تطلع شرار ولعتها قبل ماادخل عليه ودخلت وانا شايلة الكيكة بيدي << يا انا تحررقت بسبب هالشرار ههه
وهو لما شافني فز وابتسم وانبسط وقلت له كل عام وانت بخير وغنيت له ونزلت الكيكة وبسته وحضني وباسني وقطعناها واكلته ووسخت ثوبه بالايس كريم وأكلني ووسخني ههه
بعدين جبت له كرتون هدايا حطيت فيه الهدية وكانت الهدايا اللي داخل الصندوق مغلفة من تغليفي
وقلت له يخمن ايش هي الهدايا لكن خمن هدية صح والثاني لا
كانت نظارة برادا ومحفظة برادا
وشراب من ديكيز << كان في سالفة بيننا عن الشرابات وجبت له ههه
وميدالية انمي كرتونية بس للذكرى ولد وبنت يتباوسون وعليها حرفي وحرفه
وبالصندوق اوراق صغيرة ومكتوب بكل ورقة جملة او كلمة او شفرة من شفراتنا نثرتهم وخليته يفتش عليهم ويقراهم
وفي مرة من المرات كان تعبان مرة انفلونزا مدري زكام
كان رايح للبيت وبسرعة دقيت ع اخته وقلت لها تسوي له عصير ليموون وتعطيه اذا جا
سوت العصير ومدته وقال ايش هذا قالت عصير
انبسط << الخوات مستحيل يخدمون اخوانهم بدون امر الا من رحم ربي ههه
سألها امي قالت لك تسويه لي قالت له يعني تسوي حالك ماتدري قال والله ماادري
قالت له حرمتك ههه
تشقق من الفرح مسكين
بس هذا اللي اذكره
لسه مااقدر اسوي له حركات ومفاجأت لأني بعيدة عنه بس دخلت عرض حتى استفيد من تجاربكم
الله يحفظ ازواجنا لنا يارب

الله يهنيكم ويسعدكم
عقبال ما ارجع بيتي بعد الولادة واسوي حركات رومانسية
وترجع علاقتنا احسن من قبل
احتاج دعواتكم رمضان كريم

اجراس ان شاء الله ترجعين وانتي باحسن حال ويوفقك يارب
اسمحيلي ياصاحبة الموضوع ع الرد.................